Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Mu Rwanda hagiye kurekurwa imyuka ifite impumuro ijyanye n’umuziki

Mu gihe abantu benshi bari basanzwe bazi ko umuziki utagira aho uhuriri n’impumuro zitandukanye , kuri ubu abatari bacye bakomeje gutungurwa n’ibyatangajwe kuri uyu wa gatanu ko taliki 11 z’uku kwezi kwa Gicurasi hazaba igitaramo cya Jazz Perfume aho haba harekurwa imyuka ifite impumuro ijyanye n’umuziki urimo,kikazabera mu nyubako ya RRA.

Ibi ni ukuvuga ko mu gihe ibicurangisho birimo kugenda umujyo umwe harekurwa imibavu ihuye n’imimerere yabari muri icyo gikorwa uwo mwanya,bikabafasha kubongerera amarangamutima bari bafite.

Iki gitaramo ariko kizaba nyuma y’igiteganyijwe kuri uyu wa Gatandatu taliki 6 Gicurasi ubwo hazaba hizihizwa umunsi ngarukamwaka mu by’ubufatanye hagati y’u Rwanda n’umuryango w’ubumwe bw’uburayi (European Union).

Ni nako abakunzi b’umuziki batazicwa n’irungu kuko ngo bazasusurutswa n’abahanzi nyarwanda barimo Riderman, Charly&Nina ndetse Buravan, Mico Band, Nyundo Symphony Band, Afrogroov ibarizwamo Angel Mutoni, Mike Kayihura, Deo Munyakazi, Eric Soul&Prime.

Abazitabira iki gitaramo bazabasha kumenya iby’ubufatanye buri hagati y’umuryango w’ubumwe bw’uburayi, cyane cyane ko uwo munsi uzaba utegura uwa tariki 09/05/2017 ubwo hazaba hizihizwa umunsi w’Uburayi (Europe Day),umushyitsi w’imena muri ibi birori akazaba ari Minsitiri w’ububanyi n’amahanga Louise Mushikiwabo.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X