Monaco cosmetics

Mu muhango w’irahira rya Trump hazatangwa urumogi rw’ubuntu

Amahuriro y’abanywarumogi muri Leta Zunze Ubumwe za Amerika yahize kuzatanga udupfunyika tw’urumogi turenga ibihumbi 4 , mu rwego rwo kwifuza ko itegeko ryakwemera ko icuruzwa ryarwo ryemerwa.

Mu gihe biteganyijwe ko Donald Trump azarahirira kuyobora Amerika taliki 20 Mutarama 2017 asimbura Black Obama, abanywarumogi nabo bahize ko bagomba gutanga urumogi abaturage bakinywera.

Umunyapolitiki uyoboye abazatanga urumogi, Adam Eidinger, yabwiye CNN ko bagamije guha ubutumwa Trump kugira ngo atazashyiraho amategeko abangamira abanywarumogi.

Ati “Turi guharanira uburenganzira bwacu kuko duhangayikishijwe n’uko Leta izashyiraho amategeko atubangamira. Ni gahunda twashyizeho yo gusangira urumogi bataradufungira amazi n’umuriro. Dushaka no kwivuganira ngo baduhe amategeko aturengera.”

Eidinger yashinze ihuriro DCMJ ryaharaniye ko urumogi rwemerwa muri Leta ya Washington; kuri ubu umuntu yemerewe kugendana no kunywa udupfunyika tubiri tw’urumogi ariko ntibyemerewe kurugurisha ku mugaragaro.

Abanywa urumogi bagize impungenge nyuma y’uko Trump ashyizeho umushinjacyaha mukuru, Jeff Sessions, ubanga urunuka.

Muri Mata 2016, yagize ati “Abantu biyubaha ntibanywa urumogi, dukeneye abantu bakuru berekana ko urumogi atari ikintu cyo gushyigikirwa, kuko ari ikibazo gikomeye ku gihugu cyacu.”

Aya mahuriro acuruza urumogi bashimangira ko urumogi ruramutse rwemewe hari ibibazo rwagabanya, harimo no kuvura kanseri ndetse no kugabanya ubukana bw’agakoko gatera SIDA.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X