Monaco cosmetics

Musaza wa Violette Uwamahoro yamushinje mu rukiko


Shumbusho Jean Pierre ukora akazi k’igipolisi yashinje mushiki Umunyarwandakazi Violette Uwamahoro ufite n’ubwenegihugu bw’Ubwongereza ari nacyo gihugu yabagamo kuba yaramusabye ko yareka gukorera leta y’abatutsi kuko bari hafi kuyihirika. Ibi yabitangaje mu iburanisha ryabaye kuri uyu wa kane tariki ya 23 Werurwe 2017 ubwo Uwamahoro yagezwaga imbere y’urukiko rwisumbuye rwa Gasabo ku nshuro ya mbere.

Musaza wa Uwahamahoro bari kumwe imbere, kuko nawe afunzwe, we yahamije imbere y’urukiko ko Uwamahoro yakunze kujya amwandikira kuri WhatsApp anamuhamagara akamubwira ko atarangije amashuri akamubwira ko yamufasha kuyarangiza.

Uyu mupolisi witwa Shumbusho ariko wari wambaye gisiviri, yavuze ko akorera mu bapolisi bihariye bashinzwe gutabara, ‘Interforce Unity’. Yavuze ko mu biganiro yagiranye na mushiki we yakoze amakosa yo kumena amabanga y’igihugu.

JPEG - 97.8 kb
Uwamahoro Violette ubwo yitabaga urukiko

Yemeye ibyaha byose aregwa, anabisabira imbabazi, avuga ko Uwamahoro yamusabaga ko yazashaka Passeport akazamufasha kujya mu Bwongereza.

Aha Shumbusho yabwiye Urukiko ko mushiki we yamubwiraga ko yarekera aho gukorera Leta y’Abatutsi, ati ‘byihorere iyo Leta tuzaza tuyivaneho.’

Shumbusho yavuze ko Uwamahoro yaje kuza kumubwira ko ngo WhatsApp bavuganiragaho zishobora kuba zigenzurwa, akamusaba ko yayihindura agashaka indi, ko azamushakira abandi bantu Uwamahoro azajya anyuzaho amakuru bakayamushyira.

Uwamahoro Violette ahawe ijambo ngo agire icyo abivugaho yabwiye urukiko ko yafunzwe kuva tariki 14 Gashyantare 2017 ku mugoroba nka saa moya n’igice. Yavuze ko ibyo aregwa ari ibinyoma, yerekana ko afite ikibazo cy’uko atwite, asaba ko yakoroherezwa agafungurwa agakurikiranwa ari hanze.

Kuri ibi, umwunganizi we mu mategeko yagaragarije urukiko ko Polisi ari yo ifite amatelefone ye yose na za password zayo, bityo ko bazigenzura ko nta perereza rizigera ripfa nk’uko Ubushinjacyaha bwabivuze.

Aha ni naho yahise ashimangira ko umukiriya we yunganira atwite inda y’amezi atanu, avuga ko nubwo nta mpapuro zo kwa muganga zibigaragaza babifitiye ariko ko yazajyanwa mu cyuma agapimwa.

Umunyamategeko yagaragaje ingingo ya 28 y’Itegeko Nshinga avuga ko umwana wese afite uburenganzira bwo kurengerwa ku buryo bwihariye n’umuryango we, abandi banyarwanda na Leta, bitewe n’ikigero n’imibereho arimo nk’uko biteganywa n’amategeko y’u Rwanda ndetse n’amategeko mpuzamahanga.

Yashimangiye ko nubwo nyina yaba umunyacyaha, ko nubwo ibyo ubushinjacyaha bumurega hazasangwa bifite ishingiro Urukiko rwarengera umwana, rugategeka ko nyina yaba afunguwe, avuga ko umwana yitwa umwana kandi akarengerwa kuva agisamwa.

Ku ruhande rw’Ubushinjacyaha narwo rwabwiye Urukiko ko ibyo gutwita Uwamahoro avuga nta bimenyetso yagaragaje.

Umuntu wese afatwa nk’umwere ku cyaha aregwa igihe cyose kitaramuhama burundu mu buryo bukurikije amategeko, mu rubanza rwabereye mu ruhame kandi ruboneye, yahawe uburyo bwose bwa ngombwa bwo kwiregura.

Umwunganizi wa Uwamahoro we yavuze ko kuba Uwamahoro yaragiranye ibiganiro na musaza we nta cyaha abibonamo, ko ahubwo ibyaha byaba ibyo baganiriye ariko ko kuganira kwabo ari ibintu bisanzwe nk’abavandimwe.

Yavuze ko Uwamahoro atari asanzwe ari umunyapolitiki, ko atari umusirikare yewe ntabe n’umupolisi ko ntaho yigeze agaragara mu myigaragambyo afite nibura nk’ifoto yamagana ubutegetsi, ko nta radiyo mpuzamahanga n’imwe aravugaho yaba za BBC, RFI cyangwa Ijwi ry’Amerika bityo ko nta mpamvu abona zikomeye zatuma akomeza gufungwa.

Uwamahoro ukurikiranyweho kugira uruhare mu bikorwa bikomeye by’ubugizi bwa nabi, ndetse no gukangurira abantu kwitabira umutwe w’abagizi ba nabi; yabwiye Urukiko ko hari ibyo akenera ntabibone nk’umugore utwite, asaba ko yarekurwa akajyanwa ahantu hazwi akabasha kwitabwaho neza.

Afunganywe na musaza we w’umupolisi witwa Shumbusho Jean Pierre we uregwa ubufatanyacyaha, akaba ari n’umwe mu bamushinja.

JPEG - 45.4 kb
Uwamahoro Violette n’umwunganira mu mategeko

Mu iburanisha ryo kuri uyu wa Kane, ryabereye i Rusororo, mu Rukiko Rwisumbuye rwa Gasabo, ubushinjacyaha bwasabiye Uwamahoro gufungwa by’agateganyo kugira ngo hakorwe iperereza ryimbitse ku byaha aregwa.

Ni urubanza Uwamahoro yajemo yambaye imyambaro isanzwe ari kumwe n’umwunganira.

Mu cyumba cy’iburanisha hari harimo abandi bantu bafunzwe baje kuburana, nabo bakurikiranye uru rubanza rwabanjirije izabo. Hari harimo kandi abo mu muryango wa Uwamahoro, abakozi ba Ambasade y’Ubwongereza mu Rwanda, inzego za Polisi n’abanyamakuru batandukanye b’ibitangazamakuru byo mu Rwanda na mpuzamahanga.

Mu cyifuzo cyabwo, Ubushinjacyaha bwagaragaje ko impamvu bushingiraho busabira Uwamahoro gukomeza gufungwa by’agateganyo ari impamvu zikomeye. Bwagaragaje ko nubwo ibyo Uwamahoro aregwa atabyemera, hagaragajwe ibimenyetso bifatika by’uko yavuganaga kuri WhatsApp na musaza we w’umupolisi nawe ufunzwe.

Ashingiye ku itegeko ryerekeye imiburanishirize y’imanza z’inshinjabyaha, ku ngingo ya 96 n’iya 97 zigena impamvu zikomeye zituma umuntu akekwaho icyaha, n’iya 98 igena izindi mpamvu zituma haba ifungwa ry’agateganyo, umushinjacyaha yabwiye urukiko ko Uwamahoro yakomeza gufungwa.

Yavuze ko gukomeza gufungwa kwa Uwamahoro kandi ari uburyo bwiza bwatuma we na musaza we badasibanganya ibimenyetso ahanini anashingiye ku kuba ibyaha baregwa ari ibihungabanya umutekano w’igihugu.

Urukiko rumaze kumva impande zombi rwimuriye iburanisha tariki 27 Werurwe 2017.
Uwamahoro, washakanye na Rukundo Faustin nawe uba mu Bwongereza, Polisi y’u Rwanda, mu ntangiriro za Werurwe nibwo yatangaje ko imufite.

Umuvugizi wa Polisi ACP Theos Badege yatangaje ko Uwamahoro akekwaho uruhare mu bugizi bwa nabi kandi ko aregwa gufatanya n’agatsiko k’abandi bantu batuye mu Bwongereza.

Uwamahoro, umubyeyi w’abana babiri; uw’imyaka 10 n’uw’imyaka 8 baba mu Bwongereza, yaje mu Rwanda, bivugwa ko yari yaje mu muhango wo gushyingura se.

Nkindi Alpha

Kanda hano udukurikire kuri Facebook na Twitter

Ibitekerezo

jean paul - 28/03/2017 saa 23:26

Uwo mugore nakatirwe bamaze kunaniranape!!!
Kanda hano umusubize

Karekezi Benoit - 26/03/2017 saa 09:07

Basomyi b'imirasire mwaramutse,reka mbabwire inzozi narose kandi nari maze gusenga mu ma saa saba arenga,nabonye imbwa nyinshi zikaze zishaka kurya abantu ziri mu kibaya no mu misozi,zaramokaga cyane ziteye ubwoba,hanyuma haje abasilikare barazirasa zirapfa nyinshi cyane nakangutse hasigaye nkeya kandi bakizirasa byumvikane ko bazimaze,nabajije Imana icyo bisobanuye,irambwira ngo abantu bazazira umunwa wabo,nk'amagambo abantu banditse hano ateye ubwoba,mwaretse amarangamutima yanyu,iyi Leta yashyizweho n'Imana yo mu ijuru,abantu Bose barareshya imbere y'amategeko,abazayirwanya Bose,bazahasiga ubuzima kdi ntimukitiranye ibintu,kuko impamvu zose zo kuririraho ngo iyi Leta iveho zakuweho,uz'ubwenge yitonde,Murakoze.
Kanda hano umusubize

Mihigo - 26/03/2017 saa 18:22

Inzozi warose, zisobanura ku bijanye n'ubuzima bwawe.. Ni ubutumwa abamarayika bashatse gutambutsa kugira ngo umenye uko wagendanavn'Imana... Ntabwo ari ibya politique.. Niba ushaka kumenya icyo zisobanura, nyandikira kuri WhatsApp +254700001646
Kanda hano umusubize

Karekezi Benoit - 26/03/2017 saa 09:06

Basomyi b'imirasire mwaramutse,reka mbabwire inzozi narose kandi nari maze gusenga mu ma saa saba arenga,nabonye imbwa nyinshi zikaze zishaka kurya abantu ziri mu kibaya no mu misozi,zaramokaga cyane ziteye ubwoba,hanyuma haje abasilikare barazirasa zirapfa nyinshi cyane nakangutse hasigaye nkeya kandi bakizirasa byumvikane ko bazimaze,nabajije Imana icyo bisobanuye,irambwira ngo abantu bazazira umunwa wabo,nk'amagambo abantu banditse hano ateye ubwoba,mwaretse amarangamutima yanyu,iyi Leta yashyizweho n'Imana yo mu ijuru,abantu Bose barareshya imbere y'amategeko,abazayirwanya Bose,bazahasiga ubuzima kdi ntimukitiranye ibintu,kuko impamvu zose zo kuririraho ngo iyi Leta iveho zakuweho,uz'ubwenge yitonde,Murakoze.
Kanda hano umusubize

peace - 24/03/2017 saa 20:40

ariko se mubyukuri umuntu ashobora gushinja mushiki we ??? ibyo nukubeshya nibyo bise gutekinika rwose uru rubanza nawe utaruca kabisa
Kanda hano umusubize

- 24/03/2017 saa 18:14

Uwo atwi te ntaruta umutekano w'abanyarwanda, kuki ashaka gufatwa neza kandi we ashaka gushyira abaturage bo hasi hasi , mu kaga? Nibyo, nafatwe neza mu burenganzira bwe, ariko anabazwe ibyo byaha nibimuhama akanirwe urumukwiye. No mu gihugu ashaka guhungabanya, abatwite barimo, natuze !!!
Kanda hano umusubize

- 24/03/2017 saa 22:26

Abayarwanda mwaravumwe igihe mwanywereye amaraso ntimuragwa ivutu?
Kanda hano umusubize

- 29/03/2017 saa 06:55

Ubwo ayo n'amagambo uvuze ubwo urumunyarwanda,ntiwigeze uca mwitorere nyarwandape ntukwiye kuvuga ayomagambo.
Kanda hano umusubize

kgggggg - 24/03/2017 saa 15:07

hhhhh Islamic state na alsha bab bikorerahe? NGO twigendere
Kanda hano umusubize

didi - 24/03/2017 saa 11:57

Muri yesu gusa niho habamo amahoro n'ibyishimo naho kwisi ntawutarengana suwambere suwanyuma
Kanda hano umusubize

kamanzi karangwa - 24/03/2017 saa 11:15

ibyo gutwita se bihuriyehe nibyo aregwa kuki se we ashaka kubangamira abandi ngo ntibabeho mumukurikirane maguru mashya ntawamenya
Kanda hano umusubize

kamanzi karangwa - 24/03/2017 saa 11:14

ibyo gutwita se bihuriyehe nibyo aregwa kuki se we ashaka kubangamira abandi ngo ntibabeho mumukurikirane maguru mashya ntawamenya
Kanda hano umusubize

bond - 24/03/2017 saa 10:32

Hahahhaaaa.ngo leta yabatutsi!!!.ntacyo,baragahora bimwe ikongoma y'urwanda.kuko iza izayibanjirije myuma y'ingoma cyami,zarazwe n'umuvu w'amaraso w'inzira karengane,n'itera nyuma.ubutara bw'urwanda ndabwizera,ubyuy'umugore buzabikisha munzira ikwiye.kuko ntaho urwanda rwakungukira rushinja uy'umugore ibinyoma.buriy'afite aho uhuriye nibyo ashinzwa.
Kanda hano umusubize

rwahozaho - 24/03/2017 saa 10:09

iyi Leta ntiyahirikwa n'abantu bakoze amaraso. Imana ntiyabyemera
Kanda hano umusubize

did - 24/03/2017 saa 11:54

Utayakoze se ninde? Yewe Yesu gusa niwe Mweranda
Kanda hano umusubize

john - 24/03/2017 saa 08:42

kazungu we icecekere abagore muri iki gihe nibo basigaye bakora amahano ariko nakera niko byahoze reba iby o delila yakoreye samusoni ???????
Kanda hano umusubize

Gasakure - 24/03/2017 saa 08:16

Mu by,ukuri ubutegetsi bwagombye gutangaza ko bunaniwe aho gukomeza gutesha abantu umutwe.Ibyaha bigaragara barega umuntu yandikiye birihe?Wenda bahimba ibindi ariko niba iby,inkuru ivuga niba ari ibi,nibarekure umubyeyi yitahire kandi bamusabe imbabazi.Ubu koko umubyeyi wacu Kagame niwe wabwira aba bantu ngukora ibi.Mugiye gutuma bamutera urubwa mu mahanga ngo niwe wamufungishije.
Kanda hano umusubize

serugendo Telephone - 24/03/2017 saa 07:23

Ariko iri tekinika ryogutwerera abantu ibyaha rizarangira ryari yewe nzaba mbarirwa agatinze kuzaza namenyo yaruguru Mana tabara u rda mumaguru mushya.
Kanda hano umusubize

serugendo Telephone - 24/03/2017 saa 07:20

Ariko iri tekinika ryogutwerera abantu ibyaha rizarangira ryari yewe nzaba mbarirwa agatinze kuzaza namenyo yaruguru Mana tabara u rda mumaguru mushya.
Kanda hano umusubize

Mahoro - 24/03/2017 saa 06:19

Violette namenye ko u Rwanda atari u Bwongereza na Amerika. Kuvuga ngo "leta tuzayikuraho " ubundi mu bihugu bifite "droit d'expression " si icyaha. Ariko ibyo si ibyo kuvugira henshi muri Africa, cyane cyane mu Rwanda. Ubu se Uriya musenateri wo muri America wavuze ko Trump azegura mu minsi mike, hari uwamuciriyeho iteka? Ariko Violette niyibuka ko hari abafunzwe bazira kumva radio yabo, icyaha cye azagisobanukirwa neza.
Kanda hano umusubize

hhhhhhh - 24/03/2017 saa 05:09

Nti ntyo rwose ....abagore!?? Banatwite
Kanda hano umusubize

habimana - 24/03/2017 saa 02:55

ariko rwose ukurikije aho igihugu cyacu kigeze hari ibitari bikwiye kudutwara umwanya ,harimo rwose abantu bavangira excellence paul kugira ngo berekane ko bakora kandi ahubwo badusebya.nkuwo mwamuretse akazagwa ku bandi koko ?
Kanda hano umusubize

iganze - 24/03/2017 saa 02:13

Ko ndora adasa uko yasaga kuri ya photo yashyizwe ku mbuga mbere? Bamworohereza rwose ubwo atwite, ibyo by'ingoma y'abatutsi niba yarabivuze cyangwa yarabyanditse asabe imbabazi.
Kanda hano umusubize

felic - 24/03/2017 saa 01:51

Ariko akarengane kazacika ryari Kokomo kuganira numuvandimwe kuri what's up nacyo nicyaha iyingirwamuvandimwe nayo yapanzwe gushinja mushiki we yewe ntibizoroha pe
Kanda hano umusubize

- 24/03/2017 saa 22:21

Ni mpemuke ndamuke
Kanda hano umusubize

kazungu - 24/03/2017 saa 01:03

Turimo kwiha urw,amenyo!Igihugu cyacu sicyo guhungabanywa n,abagore!
Kanda hano umusubize

serugendo Telephone - 24/03/2017 saa 07:22

Ariko iri tekinika ryogutwerera abantu ibyaha rizarangira ryari yewe nzaba mbarirwa agatinze kuzaza namenyo yaruguru Mana tabara u rda mumaguru mushya.
Kanda hano umusubize

mbegeti butegwa - 24/03/2017 saa 09:20

Ibyo uvuga wabanje kubitekerezaho?
Kanda hano umusubize

Byumva - 24/03/2017 saa 10:23

Kazungu reka kwitetesha wivugire uko wishakiye n'amarangamutima menshi kandi si nawe uca urubanza mu Nkiko yewe ntabwo unashinzwe umutekano w'u Rwanda.
Kanda hano umusubize

peace - 24/03/2017 saa 20:48

byumve koko wowe uru rubanza ntiwaruca koko? ubwo washinja mushiki wawe usibye kubeshya ?ariko rero nuwu musaza we harya ngo Ni umupolisi?Ni polisi winkundamugayo ? na ndamuke uyu munsi?ese ubwo uwo yakitangira igihugu raaa.sawa naha abacamanza
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X