Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Nyanza:Icyo Mayor avuga ku myiteguro y’itabarizwa ry’Umwami Kigeli V Ndahindurwa

Nyuma y’uko Umugogo w’Umwami Kigeli V Ndahindurwa ugera mu Rwanda ndetse bikemezwa ko agomba gutabarizwa mu karere ka Nyanza, Umuyobozi w’ako Karere Erasme Ntazinda mu kiganiro na Imirasire.com yavuze ko bishimiye ko icyifuzo cy’umuryango cyubahirijwe Umwami akaba agiye gutabarizwa aho yimikiwe.

Yagize ati”Biradushimishije kuba icyifuzo cy’umuryango we cyarubahirijwe Umwami akaba agiye gutabarizwa aho yatuye akanahimikirwa.”

JPEG - 126.6 kb
Ntazinda Erasme umuyobozi w’Akarere ka Nyanza

Abajijwe uko imyifato y’abaturage bo muri ako gace imeze bakimara kumenya ko umugogo w’umwami ugiye gutabarizwa i Mwima, Ntazinda yavuze ko kuba bataramenya umunsi nyirizina azatabarizwaho nta kintu kihariye barimo gukora ariko imyiteguro yo kumwakira yo irahari.

Umugogo w’Umwami Kigeli V wageze mu Rwanda ahagana mu ma saa Sita zo kuri uyu wa Mbere tariki 9 Mutarama 2017, nyuma y’uko urukiko rwo muri Leta zunze Ubumwe z’Amerika rwanzuriye ko agomba gutabarizwa mu Rwanda.

Ni nyuma y’uko habaye impaka ndende hagati y’abagize umuryango w’umwami Kigeli V Ndahindurwa n’umunyamabanga we Benzige aho uruhande rw’umuryango rwifuzaga ko umugogo we utabarizwa mu Rwanda naho Benzige we akavuga ko mbere yo gutanga yari yaravuze ko agomba gutabarizwa muri Amerika.

Ibi byatumye hitabazwa urukiko muri Leta ya Virginia maze rwanzura ko umwami agomba gutabarizwa mu Rwanda kuva nta bimenyetso simusiga byemeza ko yasize avuze ko azatabarizwa muri Amerika, ikindi kandi akaba nta bwenegihugu bwaho yari afite, bikaba ari bimwe mu byashingiweho ko agomba kuzanwa mu gihugu cye.

Nyuma y’uko umugogo we ugezwa mu Rwanda wahise ujyanwa mu buruhukiro bw’ibitaro byitiriwe umwami Faisal, gusa umunsi wo kumutabariza nturatangazwa kugeza ubu.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X