Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Nyuma y’igihe Alain Muku atagaragara yongeye kugira icyo ahishurira abakunzi b’umuziki nyarwanda

Nyuma y’igihe kigera hafi ku mwaka umuhanzi Alain Mukuralinda atakibarizwa mu Rwanda yarerekeje i Burayi, kuri ubu umusaruro w’ibikorwa bye watangiye kujya ahagaragara binyuze mu muri gahunda ya Hanga Higa aho ku ikubitiro indirimbo 5 z’abana batsinze mu irushanwa Hanga Higa zanonosorerwaga mu Bubiligi zamaze kurangira.

Uyu mugabo mbere y’uko yerekeza hanze y’igihugu cy’u Rwanda yari yatangiye igikorwa cyo kuzenguruka uturere dutandukanye hashakwa abana bafite impano abatsinze bakorerwa indirimbo.

Zimwe mu ndirimbo zagiye hanze harimo indirimbo Dore umugabo ya KARANI , Uzicuza ya Peace ,Gikundiro ya Leandre ,Anociata ya Eric ndetse na Amahoro yanjye ya Mahirane.

Karani umwe muri abo bakorewe indirimbo ubwo yaganiraga n’itangazamakuru yavuze ko yishimiye cyane kuba indirimbo ye “Dore Umugabo”ariyo yatoranyijwe ngo irangirizwe muri Studio zikomeye bitewe n’ubutumwa bukubiyemo yumva ko ireme ikoranye byayifasha kubutambutsa bukagera kure.

Alain Mukuralinda uzwi ku mazina y’ubuhanzi ya Alain Muku uri mu Rwanda kuri ubu arimo gukurikirana ibikorwa bye by’umwihariko ibirebana n’umuziki avuga ko n’ubwo atakihabarizwa ariko ahora akurikiranira hafi imikorere y’umuziki,ari nayo mpamvu atazihanganira kubona impano z’abana b’Abanyarwanda zipfukiranwa ari nayo mpamvu yiteguye gushyiramo imbaraga ze zose ngo muzika itere imbere.

Ku byerekeye ibyavugwaga ko yahagaritse umuziki,yabihakanye yivuye inyuma ashimangira ko yabanje gushaka icyazamura abo bana bamara kugira aho bagera akobona gukomeza ibikorwa bye.

Abafite impano bacikanwe ubwo amajonjora ya Hanga Higa yabaga,uyu mugabo avuga ko muri Nzeri uyu mwaka bishoboka ko bakongera kuzenguruka ibice bitandukanye by’u Rwanda abatsinze bagakorerwa nk’ibyo bakuru babo bakorewe ndetse hakazaba hari n’akarusho.

Uretse kuba ari umuhanzi nyarwanda wamenyekanye mu ndirimbo nyinshi zakunzwe nka Murekatete, Batsinde, Gloria, Musekeweya n’izindi, Alain Mukuralinda benshi bakunda kwita Alain Muku, atarerekeza i Burayi yari asanzwe ari n’umuvugizi w’ubushinjacyaha bukuru bw’u Rwanda, akaba yaratangiye gukora mu bushinjacyaha bukuru bw’u Rwanda mu mwaka wa 2002,Kugeza ubwo yasabaga gusezera mu mpera z’umwaka wa 2015.

Ndacyayisenga Fred

Kanda hano udukurikire kuri Facebook na Twitter

Ibitekerezo

Bwiko Pierre - 5/05/2017 saa 02:21

Uyu muagabo ashobota kuba tarasanze nta promotion bamuha agahitamo kubirekera ba nyirabyo.Imyaka 13 yose? Abandi baza bagucaho bazamuka naho wowe warumiye kururiya mwanya?
Kanda hano umusubize

Otto On Eichimann - 2/05/2017 saa 06:39

Ntawansobanurira Itandukaniro Hagati Yu Yu Muhanzi Nawa Mushinjacyaha Wa Repebrika Ko Numva Bose Bitwa Ba Alain Mukurarinda?? Munsobanurire Pe
Kanda hano umusubize

dije - 2/05/2017 saa 07:02

niwe nyine yahoze ari umuvugizi wubushinjacyaha
Kanda hano umusubize

Nicos - 2/05/2017 saa 07:02

Ikigaragara ntiwasomye inkuru yose ngo uyirangize.Yigeze ku mpera urasobanukirwa
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X