Monaco cosmetics
Ahabanza  >>  Amakuru yose >> Imyidagaduro >> Hanze y’u Rwanda >> 

Nyuma yo gushaka gutandukana hakazamo kidobya Brad Pitt Na Angelina Jolie baricuza umwuka mubi bateje

Nyuma y’uko muri Nyakanga umwaka ushize bivuzwe ko abakinnyi b’ibyamamare ba filimi ku isi Angelina Jolie n’umugabo we Brad Pitt bagiye gutandukana ndetse bikaza gufata indi ntera,kuri ubu byongeye gutahurwa ko umubano aba bombi ukomeje kwiyongera ku buryo uca n’amarenga ko bashobora gusubirana vuba.


Aba bombi batangiye kubana muri 2004 ariko basezerana imbere y’amategeko muri Kanama 2014.Angelina Jolie akaba yarashyizwe ku rutonde rw’abifuza gutandukana kuwa 15 Nzeli 2016 ari nabwo ibyo kwaka gatanya byatangiye gututumba.

Abantu benshi bakomeje kwibaza ukuntu uyu mukinnyi wa filme Angelina Jolie yaje gufata icyemezo cyo gusaba gutandukana n’uyu mugabo we Brad Pitt bari bamaranye imyaka 12, ndetse byari bizwi ko ari bamwe mu byamamare bibanye neza. Gusa Angelina Jolie we akaba yaragaragaje ko atishimiye uburyo abanye n’uyu mugabo we.

Nyuma y’ibyo rero kuri ubu ikinyamakuru www.radioone.com kiravuga ko aba bombi batangiye kugirana umubano uganisha ku gusubirana nk’uko bahoze na mbere dore ko ngo kuva uyu mwuka utari mwiza bari bafite wo gutandukana wari waratumye batavugana.Gusa ngo impamvu y’uyu mubano yaba iganisha ku nyungu z’abana aba bombi bafitanye n’abo barera.

Ubusanzwe Angelina na Brad Pitt bafite abana 6, barimo batatu barera aribo umuhungu witwa Maddox, Angelina Jolie yakuye mu kigo cy’imfubyi muri Cambodia amaze amezi 7 gusa avutse, hari muri Werurwe 2002.

Uw’umukobwa witwa Zahara Marley Angelina na Brad Pitt bavanye mu kigo cy’imfubyi muri Ethiopia ubwo yari afite amezi 6, hari muri Kamena 2005 ; ndetse n’uwitwa Pax Thien bakuye muri Vietnam afite imyaka 3, hari muri Werurwe 2007. Naho abana bibyariye ni Shiloh w’imyaka 5, n’impanga 2 z’imyaka 3 arizo Knox na Vivienne.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X