Monaco cosmetics

Perezida wa Koreya y’Epfo yagaramye ko yimitse inda agashyira igihugu mu kangaratete

Madamu Park Geun –Hye,Perezida wa Korea y’Epfo yahakanye ko yamunzwe na ruswa yemeza ko ababimuvugagaho ari abashaka kumusebya bidafite ishingiro.

Mu kiganiro n’itangazamakuru ku wa 01 Mutarama 2017, Geun yatangaje ko atigeze arya ruswa kandi atigeze agambanira igihugu, bityo akaba ntacyo yishinja n’ubwo bamwe ngo bavuga ko yashyize inda imbere


Ni mugihe hari hashize igihe Perezida Park ashinjwa kurya ruswa no kuba yarafatanyije n’ inshuti ye Choi soon- Sil koreka igihugu, byatumye asa n’uhabwa akato kugeza n’ubwo abo mu muryango we bashaka kumutererana.

Mu minsi ishize nibwo Umushinjacyaha wa Republika yashinje Park kuba yarafashije mugenzi wiwe Choi Soon-sil n’uwahoze amufasha Ahn Jong-bum mugusaba amasosiyete akomeye muri Koreya gutanga ruswa ya miliyoni 65 z’amadolari ku yandi mashyirahamwe abiri yo muri icyo gihugu.

Perezida Park yabwiye abanyamakuru ko ibyo ashinjwa ari ibinyoma bidafite ishingiro kuko ngo nta muntu n’ umwe yigeze yaka amafaranga cyangwa ngo agire icyo asezeranya umuntu n’ umwe. Gusa yavuze ko ikirego cye kiri mu nkiko.

Ni ubwa mbere Perezida Park yari agaragaraye mu itangazamakuru kuva tariki 9 Ukuboza 2016, ubwo yeguzwaga n’ Inteko Ishingamategeko ya Koreya y’ Epfo.

Inshuro nyinshi Perezida Park yisobanuraga avuga ko ibyo yakoze yabikoze mu nyungu z’ igihugu, urukiko rureberera Itegeko Nshinga (Urukiko rw’ ikirenga)
cy’ iki gihugu ririmo gusuzuma ibirego biregwamo Perezida Park, biteganyijwe ko iki gikorwa kizamara amezi atandatu.

Urukiko rw’ ikirenga nirumara gusuzuma ibiregwa Perezida Park bimuhama ruzategeka ko yeguzwa burundu hahite hategurwa amatora yo kumusimbuza.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X