Monaco cosmetics

RDC: Amabandi yitwaje intwaro yahitanye Umwami

Umwami wa Gurupoma ya Bishasha witwa Etienne Kivu Mabwanano yiciwe I Masisi mu mpera z’iki cyumweru n’amabandi yitwaje intwaro ku muhanda wa Kitshanga muri Teritoire ya Masisi ( Nord – Kivu).

Umwe mu bategetsi bahagarariye Kitshanga avuga ko uwo mwami yavuye Goma kuwa gatandatu agana I Kitshanga agiye kwiyandikisha kuri lisiti y’itora aza kugwa mu gico cy’amabandi yitwaje intwaro.

Uwo mwami wari uri ku ipikipiki n’ushinzwe kumurinda yarashwe mu gatuza isasu ari naryo ryahise rimuhitana.

Iyi yicwa ry’uyu mwami rije nyuma y’izindi nshuro 4 umwami wa Bishasha yishwe mu myaka 4 gusa nk’uko byemezwa na Guverineri wa Kitshanga Jacques Kitchengele.
Ati « Ndabimenye mu by’ukuri ko abahigwa ari abatware.

Ibi binteye impungenge zikomeye kuko njye ku bwanjye numva nta mutekano mfite uhagije. Niyo mpamvu dutabaza guverinoma gufata ingamba nshya zikaze zo gushakira umutekano abaturage.”

Andi makuru aturuka muri ako gace avuga ko Etienne Kivu yaba yishwe biturutse ku makimbirane ari kuvugwa muri ubu bwami.

Umubiri w’uyu mwami wahise woherezwa I Goma aho ubitse mu gutegereza igihe uzashyingurirwa.

Nkindi Alpha.

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X