Monaco cosmetics

Radio na Weasal mu nzitane y’ibibazo bibakomereye kubyikuramo

Abahanzi b’ibyamamare bibarizwa mu itsinda rya Good Life muri Uganda (Radio&Weasal) bakomeje gucenga ubutabera nyuma y’uko uwari umujyanama wabo mu by’umuziki “Jeff Kiwa” akomeje gutanga ibirego ngo batabwe muri yombi.


Ni nyuma y’uko mu mwaka ushize aba basore bigeze kuvuga ko uyu Jeff yica abantu ngo akabatangaho igitambo mu muryango wa Illuminat kugirango yagukirwe muri Business ye ariko byagera mu rukiko agahanagurwaho ibyaha ahubwo akabahindukirana akaba ariwe ushora urubanza.

PNG - 316.9 kb
urupapuro rwo guta muri yombi Radio na Weasal

Ibi byatumye urukiko rwa Makindye rusaba aba bahanzi kuza kwisobanura ariko baterera agati mu ryinyo banga kujyayo nyamara Jeff we ntiyatuza akomeza gushyiramo umuhate dore ko ngo hari n’amafaranga miliyali imwe y’amashilingi bamwambuye ahwanye n’agaciro k’ibyo bangije mu gihe batezaga akaduruvayo mu kabari ke ariko baranga baba ibamba ntibitaba ubutabera.

Ntibyatinze rero umukuru w’uru rukiko yatanze amabwiriza ko uzabona aba basore aho bari hose yamenyesha inzego zibishinzwe bakabata muri yombi,ariko ngo kugeza ubu bahora bacenganga aho bacyeka ko bashobora gufatwa yewe ngo hari n’ibitaramo batagipfa kwitabira.

Jeff Kiwa ushinja Radio na Weasal ubwambuzi no kumusebya,mu minsi ishize nibwo umuryango wa Chameleone wamushinjaga kuba yaragize uruhare mu rupfu rw’umwana wabo AKA 47 wasanzwe mu kabari ke yapfuye, gusa uyu mugabo yahakanye yivuye inyuma ako atazi icyamwishe.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X