Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Rider Man , Buravan mu birori bya ‘European Street Fair’ bigiye kubera mu Rwanda

mu Mujyi wa Kigali ku itariki ya 6 Gicurasi 2017 kuri Stade Amahoro i Remera hagiye kubera ibirori bizwi nka "European Street Fair" bizahurirana n’ibindi birori bikomeye byo kwizihiza Umunsi w’u Burayi[Europe Day] uzitabirwa na bamwe mu bayobozi b’u Rwanda mu nzego zitandukanye n’abagize Ambasade za EU zikorera i Kigali

Muri ibi birori hatumiwemo abahanzi mu ngeri zitandukanye, Abaririmbyi, amatsinda y’umuziki akomeye mu Rwanda ubwo bazaba basusurutsa abazitabira ibi birori ubwo hazaba hizihizwa umunsi wahariwe u Burayi.

Ubuyobozi bugize itsinda ritegura ibi birori bwatangaje ko byateguwe n’ihuriro ry’abagize Umuryango w’Ubumwe bw’u Burayi[EU] ku bufatanye na Ambasade z’ibihugu biwugize zikorera mu Rwanda.

Muri ibi birori bizabera mu marembo ya Stade Amahoro i Remera hazaba n’igitaramo gikomeye kizitabirwa n’abahanzi barimo Riderman, Charly &Nina, Buravan, abaririmbyi n’abacuranzi bagize itsinda Afrogroov barimo Angel Mutoni, Mike Kayihura, Deo Munyakazi, Eric Soul na Prime.

Abahanzi bize umuziki mu ishuri rya Nyundo bagize itsinda Nyundo Symphony Band n’andi matsinda y’umuziki nka Mico Band nabo bazacuranga muri ibi birori. Mu bandi bazasusurutsa ibi birori harimo Dj Vasco na Pim basanzwe bavanga imiziki mu Burayi.

Ibirori bya Europe Day byaherukaga kwizihirizwa mu Rwanda kuwa 9 Gicurasi 2016 mu rugo rwa Ambasaderi wa EU Michael Ryan, icyo gihe byitabiriwe n’abahagarariye ibihugu byabo mu Rwanda bakomoka i Burayi n’inshuti zabo n’abayobozi bakuru mu Rwanda mu nzego zose harimo na Minisitiri Louise Mushikiwabo n’abandi.

Bruce MUSHUMBA

Kanda hano udukurikire kuri Facebook na Twitter

Ibitekerezo

yves manzi - 3/05/2017 saa 06:31

kwinjira nangahe cy ni ukwitwaza amaranga muntu?
Kanda hano umusubize

- 28/04/2017 saa 03:49

niryari ngo tuhagere twese
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X