Monaco cosmetics
Ahabanza  >>  Amakuru yose >> Hirya no Hino >> Mu Rwanda >> 

Rwamagana : Barataka inzara

Abashumba b’umushoramali mu bworozi i Nyagasambu mu karere ka Rwamagana mu murenge wa Fumbwe barataka inzara kubera kwamburwa n’uwo bakorera, abo bashumba bavuga ko bamaze amezi arenga 5 badahembwa.

Usibye uwo mukozi muto mu mushinga w’ubworozi bwa Turatsinze Eugene bigaragara ko, ari umushinga wamaze kuba ubukombe, ku buryo binagoranye kumva ko nyirawo yabuze ayo yishyura abashumba b’inka n’inkoko ze, abo barimo n’umukozi ushinzwe gucunga abandi bakozi twasanze binikije badusobanura uko bambuwe.

JPEG - 96.8 kb
Umwe mu bashumba ba Turatsinze utaka inzara

Usibye inka uwo musholamali Turatsinze Eugene anatunze inkoko, nyinshi z’amajyi n’inyama, udashobora kumenya umubare, yewe ntushobora no kumenya umubare w’amagi inkoko ze zitera, usibye ko abakozi be bayagereranyiriza mu bihimbi 5 ku munsi.

Uwo mushoramali arazwi mu murenge wa Fumbwe, nyamara ubuyobozi bw’umurenge buvuga ko kuba yishoboye bidakuraho ko yakora amakosa, nubwo nta cyemeza ko yambura koko.

Ku murongo wa Telefone Ikinyamakuru Imirasire.com cyagerageje kuvugana na Eugene Turatsinze ariko ntibyashoboka kuko atitabaga telefoni.

Amakuru, aturuka mu bakozi be, inyagasambu ya Fumbwe aho ibikorwa bye bibarizwa, avuga ko ashobora kuba yarahise yohereza umubare munini w’abakozi mu ngo zabo atabahembye ibirarane by’amezi 5, icyakora ngo yabasezeranyije kuzabahamagara akabahemba ku itariki 15 z’ukwa 1,ibintu abakozi be bafata nko kubacengacenga.

Nkindi Alpha

Kanda hano udukurikire kuri Facebook na Twitter

Ibitekerezo

HITIMANA Joseph - 17/04/2017 saa 19:06

Mbega inkuru ibabaje!!!Niba nabonaga uriya musore ushonje ngo mwihere amafranga.Ariko se ABAKIRE bamwe babaye gute?Imana ivuga ko abantu bambura abakozi babo izabarimbura ku munsi w'imperuka.Ubukire turapfa tukabusiga,tukajya mu gitaka.Ntimukishinge abanyamadini bigisha ko iyo dupfuye tuba twitabye imana.Ni ikinyoma.Iyo dupfuye,tuba tutumva (Umubwiriza 9:5).Ntabwo wakitaba imana utumva.Ahubwo tuba tugiye mu gitaka (Umubwiriza 3:19,20).Ariko abapfa bakora ibyo imana idusaba,bazazuka ku munsi wa nyuma.Ni YESU ubwe wabyivugiye (Yohana 6:40).Abakora ibyo imana itubuza,urugero bano bambura abakozi babo,iyo bapfuye biba birangiye.
Kanda hano umusubize

nizeyimana jean baptiste. - 15/03/2017 saa 14:32

abo bavandimwe nibahebwepe?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X