Monaco cosmetics
Ahabanza  >>  Amakuru yose >> Imyidagaduro >> Hanze y’u Rwanda >> 

Serena Williams yicujije impamvu yatumye agaragaza ko atwite

Icyamamare mu mukino wa Tennis Serena Williams, nyuma yo kumenyekana hose ko atwite yatangiye kwicuza impamvu byamenyekanye ko akuriwe inda ikaba igeze mu byumweru 20.

Uyu mukinnyikazi w’imyaka 35 y’amavuko utwite imfura, ku mugoroba wo kuri uyu wa kabiri taliki 25 Mata aganira n’itangazamakuru yashimangiye ko ifoto igaragaza ko atwite iherutse gukwirakwira hirya no hino atifuzaga ko igaragara.

Serena avuga ko ubwo yakoreshaga imbuga nkoranyambaga ari mu kiruhuko,yibeshye agakanda buto(Button) ya telefoni maze ashiduka ifoto yamaze gukwira hose nyamara ngo ntiyifuzaga kuyigaragaza.

TMZ yatangaje ibi, ivuga ko uyu mukobwa yahamirije ibitangazamakuru ko ubwo yari akimara kuyohereza atabishaka mu minota 30 yatangiye kubona umubare w’abantu benshi bamwifuriza ibihe byiza ariko ntamenye impamvu kugeza ubwo amaze kubitahura ariko nabwo amazi yamaze kurenga inkombe.

Yagize ati"Murabizi mwese iby’imbuga nkoranyambaga, iyo wibeshyeho gato wisama wasandaye najye, niko byangendekeye nshiduka namaze gushyiraho ifoto nambaye bikini y’umuhondo igaragaza ko nkuriwe,ariko rwose byabaye ku bw’impanuka sinari mbigendereye"

Mu mpera z’umwaka ushize mu kwezi k’Ukuboza nibwo Serena Williams n’umukunzi we Alexis Ohanian batangaje ko uyu mukinnyikazi atwite ariko ntibatangaza byishi nyuma yaho mu ntangiro muri uku kwezi mu ntangiro z’icyumweru gishize agaragaza iyo foto atwite,ari naho ahera avuga ko yabikoze atabishaka. Gusa kuri ubu bavuga ko ari cyo gihe ngo babashe gutangira kwitegura kuba ababyeyi.

Naho ku byibazwaga na benshi bavuga ko Serena Williams ageze mu zabukuru, yavuze ko akiri muto cyane kandi ngo kuva na mbere yifuzaga kubyara abana none ngo icyifuzo cye cyarumviswe bityo umunezero ukaba ari wose.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X