Monaco cosmetics
Ahabanza  >>  Amateka n’umuco >> 

Tumenye akamaro k’umuganura mu Rwanda rwo hambere

Umuganura watumaga umwami uganje arushaho gushinga imizi

Uyu muhango wahoze ufite umwihariko mu nzira z’ubwiru kuko wari ufite akamaro kanini mu Rwanda rwo ha mbere abantu barasangiraga no kwishimira umusaruro mu gitaramo.

Uyu muganura ariko wagiraga n’undi mumaro wo kuzirikana umwami nka Nyir’uburumbuke bakamutura urutete rw’imyaka yeze.

Uyu muhango wakomeje gukorwa no mu yindi myaka yakurikiye ubutegetsi bwa cyami.

Aha ntibasubiragamo imihango yose yakorwaga mu gihe cy’umwami kuko wabaye nk’uhindurirwa inyito n’ibyakorwaga muri wo.

Wasigaye ukorwa mu rwego rwo kwishimira umusaruro, Abanyarwanda bagahurira mu ngo z’abakungu bagasangira ibyo kurya bakanywa n’amayoga.
Muri iki gihe umuganura usa n’uwibagiranye ndetse na benshi bakunze kuvuga ko batazi uyu munsi hari n’abadasobanukiwe ibyawo.

Bamwe mu bakuze bakunze kuvuga ko kuba uyu munsi utakizihizwa biterwa n’ ubutaka bugenda buba buto kandi butakirumbuka ndetse n’imico igenda ihindura abantu kuba ba nyamwigendaho bityo ntibabashe gusangira ngo bishimane n’abaturanyi.

Mu mateka ariko uyu muhango w’umuganura wigeze guhagarikwa na Perezida w’u Rwanda mu mwaka wa 1925 kubera gutinya imbaraga uyu muhango waherezaga umwami.

Izo mbaraga uyu muhango wahaga umwami harimo kumugira Nyir’uburumbuke ndetse n’ububasha ari nawe watangaga kororoka.

Aho ni i Nyanza ku ngoma ya Yuhi IV Musinga mu myiteguro y’ Umuganura
Nyamara muri iki gihe uyu muhango usa n’utagikorwa mu Rwanda kandi nta mategeko awukuraho.

Ibi bitera kwibaza niba hari aho bihuriye n’iterambere cyangwa se niba koko bihura no kugunduka k’ubutaka n’izindi mpamvu zavuzwe haruguru.

Gusa biramutse ari iterambere nticyaba ari icyo gushyigikirwa kuko iterambere rikwiye kujyana no kubumbatira umuco n’amateka y’igihugu.

Amateka y’ u Rwanda rwa Gihanga Ngomijana yerekana ko umuganura wari mu minsi mikuru yari yubashywe ndetse wanatumaga Abanyarwanda bashyira hamwe bakaganira ibyabo bakagirana inama muri Kanama mu nama z’ abagabo bityo bagatera ntibaterwe.

Pierre Rugano-Imirasire.com

Kanda hano udukurikire kuri Facebook na Twitter

Ibitekerezo

tom - 10/06/2016 saa 09:00

Mukosore,ntabwo wahagaritswe na Perezida w'u Rwanda,ahubwo ni Rezida.
Kanda hano umusubize

karurangaamani - 20/06/2016 saa 18:56

wakishenipresida
Kanda hano umusubize

noel - 9/06/2016 saa 20:11

1925,hariho perezida wuhe? wahagaritse umuhango w'umuganura?ESE uyumwaka uteganyijwe kubaryari?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X