Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Uburasirazuba: Ubuyobozi bwahagurukiye abantu batema inka zihagaze

Mu gihe mu Burasirazuba hagiye havugwa ubugome bwahadutse bwo gutema inka zihagaze zaba ziri mu rwuri cyangwa mu rugo, Ubuyobozi bwahagurukiye icyo kibazo bushyiraho ubufatanye n’abaturage mu rwego rwo gukumira ubwo bugizi bwa nabi.

Gutema Inka za Girinka no kurandura imyaka mu mirima y’abaturage ni ikibazo gihangayikishije ubuyobozi bw’intara y’I Burasirazuba, gusa kuri ubu hakaba hemejwe ubufatanye ku nzego zitandukanye hakumirwa ubwo bugome.

Umuyobozi w’Intara y’Uburasirazuba, Kazaire Judith avuga ko muri iyi minsi hadutse ikintu cy’urugomo aho bagenda bakira amaraporo y’uko inka zihabwa abaturage muri gahunda ya Girinka zitemwa, zigakomereswa, ahandi zikicwa.

JPEG - 69.3 kb
Kayizire Judith Guverineri w’intara y’Iburasirazuba

Agaragaza ko iki kintu gihangayikishijwe kandi kidakwiye, ku buryo ahamagarira abayobozi n’abaturage ubufatanye mu gukumira ubu bugizi bwa nabi no guta muri yombi ababukora.

Ati “Tumaze iminsi tubona amaraporo y’aho abantu batema inka za Girinka. Hari abaziba, abazigurisha, ariko hari abazitema; ahandi bakazitera ibisongo cyangwa bakazihemukira mu bundi buryo, inka zigapfa, ibyo ntabwo bikwiye.”

Uyu muyobozi yaboneyeho gusaba inzego zibanze kuba maso ndetse hagira ugaragarwaho n’ibyo bikorwa by’urugomo ntibamuhishire, bityo bakarushaho guhuza imbaraga.

Uzabakiriho Innocent ushinzwe imibereho myiza y’abaturage mu kagari ka Gatarama, mu murenge wa Kigina, Akarere ka Kirehe avuga ko nk’ubuyobozi bagiye gufatanya n’abaturage gukumira ibikorwa bibi bikorworerwa mu tugari no mu midugudu, byadindiza iterambere.

Yagize ati “Ni uruhare rwacu gukumira abangiriza gahunda z’iterambere ry’abaturage. Nk’abayobozi mu nzego z’ibanze dukwiye kujya tugenzura niba ayo matungo acunzwe neza, tugafatanyiriza hamwe gukumira abashobora kuyangiriza.”.

Abayobozi b’inzego z’ibanze cyane cyane abo mu rwego rw’imidugudu ; bakubutse mu itorero ry’intore z’Imbonezamihigo babwiye itangazama ko iri torero ryabakebuye ndetse rikabereka inshingano zabo, ku buryo bagaragaza ko bavanyemo ingamba zizabafasha kunoza ibyo batitagaho, bakumva ko bitabareba.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X