Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Uguhangana gukomeye hagati ya Devis D n’abandi bahanzi nyarwanda 9

Icyishaka David uzwi ku mazina y’ubuhanzi ya Devis D, nyuma yo gutoranywa mu bahanzi 10 bari muri Primus Guma Guma Super Star VII ahamya ko yiteguye guhangana bikomeye n’abagenzi be kandi agashyirwa ari uko yegukanye iryo rushanwa,uko yatunguranye yinjiramo akaba ari nako yatungurana aryegukana.

Ibi abishingira ko yaryinjiyemo yamaze kuryiga neza kandi icyiyongera kuri ibyo ni uko ibikorwa yakoze biri mu byamwongerera amahirwe yo gutsindira igihembo gitangwa ngo keretse habayeho rwangendanyi.

Ubwo yaganiraga n’itangazamakuru yabajijwe niba abo bahanganye bo batamuteye ubwoba dore ko hari n’abamaze kugaragaramo kenshi bafite inararibonye, uyu musore yasubije ko buri wese afite intumbero ye mu mikorere ye bityo nawe icyo agamije gishobora kuba intandaro yo guhagurutsa abafana ku munsi wo gutanga igihembo.

Agira ati “Kuba ndi mu bahanzi 10 batoranyijwe ni uko nshoboye kandi ngiye guhangana n’abandi bahanzi bakomeye, narakoze cyane, nje kwerekana no gutungurana mu bihangano byanjye! Ndi gukora cyane, iri rushanwa ndarizi sinatunguwe no kurijyamo.”

Akomeza avuga ko akomeje kwitegura iryo rushanwa anegera abakunzi be no kubakangurira kuzamuba hafi bityo inzozi afite akazazigeraho.

Ati “Ndashaka kuzamura izina ryanjye muri iri rushanwa, nereka Abanyarwanda ko nshoboye ko hari aho ngeze! Ndi gukora ubukangurambaga mu bakunzi banjye! Gusa abenshi baranzi kandi indirimbo zanjye zarakunzwe.”

Mu bandi bahanzi arikumwe nabo barimo abamaze kwandika izina mu Rwanda nka Christopher, Dream Boyz, Acitve, Social Mula, na Bull Dog

Davis D uzwi mu ndirimbo nka Irekure na Biryogo ahamya ko adatewe ubwoba n’abo bahanganye kuko ngo irurushwa rya PGGSS icyiciro cya karindwi yarigiyemo arizi kandi yarakoze cyane kuburyo ngo ashobora no kubahigika.

Agaruka ku muziki we, Devis yavuze ko yawutangiye kera ariko akaza kubikora nk’umwuga hanyuma mu 2012 aza gusohora indirimbo nyinshi ariko ntizamenyekana.

Mu 2015 akimara gukora indirimbo nka My Sweety, hakurikiraho Biryogo, Mariya Kariza, nibwo yaje kumenyekana kugeza ubu bikaba bimuhesheje amahirwe yo kwinjira muri Guma Guma.

Davis D yatangiye kumenyekana cyane ubwo yashyiraga hanze amajwi n’amashusho y’indirimbo “Biryogo” kugeza ubu akaba ari mu bahanzi b’injyana ya Afro beat bahagaze neza mu Rwanda.

Davis D nibwo bwa mbere yitabiriye iri rushanwa, rihuza abaririmbyi bakomeye mu Rwanda,rikazatangira taliki 20 Gicurasi mu karere ka Huye.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X