Monaco cosmetics
Ahabanza  >>  Amateka n’umuco >> 

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana


Uwimana Athanasie, umufasha wa Gen Nsabimana Deaogratias bahimbaga Castal yatangarije Artiges Guy umugenzacyaha i Bruxelles taliki 30/06/1994 ko mbere yo guhamagarwa ngo aherekeze Perezida Habyarimana mu mishyikirano y’amahoro yagombaga gusinyirwa Arusha umugabo we yari ahangayikishijwe n’ikintu gishobora guturika bigatuma intambara yongera kwegura.

Uwimana avuga ko urebye ukuntu imitwe myinshi yakusanyaga intwaro, n’ukuntu abanyapolitiki batumvikanaga n’uburyo umugabo we yategujwe igitaraganya ku wa 05/04/1994 ko agomba guherekeza Perezida i Dar- Es- Salam taliki 06/04/94 byamuteye impungenge bitewe no kutumva impamvu y’urwo rugendo.

JPEG - 22.1 kb
Gen Nsabimana Deogratias

Uwimana Athanasie yavuze ko yari yarabwiwe n’umufasha we ko hari abantu bazatsembwa, nubwo ngo atamubwiye urutonde, yahoraga amusaba kwitegura igihe cyose, akavuga ko ukwicwa kwa Gatabazi kwari kugiye kuba nk’imbarutso y’ubwicanyi bwari bwarateguwe ariko Gen Nsabimana arabihagarika.

Umufasha wa Gen Nsabimana yavuze ko iraswa ry’indege yari twaye Perezida Habyarimana n’abari kumwe nawe yabimenyeshejwe taliki 06/04/1994 saa mbiri na mirongo ine, taliki ya 7/4/1994 nyuma ya saa sita ajya kureba umurambo w’umugabo we ngo umufasha wa Perezida Habyarimana yamubwiye ko ibyabaye byagombaga kuba.

Umuryango w’Agathe Habyarimana wishimiraga kwicwa kw’Abatutsi muri Jenoside
Nk’uko abakobwa ba Dr Akingeneye wari umuganga wihariye wa Perezida Habyarimana babitangarije Ababiligi abakoraga iperereza ry’iraswa ry’indege yari itwaye Perezida Habyarimana, ngo Agathe Habyarimana n’umuryango we bashimishwaga n’amakuru y’iyicwa ry’Abatutsi mu gihe cya Jenoside.

Uwanyigira Jeanne na Uwimbabazi Marie Claire bavuga ko nyuma y’iraswa ry’indege yari itwaye Perezida Habyarimana n’abari bayirimo bagiye Kanombe kureba umurambo wa se taliki ya 07/Mata 1994 ahagana mu ma saa moya y’igitondo batwawe n’abasirikali bari mu barindaga Perezida.

Uwanyigira na Uwimbabazi bavuga ko basanze imirambo 7 harimo n’uwase iri ukwabo, naho iy’abapilote b’Abafaransa iri ukwayo n’iy’abarundi bakavuga ko imbere y’inzu hari Abafaransa 4 bavugaga ko indege yahanuwe n’isasu ryo mu bwoko bwa stinger.

Bavuga ko igihe bari batangiye gusenga umugore wa Habyarimana yasabye ko Interahamwe zafashwa mu kwikiza umwanzi kandi ingabo z’u Rwanda zikegura intwaro, Godeliva mushiki wa Perezida wari umubikira avuga ko Abatutsi bose bakwiye kwicwa.

Uwimbabazi Claire mu buhamya bwe avuga ko ari kumwe n’abasirikare 138 muri camp Kigali taliki ya 08 Mata 1994 bamweretse aho Ababirigi biciwe irunde rw’inzu hafi y’umuryango naho Uwanyigira Jeanne abasirikali bamubwira ko bariya basilikali b’Ababirigi bari bakwiye kwicwa aho kugirango bazacirwe urubanza.

Uwanyigira na Uwimbabazi bavuga ko italiki 07 Mata abagize umuryango wa Perezida Habyarimana bari bamaze kuhagera harimo n’abihaye Imana, ngo barishimaga iyo umwe mubo bita abanzi bicwaga, cyane cyane ngo amakuru yatangwaga n’abarindaga Perezida kandi bakigamba, ku bw’ubwo bwicanyi.

Uwanyigira na Uwimbabazi bavuga ko ubwo bari baherekeje umurambo wa se mu buruhukiro bwo kwa muganga (morgue) i Kanombe, umuganga witwa Baransalitse yavuze ko umurambo wa Minisitiri w’intebe Agata wo ushyirwa ahandi ukwawo naho Jean Juc Habyarimana ababwira ko yari agiye gushota umupira kuri Agata ariko ntiyabikora bareba.

Abari kwa Perezida Habyarimana bavuga ko Mobutu yaba yaramenyesheje umugore wa Habyarimana iby’iryo hanurwa ry’indege, mbere gato, ariko ntaburire umugabo we.

Nkindi Alpha

Kanda hano udukurikire kuri Facebook na Twitter

Ibitekerezo

Masunzu - 22/04/2017 saa 11:49

Uyu mugabo wabaye intwari yu Rwanda mu ndahiriro yarukoreye nkumusilikari rwo kurinda imipaka nubusugire bwarwo imana imwakire mubayo.
Kanda hano umusubize

Mico - 16/04/2017 saa 14:29

Castar na Castal biratandukanye.Ibindi mujye mwiyan,dikira ibyo mushaka nta kibazo kuko byose bizasobanukira igihe.
Kanda hano umusubize

Tony - 15/04/2017 saa 07:01

Nyagasani wite kubanyarwanda bababaye
Kanda hano umusubize

Tony - 15/04/2017 saa 06:59

Imana isumba byose
Kanda hano umusubize

Nkusi - 9/04/2017 saa 08:02

Ibyabaye mu Rwanda ni agahomamunwa, muriyi nkuru harimo ibimenyetso byinshi byerekana ko abahezanguni babahatu barimo na Agathe Kanziga aribo bahanuye indege. Mwishimiye urupfu rwabatutsi ariko namwe igihe cyanyu nkumuryango wa president kibarabasiga pe, mpamya ko mwe mwari muzi u rwanda bigoye kuzongera kurukandagiramo murutembera nkabandi. Hari igitabo nasomye ngo Jean Luc Habyarimana yaragiye kurasa intumbi ya Agath Uwilingiyimana, yambaye igitenge gusa bigaragara ko yari yanasambanyijwe. Ubutindi nubugime bwaranze abo kwa Habyarimana nizindi nterahamwe burakabije pe isi ntiyarikwiyee kuzabakira mwagashwangukiye i Musozi. Umuntu yavuga byinshi ariko mwahemukiye U rwanda nabatutsi ariko aho muri abasigaye kuko hari abapfuye namwe urupfu ntirubatinya mujye mukomeza gutekereza amaraso mwamennye atariho urubanza.
Kanda hano umusubize

Ruzindana M-G - 9/04/2017 saa 18:42

Muvandimee,umvugiye ibintu.Ariko Reba na nubu ayo bigira barababariwe,abandi baganje mu nteko,ibikanu bimaze kugara.Ngo kuvuga ko ari Abahutu n'icyaha gihanishwa uburemere bukomeye.Maze ubgo budahangarwa babonye bakabubyaza ubugambanyi bukomeye iyo mu mahanga,bagambanira ubutegetsi bg'imfura nzima H.E.Paul Kagame. Arenzaho byinshi yimikaza umuco wo kutihorera.Ntako atagize,ariko bakanga ntibanyurwe,ntibanoge.Mbabgire icyo ntekereza,nuko Burya Atari Buno. Ingoma yahinduye imirishyo BURUNDU.
Kanda hano umusubize

KP - 25/04/2017 saa 16:13

Nta wuhetse amagi sha.abishwe na bene wanyu se sabantu.Ukeka ko muva atukura abacu bakava ayumukara?Ibyagwiriye urwanda nagahomamunwa twese tugomba kwakira.Apana kwitana ba mwana ahubwo duhaguruke turwanye ikidutanya twiyubakire igihugu stupid idiot
Kanda hano umusubize

TUYIZERE Emmanuel - 8/04/2017 saa 18:33

Abazungu bashatse bakora ANKETI bakamenya neza uwahanuye Habyarimana.Ikibazo nuko hahora haza imvugo zitandukanye.
Kanda hano umusubize

kh - 8/04/2017 saa 17:59

None se utekereza ko yaba Ari iyihe mpamvu umugore WA prezida yamenye mbere Ko umugabo we ari bwicwe ariko ntamuburire? utekereza se Ko Mobuto yavanye he ayo makuru?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X