Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Umuhanzi Christopher asanga hari urwiganwa ku muziki wo mu Rwanda

Umuhanzi Muneza Christophe uzwi nka Christopher asanga umuziki wo mu Rwanda ugifite byishi bikibura kugirango uzamuke mu yindi ntera.


Uyu musore ubwo yaganiraga n’itangazamakuru kuri uyu wa kane yavuze ko kuva abahanzi nyarwanda bakiririmba ibintu bisa bishobora kubadindiza mu iterambere kandi nyamara bari bafite amahirwe yo kugaragaza impano zabo kuva igihugu kirimo gutera imbere.

Ibi yabigarutseho ubwo yabazwaga uko abona itandukanyirizo hagati y’umuziki wo mu Rwanda n’uwo hanze yarwo,maze avuga ko nk’uko iyo umunyamahanga aje mu Rwanda avuga ko Abanyarwanda basa ni nako yumva umuziki wacu usa,kandi koko ngo usanga abahanzi bacu biganana.

Naho ku byerekeye umuziki we,Christopher avuga ko kuva yava muri Lable ya Kina Music akomeje gushyira ibikorwa byinshi ahagaragara, bimwe muri ibyo ngo ni indirimbo amaze gushyira hanze zirimo iyo yise “Ijuru Rito” akaba arimo kuyikorera amashusho.

PNG - 331.1 kb
Christopher na Producer Clement

Si ibyo gusa kuko ngo yabashije no gutoranywa mu bahanzi 10 bari mu irushanwa rya PGGSS VII,aho ngo yiteguye gukora ibishoboka byose akazitwara neza abifashijwemo n’abafana be.

Tubibutse ko Christopher yasezeye mu nzu itunganya umuziki ya Kina Music nyuma y’imyaka ikabakaba irindwi yari amaze ahakorera umuziki.

Yinjiye mu muziki mu mwaka wa 2009 nyuma yo gutsinda amarushanwa yateguwe na Kina Music. Icyo gihe yasohoye indirimbo yitwa ‘Bye Bye’ , nyuma yakoze izindi zirimo iyitwa ‘Ishema’, ‘Sigaho’, ‘Amahitamo’ zitamenyekanye cyane.

Kuri ubu ari mu bahanzi 10 bitegura guhatanira igihembo cy’irushanwa rya Primus Guma Guma Super Star ku nshuro yaryo ya 7.

Ndacyayisenga Fred

Kanda hano udukurikire kuri Facebook na Twitter

Ibitekerezo

djasmin - 29/11/2017 saa 14:11

Christopher ni umuntu w umugabo sana ndamwemera
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X