Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Umuhanzi Pedro Someone yatangiye gushyira mu bikorwa ibyo yakuye mu itorero ry’igihugu

Nyuma y’uko abahanzi bitabira itorero ry’igihugu bakigishwa iby’umuco n’indangagaciro zikwiye kuranga umuhanzi Nyarwanda,umuhanzi Pedro Someone yatangiye gushyira mu bikorwa ibyo yigiyo muri iryo torero, ku ikubitiro asohora indirimbo ibyinitse mu njyana Nyarwanda.

Iyi ndirimbo yise Umugore mwiza yayikoze nyuma yo kuva mu itorero ry’igihugu i Nkumba,aho yahise agira igitekerezo cyo gushyira mu ngiro bimwe mubyo bigiyeyo, bituma ayoboka injyana gakondo mu rwego rwo guha agaciro umuco w’u Rwanda.


Uyu muhanzi avuga ko iyo ataza kujya muri iri torero yari guhora aririmba mu njyana z’amahanga gusa ntiyibuke ko no agomba no guhesha agaciro ibikorerwa mu Rwanda by’umwihariko mu miririmbire.

Pedro Someone atangaza ko iyi njyana izamufasha kwakirwa neza muri sosiyete ndetse ngo mu gihe azajya akandagira ku rubyiniro ntibizajya bimusaba gusaba abafana gushyira amaboko hejuru nk’uko bisanzwe bigenda ku bahanzi, ahubwo iyo ndirimbo ubwayo izajya ituma bayazamura atarinze kubibasaba.

Kimwe n’abandi bahanzi batandukanye, Pedro yitabiriye itorero ry’i Nkumba muri Nzeri umwaka ushize, akaba yarakuyemo amasomo atandukanye arimo n’ayimiririmbire imuhesha kuba umunyarwanda no guhesha ishema u Rwanda.

Izindi ngamba uyu musore afite, ni uko mu minsi ya vuba agiye gutangira gukorera ibitaramo mu bigo by’amashuri mu rwego rwo kwegereza abakunzi be ibihangano no gukomeza kwimakaza indangagaciro na kirazira.

Pedro ni umuhanzi nyarwanda wamenyekanye mu ndirimbo nka Impungege yakoranye n’umuraperi P-Fla,umukobwa mwiza yakoranye na Ama G the Black, umwaka urarangiye, ubu akaba yatangiye imyiteguro yo gukora amashusho y’iyi ndirimboUmugore mwiza.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X