Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Umuhanzikazi Diana Teta yashyize hanze amashusho y’indirimbo ye {Birangwa}Yatuye impfubyi

Umuhanzikazi ubarizwa ku mugabane w’i Burayi nyuma yo kumara igihe kitari gito abarizwa kuri uyu mugabane ku mpamvu zitandukanye, kuri ubu yamaze gusohora amashusho y’indirimbo ye nshya yise Birangwa yatuye abantu bose babuze ababyeyi.

Uyu muhanzikazi avuga ko iyi ndirimbo yayihimbye ahanini ashingiye kumarangamutima ye yo kubura Se umubyara, gusa ntiyibagirwa abo bashobora kuba bahuje ako kababaro babayeho mu buzima bw’ubupfubyi.

Iyi ndirimbo yayikoreye mu gihugu cy’Ububiligi ikorwa n’abasore basanzwe bazwiho ubuhanga mu kunonosora indirimbo z’abahanzi bakomeye muri icyo gihugu.

Icyagarutsweho cyane mu gushimangira ireme ry’indirimbo “Birangwa” ni umunya-Brazil witwa Diego Amaral Coutinho ucuranga violon-cello yiganza cyane muri iyi ndirimbo, aho benshi mu bayumvise bavuga ko ari kimwe mu byayongereye agaciro.

Mu gutunganya amashusho yabifashijwemo n’Umufaransa witwa Sylvestre Stalin ndetse n’Umunyahongiriya Zoilly Molnar, aba bafatanyije n’irindi tsinda ry’abantu batanu kugira ngo video izasohoke inoze.

Teta Diana ashimangira ko nyuma yo gushyira hanze aya mashusho, yatangiye imyiteguro yo gushyira hanze umuzingo w’indirimbo ze yise Iwanyu ku buryo mu mezi atatu iyo album iri bube yamaze kuboneka ku mbuga zitandukanye ndetse akazanafata igihe cyo gukora ibitaramo hirya no hino ayimurika akazanagera no mu Rwanda.

Ati “Ndateganya ko mu mezi atarenga atatu album izaba imaze kujya hanze biciye ku mbuga nka iTunes, Spotify n’izindi.”

Teta Diana yakanyujijeho mu ndirimbo ‘Canga ikarita’, ‘Velo’, ‘Tanga agatego’,ubu akaba yasohoye amashusho ya ‘Birangwa’ ari nayo yitiriye album ya mbere. Uyu muhanzi yavuye mu Rwanda mu ntangiriro z’umwaka wa 2016 ndetse kugeza ubu ntaragaruka mu gihugu.

Ndacyayisenga Fred

Kanda hano udukurikire kuri Facebook na Twitter

Ibitekerezo

Samantha Lindsay - 4/05/2017 saa 05:13

Numva Ngo Yarahunze Ariko Byaba Aribyo Se???!!!!
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X