Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Umuhanzikazi Yvonne Chaka Chaka yashimiye Perezida Paul Kagame uhuza imvugo n’ingiro

Umuhanzikazi Yvonne Chaka Chaka ukomoka mu gihugu cya Afurika y’Epfo nyuma yo kugera mu Rwanda nk’uko byari biteganyijwe,yashimye ko iki gihugu gifite Perezida ushyira mu bikorwa ibyo yavuze.

Ibi Yvonne yabitangaje ejo hashize ku wa kabiri muri Kigali Convetion Center mu muhango wo kwitegura inama y’abayobozi ba Global Fund yabaye kuri uyu wa Gatatu taliki 03 Gicurasi 2017 muri Mariot Hotel kuri ku nshuro yayo ya 37.

Uyu muhanzikazi ibyo yibanzeho cyane, ni uburyo umujyi wa Kigali urangwamo isuku n’iterambere ugereranyije n’igihe yahaherukaga mu mwaka wa 2011.

Aha yashimangiye ko kandi ashimishwa n’uko mu Rwanda hatakirangwa amoko n’akarengane,ahanini abanyarwanda babikesha umuyobozi mwiza Paul Kagame.

Yagize ati”Mwabonye isuku?mwabonye uko abaturage babanye neza? Ntawundi babikesha uretse kuba hari umuyobozi wuzuza inshingano.Ubundi Afurika ikeneye umuyobozi nk’uyu uvuga akanashyira mu ngiro.”

Uyu muhanzikazi yavuze ko ari umukorera bushake wa Global Fund, agaragaza ko inkunga ibihugu bihabwa n’ imiryango ari nziza ariko ibihugu bikwiye gushaka uko izo nkunga zibifasha kwibeshaho.

Uyu muririmbyi w’ikirangirire muri Afurika yageze mu Mujyi wa Kigali ku mugoroba wo kuri uyu wa Mbere tariki ya 1 Gicurasi 2017.

Yvonne Chaka Chaka yavuze ko mu byamuzanye harimo kwitabira inama y’ubutegetsi y’umuryango Global Fund no ‘gushimira Perezida Kagame ku kazi gakomeye yakoze mu guteza imbere ubuzima bw’abaturage’.

Yvonne Chaka Chaka azwi cyane mu ndirimbo ze zakunzwe hambere zirimo nka "Umqombothi",Thank Mr Dj n’izindi,kuri ubu akaba yitegura gushyira hanze indi album ye avuga ko izaba idasanzwe.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X