Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Umukinnyi wa Filme Morgan Freeman nyuma yo gusubira muri Amerika hari byinshi azajya yibukira ku Rwanda

Ku mugoroba wo kuri uyu wa mbere tariki ya 15 Gicurasi 2017 umukambwe Morgan Freeman n’itsinda bari barazanye mu Rwanda buriye rutemikirere berekeza muri Amerika nyuma yo gufata amashusho ya filimi mbarankuru barimo gutunganya.

Morgan Freeman, umukambwe w’imyaka 79 wabaye icyamamare mu mwuga wa sinema umaze iminsi mu gihugu cy’u Rwanda yasubiye iwabo muri Leta Zunze ubumwe z’Amerika aho benshi bahamya ko hari byinshi amaze kumenya ku Rwanda atazigera yibagirwa.

Morgan Freeman ni umukinnyi w’umunyamerika watwaye igihembo cya Academy Award mu 2005 nka Best Supporting Actor muri filime Million Dollar Baby (2004), yageze mu Rwanda kuwa Kane tariki ya 11 Gicurasi 2017’ aho yari kumwe n’abantu bane ndetse kuri uyu wa Gatanu akaba yaragiye gusura urwibutso rwa Jenoside rwa Kigali ruri ku Gisozi akunamira abazize Jenoside yakorewe abatutsi nkuko bitangazwa na Igihe.

Morgan Freeman yahataniye ibihembo byinshi bya Oscar abikesha filime zakunzwe Street Smart (1987), Driving Miss Daisy (1989), The Shawshank Redemption (1994) and Invictus (2009). Yatwaye ibihembo bikomeye birimo Golden Globe Award na Screen Actors Guild Award.

Ku bakunzi ba filime bazi Morgan Freeman mu zakoze amateka zirimo Glory (1989), Robin Hood: Prince of Thieves (1991), Seven (1995), Deep Impact (1998), The Sum of All Fears (2002), Bruce Almighty (2003), The Dark Knight Trilogy (2005–2012), The Lego Movie (2014), Lucy (2014).

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X