Monaco cosmetics
Ahabanza  >>  Amakuru yose >> Imyidagaduro >> Hanze y’u Rwanda >> 

Umuriro watse hagati ya Miss Wema Sepetu n’umuraperi Harmorapa

Umuraperi uri kuzamuka neza mu gihugu cya Tanzaniya ndetse na Miss Wema Sepetu ntago bameranye neza aho Harmorapa yasabye Wema Sepetu kumubera umugore abinyujije ku rukuta rwe rwa Instagram none Miss Sepetu yamwiyamye kumugaragaro.


Uyu muraperi mu cyumweru gishize nibwo yanditse ku rukuta rwe rwa Instagram uburyo akunda Miss Wema Sepetu ndetse ko yifuje kuva kera ko yamubera umugore akamubyarira abana, ariko kubera ubuzima yari arimo bwa gikene akaba yari yarabuze uko yabimubwira none biragegeze ngo abimubwire kuko ubu abona hari intambwe amaze kugeraho.

Yagize ati: “ maze igihe kinini umutima wanjye utekereza kuri Miss Wema Sepetu kuko kuva nkiri muto niwe mugore nifuje ariko ubuzima nari mbayemo ntago bwanyemereraga kuba nabasha no kumwiherereza ubutumwa kuko hari n’igihe nateguye kumuha impano nyimushyiriye moto ingongera mu nzira birangira ntayimuhaye kugeza n’ubu ndacyayifite, icyo musaba ni uko yanyemerera urukundo ndetse yaramuka abyemeye tugahita dukora n’ubukwe bidatinze.”

Nyuma y’igihe gito iyi nkuru isakaye mu bitangazamakuru bitandukanye Miss Wema Sepetu yahise agaragaza uburakari bukabije yerekana ko ibyo Harmorapa yatangaje ari ukumwicira izina amaze igihe yubatse.

Abinyujije ku rukuta rwe rwa Instagram Miss Wema Sepetu yagize ati: “ nta muntu ni umwe ndabwira nabi mu gihe ari gushaka imibereho kuko nanjye ndacyashakisha, rwana n’ibyo ukora naho ushaka kugeza izzina ryawe ariko njyewe undeke ureke ku ngira icyambu wambukiraho.

Yakomeje agira ati"Ndakubaha nk’umuhanzi mugenzi wanjye, ariko ibijyanye no kuvuga ko witeguye kubana nanjye byikuremo kandi urebe abo muri mu kigero kimwe njye ntaho mpuriye nawe, ntunyicire izina maze igihe kinini nubaka ndetse nkaba ngeze aho nshaka kuba umudepite wa Chadema, ntunsebye mu muryango wanjye ndetse n’inshuti, ibyo wakoze n’ubwana buvanze n’ubucucu rekeraho sinzongere kumva uabikinisha ukundi. Twubahane nk’aabahanzi duhuje akazi nta kindi”.

Miss Wema Sepetu n’umwe mu bakinnyi ba filimi bakomeye yabaye Miss Tanzaniya mu mwaka wa 2006 aza no kuvugwa cyane mu rukundo na Diamond ariko biza kurangira batandukanye yishakira Zari bamaze kubyarana abana babiri.

Naho umuraperi Harmorapa n’umwe mu bakunzwe cyane muri iyi minsi kandi akaba amaze igihe gito azamutse muri muzika akaba akunzwe mu ndirimbo Kiboko ya "Mabisho" yafatanije na Juma Nature.

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X