Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Urban boys yaryohewe n’ibihe yagiriye muri Uganda-AMAFOTO

Itsinda rya Urban Boyz ryo mu Rwanda, nyuma yo kujya mu gihugu cya Uganda ryitabiriye ibitaramo bitandukanye no kumurika ku mugaragaro amashusho y’indirimbo "Nipe" bakoranye na Ykee Benda, ku ikubitiro icyo batangiriyeho cyitabiriwe abafana barakubita baruzura.


Urban Boys itsinda rigizwe n’ abasore batatu Nizzo, Safi ndetse na Humble Gizo bavuye mu Rwanda mu ntangiro z’ icyi cyumweru turangije aho bagiye mu gihugu cya Uganda mu bitaramo bahafite bigera kuri bibiri.

Ni igitaramo cyahuriwemo n’abahanzi bo muri Uganda batandukanye harimo nyirubwite bakoranye indirimbo ndetse n’undi muhanzi ukizamuka ariko ukunzwe muri iyi minsi uzwi nka Tuff B , bikaba binavugwa ko bashobora kugaruka mu Rwanda bamaze gukorana na we indirimbo.

Iki gitaramo cyo kumurika amashusho y’indirimbo Nipe, cyabanjirije icyo bitegura gukora cyiswe Rwanda Burundi Night kizahuriramo abahanzi b’ingeri zose baturuka muri ibyo bihugu,ariko Urban Boys akaba aribo bazaba bafashe runini mu kuririmba.

Iki gitaramo cya mbere Urban Boys yakoze kitabiriwe n’ abantu benshi ndetse bakaba babishimiye nkuko byatangajwe na Safi umwe mu basore bagize iri tsinda.

Yagize ati"Abantu bitabiriye igitaramo cyacu bari benshi byatweretse ko hari urwego tumaze kugeraho muri kiriya gihugu nyuma y’uko tugiye dukora indirimbo n’ abahanzi baho yaba Peke Kidole dufitanye na Weasel na Radio ndetse n’iyi nshyashya Nipe."

Biteganyijwe ko aba bahanzi baza kuba bagumye mu gihugu cya Uganda kuko no muri iki cyumweru taliki ya 29 bahafite ikindi gitaramo cya Rwanda Burundi Night bazaba bahuriramo n’ abandi bahanzi bakomeye barimo Shebah Karungi, Bruce MELODY wo mu Rwanda ndetse na Kabby Boy w’ i Burundi.

Ndacyayisenga Fred

Kanda hano udukurikire kuri Facebook na Twitter

Ibitekerezo

- 4/05/2017 saa 02:48

AHUBWO TUFF B JEWE MUZI NOKURUSHA IYI UBARN BOYS
Kanda hano umusubize

sosthene - 24/04/2017 saa 16:57

wibeshye Tuff B asaziye mumuziki wa uganda nuko azwi nka TV presenter cyane
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X