Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Uretse inkoko n’ibishyimbo se, ubundi bazanaga iki? Mayor Gisagara.

Ubuyobozi bw’Akarere ka Gisagara buvuga ko ntacyo abaturage babo bahombye cyangwa ngo bahungabaneho nyuma y’uko u Burundi bufunze imipaka ngo kuko n’ubundi Abarundi bazanaga amatungo magufi cyangwa ibishyimbo gusa bityo bikaba ntacyo byahungabanya ku mibereho y’abatuye aka Karere.

Umuyobozi w’Akarere Rutaburingoga Jerome aganira n’itangazamakuru yavuze ko ubusanzwe Abarundi n’Abanyarwanda ari abavandimwe kuko bamwe bashyingiranwe bagahana abageni abandi bakabyarana abana, bityo kuba batagihahirana nkuko byari bisanzwe kikaba ari ikibazo gikomeye ariko na none ku ruhande rw’Akarere ka Gisagara bakaba nta gihombo ndetse nta n’icyo byahungabanyije ku baturage kuko ibyashorwaga n’Abarundi ari amatungo n’ibishyimbo kandi nabyo bitari byinshi.

JPEG - 123.9 kb
Rutaburingoga Jerome umuyobozi w’Akarere ka Gisagara

Uyu muyobozi avuga ko kandi Abarundi bo bambuka bakaza mu Rwanda ariko Abanyarwanda bo bitakunda kubera Imbonerakure ziba ziri hakurya, ndetse ko n’abava mu Burundi nabo bitaborohera kuko usanga imbonerakure zibambura cyangwa bagatanga ruswa kugirango bambuke.

Ati: “Twe nta kibazo biduteye kuko akenshi ibyazanwaga n’Abarundi ari inkoko n’amagi n’ibishyimbo bityo kuba byahagarara bikaba bitaba ikibazo gikomeye ku Karere ka Gisagara ,ariko igihe Abarundi bazashakira bazafungurira ubuhahirane bukomeze.”

Bizimuremyi Gaspard afite imyaka 46 atuye mu Mudugudu wa Buye mu Murenge wa Mamba, avuga ko kuri we ntacyo yahombye cyane ku kuba Abarundi barafunze inzira bajyagamo bambuka bajya mu gihugu cy’abaturanyi cy’u Burundi ngo kuko nubwo bari bafite imirima hakurya ku Kanyaru n’ubundi bahingaga bibagoye kuko byabasabaga gutanga ruswa ndetse bakanakubitirwayo.

JPEG - 139.7 kb
Bizimuremyi Gaspard,umuturage wa Gisagara

Bizumuremyi avuga ko kandi Abarundi bo bambuka bakaza gushaka ibyo kurya mu Rwanda ariko nabo bakabikora bihishahisha kuko imbonerakure iyo zibabonye zibakubita hafi gupfa ndetse ko nta Munyarwanda watinyuka kwambuka kubera ubugome bwazo kuko ziba zihagaze ku Kanyaru uwambuka ava mu Rwanda ziba zimureba n’uwambuka ava mu Burundi ziba zimureba.

Ati :”Nta n’Umurundi watinyuka kwambuka cyangwa guhamagara mu Rwanda kuri telephone kuko bamubonye bimugwa nabi.bijya gutangira bamwe muri bagenzi bacu baba i Burundi baraduhamagaye baratubwira ngo ntitukajye tubahamagara kuko bishobora kubashyira mu mazi abira.”

Ubwo u Burundi bwahagarikaga ubuhahirane n’u Rwanda, Minisitiri w’ubucuruzi, Francois Kanimba yatangaje ko ku byo u Rwanda rwakuraga mu Burundi nta gihombo na gito ruzagira ngo kuko rwakuragayo imbuto gusa kandi ngo n’ubundi imbuto zavaga no mu bindi bihugu bikikije u Rwanda nka Uganda ndetse na Tanzania.

Bruce MUSHUMBA
}

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.