Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Urujijo: Nizzo ntiyemera cyangwa ngo ahakane ko yatandukanye n’umukunzi we

Umuhanzi Nshimiyimana Muhamed uzwi ku izina ry’ubuhanzi nka Nizzo Kabosi wo mu itsinda rya Urban Boyz, ntiyemera cyangwa ngo ahakane ko yatandukanye n’umukunzi we Umulisa Yvette byavugwaga ko bitegura kurushinga.


Nizzo umaze iminsi agarukwaho mu bitangazamkuru bitandukanye bya hano mu Rwanda kubera uburyohe bw’urukundo amazemo iminsi na Umulisa Yvette uzwi nk’umukunzi we , mu minsi mike ishize haje kumvikana inkuru itari nziza yacicikanaga mu binyamakuru ko baba batandukanye ariko kugeza ubu Nizzo akaba asa n’udashaka kuvugisha ukuri ikihishe inyuma y’ivugwa ryo gutandukana kwabo.

Mu minsi yashize, Nizzo ntiyahwemaga kugaragaza ko hari ikibatsi cy’urukundo rugurumana hagati ye n’umukobwa witwa Umulisa Yvette ariko muri iyi minsi ntabwo ariko biri kuko Nizzo asigaye agaragara yasohotse we nyine ibintu bitari bimenyerewe dore ko baheruka kugaragara bari kumwe ku munsi w’abakundana ubwo bari mu gitaramo cya Christopher cyabereye muri Radison Bleu.

Kuri Instagram Nizzo yakundaga kwandikaho amagambo y’urukundo aherekejwe n’udufoto tw’uyu mukunzi we w’imyaka 21 amwereka ko amukumbuye mu buryo bukomeye ndetse yanakundaga kuvuga ko azamurongora Nyagasani nakomeza urukundo rwabo.

Iyi nkuru yo gutandukana yazengurukijwe ibitangazamakuru bitandukanye kugeza ku mbuga nkoranyambaga, benshi bavugaga ko ikimenyetso cyemeza ko batandukanye ari uko Uyu musore wo muri Urban Boyz yafashe umwanzuro wo gusiba amafoto yose yari afitanye n’uyu mukobwa ku rukuta rwe rwa Instagram.

Ku byerekeye n’itandukana ryabo rivugwa mu itangazamakuru Nizzo mu kiganiro yahaye itangazamakuru mu kiganiro Sunday Night abajijwe niba koko yaba yamaze gutandukana n’umukunzi we, nizo yavuze ko adashaka kugira byinshi atangaza asa nkudashaka kwerura.

Yagize ati: “Sinatandukanye n’umukunzi wanjye ahubwo gusiba amafoto yacu ni uko nubahirije ubusabe bw’Umulisa Yvette wansabye ko nayakuraho.”

Nizzo yumvikanye mu ijwi rituje ariko akanyuzamo akanaseka ndetse aza gusaba umunyamakuru ko atakomeza kumubaza icyo kibazo ahubwo ko yamureka akaza kumwihamagarira nyuma.

Umunyamakuru yatangiye amubwira ko afite amakuru ahagije ahamya ko yamaze gutandukana n’umukunzi we. Nizzo yahise abaza uwo munyamakuru aho yakuye ayo makuru.

Yagize ati " Ayo makuru wayakuye he papa?, Ntabyo peeee, ntabyo...Ahubwo ndashaka ku kwibariza, aseka cyane...ukuri wamenya ni uko atari byo gusa ukuri nzagutangaza nyuma."

Uyu munyamakuru yabwiye Nizzo ko yagiye kumuhamagara yarabanje gukora ubushakashatsi ndetse ko yakusanyije ibimenyetso bishimangira ko yatandukanye n’umukunzi we.

Arongera ati :"....Oya nta mpamvu yo kuvuga ibintu bidahari ntabwo aribyo. Njye mvuga ibintu mbizi neza icyo navuga nzababwira kandi hagize ikiba nababwira."
Asubiza ku cyatumye asiba amafoto yose, Nizzo yongeye kwitsa avuga ko hari impamvu ikomeye yatumye asiba ayo mafoto ariko ko azatangaza ukuri igihe n’ikigera.


Nizzo yatangiye cyane kugaragarana n’uyu mukobwa nyuma ya 2011 hashize igihe gito atandukanye n’abakonwa bamenyerewe mu myidagaduro ya hano iwacu aribo Anita Pendo ndetse na Sacha .

Bruce MUSHUMBA

Kanda hano udukurikire kuri Facebook na Twitter

Ibitekerezo

NZARAMBA Steven - 17/04/2017 saa 19:58

Muli iyi si,abantu tuba dukwiye kugira EXPERIENCE y'ubuzima.Twese abagabo ndetse n'abasore barimo,tuzi neza ibyerekeye gukundana.Namwe murebe ukuntu uriya mukobwa yambaye ubusa.Birakwereka uwo ari we.Jye ndumva ari ubwa mbere mbonye umukobwa w'umunyarwanda asomana n'umuhungu w'umunyarwanda mu nzira,ku buryo n'ikinyamakuru kibafotora,hano mu Rwanda. Ikosa ariko ntabwo ari ugusomana.Ikosa ni ukwambara ubusa ku gasozi.Twebwe abasore n'abagabo,iyo turyamanye n'umukobwa nk'uriya wiyandarika,chance zo kumurongora ziba ari almost zero.Kuko iyo abagabo cyangwa abasore babonye icyo bashakaga,nukuvuga kuryamana n'umukobwa,birangirira aho.Kumukunda birahagarara.Twe kurenganya NIZZO.Biriya ntabwo biba ari urukundo.Mujye mubyita KWISHIMISHA. Kubana n'umukobwa mukaryamana warangiza ukamuta,ntimukabyite gukundana.Abantu bakundana,nta wuhemukira undi.Ariko abaryamana batarashakanye,akenshi baratandukana.Icyo baba bagamije ni ukwishimisha.Ikindi kandi,mujye mumenya ko abantu baryamana batari umugabo n'umugore we,ntabwo bazaba mu bwami bw'imana.Bibabaza imana cyane kuko ibitubuza.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X