Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Wari uziko Gloria Mukamabano ari we waririmbye inyikirizo mu ndirimbo ya Fireman “Ubuto bwanjye”?

Umunyamakuru Gloria Mukamabano by’umwihariko umenyerewe mu gice cy’amakuru kuri Televiziyo y’u Rwanda,benshi bakomeje kwibaza impamvu batakimwumva aririmba nyuma yo kumvikana aririmba mu ndirimbo zitandukanye z’abaraperi cyane cyane “Ubuto bwanjye”yari yafatanyije n’umuhanzi Fireman.

Iyi ndirimbo uyu muhanzikazi yumvikanye mu nyikirizo yayo mu ijwi riryoheye amatwi ndetse nta watinya kuvuga ko byatumye ifatwa nk’imwe mu ndirimbo y’izibihe byose za Fireman, bitewe n’umwimerere w’iryo jwi ndetse n’ubutumwa buyigize.

Mu minsi ishize rero mu kiganiro akunze kugaragaramo rimwe na rimwe cya buri gitondo cyiswe “Waramutse Rwanda” yagaragaye afasha umuhanzi umwe wari watumiwe kuririmba agace k’indirimbo imwe,bituma benshi bongera kumukumbura ku rubyiniro ngo bumve ijwi rye baheruka mu myaka yashize ubwo yari akinjira muri muzika.

Hamwe n’ibyo, Imirasire.com yifuje kumenya icyatumye atakigaragara mu ruhando rw’umuziki nk’uko yari yatangiye kwigaragaza mu myaka ya za 2013,twagerageje kumuvugisha ku murongo wa telefoni ariko ntibyadukundira.

Gloria Mukamabano n’ubwo atavuzwe cyane ngo yamamare akiri umuhanzi abifatanya no kwiga mu cyahoze ari kaminuza nkuru y’u Rwanda i Butare(UNR) ,abakurikiraniraga hafi iby’umuziki bamumenye ubwo yari mu itsinda rya Bright Girls.

JPEG - 25.4 kb
Mu myaka yashize Mukamabano na mugenzi we Iradukunda Console (Brights Girls)

Kuva icyo gihe yagiye yesa agahigo ko gukorana indirimbo n’abahanzi benshi kandi we atari yakamenyekanye cyane,bamwe muri abo bahanzi bazwi mu Rwanda yakoranye nabo indirimbo mu 2012-2013.

Yumvikanye mu ndirimbo zisaga 10 yagiye akorana n’abahanzi benshi biganjemo abaririmba injyana ya Hip hop cyane cyane babarizwa mu itsinda rya "Tough gangs".
Yakoranye indirimbo ebyiri na Bull Dog iyitwa ’Nyakatsi’ n’iyitwa ’Bihoyiki’, ’Imizingo Yatakaye’ na Diplomate, yaririmbye mu ’Ubuto Bwanjye’ na Fireman Fireman,’ Ndiho’ na Ciney, yewe yakoranye na Masho Mampa, P Fla n’abandi.

Uyu munyamakuru nyuma yo kutumvikana ashyira ibihangano bishya hanze yaje kumvikana cyane nk’umunyamakuru kurusha kuba umuhanzi ndetse byanatumye itsinda rya Bright Girls yabanagamo na mugenzi we Iradukunda Console riburirwa irengero kugeza n’ubu,gusa nk’uko twababwiye ko bitadukundiye ko tumuvugisha bitewe n’uko atabashije gufata telefoni,hakomeje kwibazwa niba iryo tsinda ritakibaho cyangwa niba nawe ubuhanzi yaraburetse.

Ndacyayisenga Fred

Kanda hano udukurikire kuri Facebook na Twitter

Ibitekerezo

starboy - 15/05/2017 saa 18:44

wallah sinarinzik uriy mutoto aririmb
Kanda hano umusubize

starboy - 15/05/2017 saa 18:40

egoko ndumv ari bishyashy
Kanda hano umusubize

- 15/05/2017 saa 18:39

egoko ndumv ari bishyashy
Kanda hano umusubize

Eric - 26/04/2017 saa 16:36

reka da! burya Gloria ni umusani mbese ntabwo wapfa kubimenya
Kanda hano umusubize

- - 26/04/2017 saa 04:45

gisata cy’amakuru kuri Televiziyo y’u Rwanda? Igisata ni igiki? Mwa baswa mwe!
Kanda hano umusubize

starboy - 15/05/2017 saa 18:42

igisata ni igice mn
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X