Monaco cosmetics

Wari uziko Pasika yizihizwa ubu itandukanye n’iya kera? Dore amateka y’umunsi mukuru wa Pasika

Pasika Ushobora gutungurwa no kumenya inkomoko y’umunsi mukuru wa pasika wizihizwa cyane ku isi n’amadini ya Gikirisitu. Nyamara ariko Pasika y’ubu ngo yaba ari imihango imwe n’imwe yabagaho ya gipagani. Dore amwe mu mateka magufi ya Pasika twizihiza ubu.

Pasika ya mbera yizihijwe n’abayisilaheli ubwo bategekwaga n’Uwiteka kwica umwana w’Intama bakamurya amaraso yawo bakayasiga ku nkomanizo z’imiryango kugira ngo umurimbuzi atica umwana w’imfura wabo nk’uko yabikoze ku banyegiputa.

JPEG - 84.8 kb
Gukoresha inkwavu, inkoko n’amagi biracyafatwa nk’imihango ya gipagani

Icyo gihe biteguraga kuva mu buretwa bwa Farao bagiye mu gihugu cy’isezerano. Uko yizihizwaga icyo gihe nanyuma y’aho mu isezerano rishya bitandukanye n’uko yizihizwa ubu.

Igitabo cyitwa Encyclopædia Britannica (1910), tome VIII, p. 828. kigira kiti : “Nta kimenyetso na kimwe kigaragara mu isezerano rishya ko pasika yagombaga kujya yizihizwa nk’umunsi mukuru wa gikristo”. Icyo gitabo kigaragaza ko n’Abakirisito bo mu kinyejana cya mbere batayizihizaga".

Byasabye ko hashira ibinyejana hafi bitatu nyuma y’urupfu rwa Yesu/Yezu kugirango pasika ibe umunsi wemewe mu rwego rw’idini. Ibyo byemejwe mu nama ya mbere ya concile ya Nicée mu mwaka wa 325 ubwo guhera icyo gihe bafashe umwanzuro wo kuzajya babara igihe bazajya bizihiriza pasika buri mwaka.

Pasika yizihizwa ubu ifite inkomoko ya mbere y’ ubukristo, dore ko bigaragara ko ifite inkomoko ya gipagani nk’uko bigaragazwa n’urubuga teteamodeler.com, pasika yari umunsi mukuru w’itumba bityo hakaba harakorwaga imigenzo yo kwishimira ko izuba ryongeye kuvuka dore ko hari igihe izuba ritabaga rigaragara bityo babifataga nk’aho ryapfuye.

Ikindi, hari ikigirwamanakazi kitiriwe urumuri ndetse n’itumba , abantu bitwa Abanglosaguzone (Anglo-Saxons) bizihizaga kuri uwo munsi.

Ku biryanye n’imihango ikorwa kuri pasika, ihuza neza n’imihango ya gipagani yakorwaga kera, urugero nk’udukwavu twa pasika n’ibindi. Mu bihugu by’iburayi, urugero nko mu Bufaransa, urukwavu rushushanya ubuzima, uburumbuke,...ikindi urukwavu rushyushanya ukongera kuvuka cyangwa kubaho ku isi.

Nko mu Budage, urukwavu ruhuza neza n’umunsi mukuru wa pasika wizihizwa mu madini amwe na mwe yitirirwa kristo dore ko hari n’ikigirwamana kitwa Ostera kitirirwa urukwavu aho muri icyo gihugu.

Nanone hari igitabo kitwa The Catholic Encyclopedia(1913),tome v,p.227, handitswe amagambo akurikira “Mu migenzo ya gipagani yo kwakira ukugaruka ku itumba bifitanye isano rya bugufi n’umunsi mukuru wa pasika. Igi rishushanya gukura ibyo bikaba byarabaga mu gihe cy’itumba. Naho urukwavu ni umugenzo wa gipagani ushushanya uburumbuke".

N’ubwo abantu benshi bizihiza umunsi mukuru wa pasika bavuga ko usobanura izuka rya Yesu/Yezu si ko biri nk’uko ubushakashatsi bwinshi bubigaragaza ; n’ubwo Abayahudi bo mu gihe cya kera bizihizaga pasika ; kuri bo yasobanuraga igihe bacungurwaga bari mu gihugu cya Egiputa ndetse na Yesu/Yesu yarayizihizaga kuko Bibiliya igaragaza ko byari itegeko kwizihiza uwo munsi, bityo twakwibaza niba Yesu/Yezu yarizihije izuka rye atarapfa ? Hagati aho pasika yasimbuwe n’umunsi Yesu/Yezu yategetse ko bazajya bibuka urupfu rwe.

Nkindi Alpha

Kanda hano udukurikire kuri Facebook na Twitter

Ibitekerezo

Pedro Uwimana - 20/04/2017 saa 07:05

Ariko Nkindi nawe wabuze inkuru wandika kabisa. ubwose shahu urapinga ibintu isi yose yemera? ubwo se ni wowe uzi gucukumbura kurusha abahanga bose bizihiza pasika? Nakugira inama yo kujya wandikana ubwenge kuko ntiwanamenya ibya pasika utayizihiza. Kweli utajya gushaka reference za pasika muri encyclopedia? ndumva ushigaje kuzashakira ibya noel muri korowani
Kanda hano umusubize

Mangope - 19/04/2017 saa 09:31

Umudozi w'inkweto ajye avuga ibyerekeranye na zo gusa, ibindi abyihorere biba bimurenze. <>
Kanda hano umusubize

Muziranenge Thierry - 17/04/2017 saa 21:48

Reka mbabwize ukuri namwe mwahita mubona ko ibyabaye akamenyero kuri benshi ibyinshi biba ari ibinyoma byambaye ubusa. Bibiliya ubwayo Yezu avugako azamara iminsi itatu n'amajoro atatu my mva. None bakirisitu, kuva kuwagatanu nimugoroba Yesu apfa kugeza kucyumweru mugitondo harimo amajoro angahe n'iminsi ingahe? Ubwo ni mutsindwa bamwe baratangira ngo"icyangombwa ni uko yapfuye akazuka".Muzirikane ko abenshi Yezu mwayobotse atari uwo Bibiliya ivuga. Ni ibihangano by'i Roma. Niba mbeshya mumbeshyuze.Tuve mumwijima bavandi. Ukuri guca muziko ntigushye. Murakoze.
Kanda hano umusubize

HARERIMANA J CLAUDE - 29/04/2017 saa 20:40

muvandi uzasome neza nikuwa gatatu w isi ariko ni kuwa kane wisabato ubwo rero ubaze byahura ugasanga yarazutse kumunsi wa 3 nijoro ubwo nuwa 1 wisabato bita kucyumeru kuminsi wisi . gusa nanone roma wabihindiye Nandi madini arabikurikiza ibyo bakora bitandukanye na bibiliya especially old tesrament murakoze amahoro y Imana abe murimwe
Kanda hano umusubize

mugire - 17/04/2017 saa 19:12

Yesu ati :iyo mwizera Mose nanjye Muba munyizeye kuko Ari ibyanjye yanditse. Ibyo Mose yanditse byari igicucu kibizaba Kristo aje.
Kanda hano umusubize

mugire - 17/04/2017 saa 19:11

Yesu ati :iyo mwizera Mose nanjye Muba munyizeye kuko Ari ibyanjye yanditse. Ibyo Mose yanditse byari igicucu kibizaba Kristo aje.
Kanda hano umusubize

mugire - 17/04/2017 saa 18:13

Yesu ati: iyo mwizera Mose nanjye muba munyizeye, kuko ari ibyanjye yanditse (yh5:46). Ibyahawe Mose byose byari amarenga Yibya Yesu wagombaga kuzaza mugihe gikwiye; none nyirabyo ariwe Yesu yaraje, ibyari amarenga birasobanuka, duhishurirwa neza ko umwana w'intama baririye muri Egypt n'amaraso yawo bakayasiga ku inkomanirizo zinzu yashushanyaga Kristo. Niba Uwiteka yarabategetse kujya babyibuka kuko ariho bakirijwe ntibarimburwe none twebwe turi mu isezerano nyirizina ritari amarenga ntigukwiriye kurushaho kwibuka uko gucungurwa kwacu ducunguwe n'ayo maraso ya Kristo!! Bitekerezeho!!!
Kanda hano umusubize

mugire - 17/04/2017 saa 18:12

Yesu ati: iyo mwizera Mose nanjye muba munyizeye, kuko ari ibyanjye yanditse (yh5:46). Ibyahawe Mose byose byari amarenga Yibya Yesu wagombaga kuzaza mugihe gikwiye; none nyirabyo ariwe Yesu yaraje, ibyari amarenga birasobanuka, duhishurirwa neza ko umwana w'intama baririye muri Egypt n'amaraso yawo bakayasiga ku inkomanirizo zinzu yashushanyaga Kristo. Niba Uwiteka yarabategetse kujya babyibuka kuko ariho bakirijwe ntibarimburwe none twebwe turi mu isezerano nyirizina ritari amarenga ntigukwiriye kurushaho kwibuka uko gucungurwa kwacu ducunguwe n'ayo maraso ya Kristo!! Bitekerezeho!!!
Kanda hano umusubize

ruzindana - 17/04/2017 saa 17:24

Nshimishwa cyane n'impaka zivuga kuri Yesu. kuko zimwerekana neza kurushaho ko ntaho wamuhisha mumateka yisi. nonese Yohana umubatiza yamwise Umwana wintama ukuraho ibyaha by'abari mwisi yibeshye? uwo yasimbuye umwana wintama waririwe mumisiri. amaraso yashyizwe kunkomanizo agakiza abari munzu urupfu yasimbuwe naya Krisito akiza abamwizera urupfu rw'iteka. ikindi dusesenguye iyo nyandiko harimo ibyo twakuramo bifite ubusobanuro. niba Kristo ari umucyo w'isi Satani akaba yarayobeje amahanga kwizihiza umucyo mu buryo bwa gipagani, Umucyo nyakuri ntiwari ukwiriye gusimbura iyo mihango yakorwaga mubujiji? Yesu yabwiye abayuda ati "nijye mutsima umanuka uva mwijuru undya ntazapfa iteka. si nka ya manu basogokuruza banyu baririye mubutayu ntibabuze gupfa" aha yabashinjaga kwishimira ko Imana yabahaye manu mubutayu ikoresheje mose bibatera gusuzugura Umwana w'Imana waje avuye mwijuru. ahubwo jye mbona abakizihiza iyo mihango gipagani (niba bariho) nibo bakwiye gusangwa bakabwirwa ngo va kugiti dore umuntu nkuko umunyarwanda yabivuze.
Kanda hano umusubize

njbcousin - 17/04/2017 saa 14:35

Cyereka niba mutemera ko Yezu yapfuye akazuka, twe nicyo tuba twizihiza. Intumwa ze zimaze kumenya ko yazutse bariruka bajya kureba basanga yazutse. Ibyo byishimo byo gucungurwa kwacu no gutsinda umwanzi satani nibyo twizihiza. Uyu munyamakuru yasoje avuga ko ari umunsi Yezu yategetse kwibuka urupfu rwe. Ntabwo aribyo ahubwo Pasika ni ukuzuka kwa Kristu n'ugucungurwa kwacu. yezu yadusabye kujya duhora tubikora tumwibuka, byumvikana ibyabye byose kubyibuka nta gipagani kirimo kuko ubwo yamanyuraga umugati hamwe n'intumwa ze yarazibwiye ati ibi mujye mubikora munyibuka, kwibuka ubuzima bwe, ibabara rye, urupfu rwe, izuka rye,... ntabwo ari ibipagani ahubwo niho ukwemera kwacu gushingiye. Hatabayeho kwibuka twahitamo no kutemera tukibera abahakanyi ntitwemere ibyo Imana yakoze byose. Mugire ibihe byiza bya Pasika.
Kanda hano umusubize

njbcousin - 17/04/2017 saa 14:33

Cyereka niba mutemera ko Yezu yapfuye akazuka, twe nicyo tuba twizihiza. Intumwa ze zimaze kumenya ko yazutse bariruka bajya kureba basanga yazutse. Ibyo byishimo byo gucungurwa kwacu no gutsinda umwanzi satani nibyo twizihiza. Uyu munyamakuru yasoje avuga ko ari umunsi Yezu yategetse kwibuka urupfu rwe. Ntabwo aribyo ahubwo Pasika ni ukuzuka kwa Kristu n'ugucungurwa kwacu. yezu yadusabye kujya duhora tubikora tumwibuka, byumvikana ibyabye byose kubyibuka nta gipagani kirimo kuko ubwo yamanyuraga umugati hamwe n'intumwa ze yarazibwiye ati ibi mujye mubikora munyibuka, kwibuka ubuzima bwe, ibabara rye, urupfu rwe, izuka rye,... ntabwo ari ibipagani ahubwo niho ukwemera kwacu gushingiye. Hatabayeho kwibuka twahitamo no kutemera tukibera abahakanyi ntitwemere ibyo Imana yakoze byose. Mugire ibihe byiza bya Pasika.
Kanda hano umusubize

me - 17/04/2017 saa 11:37

Icyakoze basomyi mwatanze comment hano ndabumva. Ntibyoroshye guhita umuntu yemera KO ikintu amaze imyaka yemera KO gifitanye isano n'ubukristo mu munota umwe wahita wemera KO gifite inkomoko ya gipagani. Ariko Niba mukunda Imana n'umutima utaryarya kandi mukaba mwifuza gukora ibiyishimisha mwakagombye kwigenzurira, mwigane urugero rw'abakristo b'iBeroya" ibyakozwe17:11abo no Bari bafite umutima mwiza kurusha ab'i Tesalonike, kuko bakiriye ijambo barishishikariye cyane, buri munsi bakagenzura mu byanditswe babyitondeye kugira ngo barebe Niba ibyo bintu Ari KO biri koko". Dukurikije uru rugero, ESE byaba bikwiriye KO twemera ibintu gusa ngo nuko tumaze imyaka myinshi tubyizera, kandi bikaba byemerwa nabantu benshi KO Ari ukuri, tutigenzuriye ubwacu ngo tumenye KO Ari ukuri? Aho twaba dufite akabazo. Ijambo ry'Imana ridusaba gukorera byose guhimbaza Imana. Ese ibyo byashoboka bite mu gihe twizihiza iminsi mikuru ifitanye isano n'ibikorwa bya gipagani? Aho ntitwaba turi gutukisha Imana aho gukora ibituma ikuzwa kandi ikatwishimira? Bitekerezeho. Imigani 27:11
Kanda hano umusubize

- 17/04/2017 saa 11:14

Icyakoze basomyi mwatanze comment hano ndabumva. Ntibyoroshye guhita umuntu yemera KO ikintu amaze imyaka yemera KO gifitanye isano n'ubukristo mu munota umwe wahita wemera KO gifite inkomoko ya gipagani. Ariko Nina mukunda Imana n'umutima utaryarya Mandi mu
Kanda hano umusubize

UWIMANA - 17/04/2017 saa 08:27

Nonese Tharcisse we. Muri iyo Bible wemera hari aho watwereka handitse ko Yesu cg Yezu yategetse ko izuka rye rizasimbura Pasika yari isanzwe yizihizwa n'abayahudi? Iyi ni imihango yagiye yishyirirwaho n'abantu barangiza bakayitirira Jesus natwe tukabyemera gutyo tutabitekerejeho, kandi Imana yaguhaye ubushobozi bwo gutekereza kugirango ujye ubasha gutandukanya ikiza n'ikibi. Jesus yaravuze ati mufite amaso ariko ntimubona, mufite amatwi ariko ntimwumva. Amadini yo akoresha iterabwoba ryo kuvuga ngo ugomba kwemera ibyo tukubwiye niwanga uzarimbuka, ibi biba bigamije kukubuza gukoresha ubushobozi Imana yaguhaye bwo gutekereza. Kuko abiyitirira amadini y'Imana iyo bakubujije gutekereza bagukoresha icyo bashatse.
Kanda hano umusubize

Xxx - 17/04/2017 saa 07:07

uyu munyamakuru yateruye inkuru ahantu ayikubita aho(y'abayehova ) , nta bushakashatsi nta kubaza ayo madini yandi Cg ngo areke kubogamira ku ruhande rumwe Icyo nzi ni uko KRISTO yamfiriye hanyuma akazuka kgo nanjye azanzure ku munsi w'imperuka. Ibindi muvuga ni ubusa
Kanda hano umusubize

Mugabo Peter - 16/04/2017 saa 17:36

Twebwe aba Kristo iyo twizihiza Pasika tuba twibuka ko Yesu Kristo yaje Ku isi akatwigisha ijambo ry'Imana ry'ukuli akadupfira hanyuma y'iminsi itatu akazuka arangije gucungura umwana w'umuntu,ubu dufite uburenganzira bwo kuvugana n'Imana kubw'izina rya Yesu Kristo,izo science mutuzanamo zo kutuyobya muzigumane,ubwo murashaka kutubwira ko umuntu yavuye mu ngagi cyangwa ko isi yasadutse,oya haliho Imana ikomeye yaremye ijuru n'isi ibiboneka n'ibitaboneka,imirasire mumbabarire mutambutse iyi coment's turabakunda ariko mujya muduhemukira kuko amakuru nk'aya afasha abantu hal'igihe mutayashyiraho,,dukwiye gukunda gutinya no kubaha Imana,Murakoze.
Kanda hano umusubize

Joseph Musabe - 16/04/2017 saa 15:33

Iriya nyandiko ya Alpha irabiba urujijo gusa.
Kanda hano umusubize

Gd - 16/04/2017 saa 15:13

rwose ibyo uvuze nukuri kuko amateka arivugira pasika yubu nimihango yagipagani ya roma yakera mbere ya yesu kd nubundi ntagitangaje kuko ibyo roma yagipagane yakoraga byose byimuriwe muri roma nkirisito(itorero gaturika) exp gusenga abatagatifu bibiriya iti abafpuye ntacyo bakizi,roma iti"abazimu muduhakirwe uwo nanone numuco wakera wabaroma biyambazaga abazimu(guterekera) urundi rugero kwizihiza icyumweru nkumunsi wera nawo abiga amateka muzakurikirane neza muzasanga ari umunsi mukuru ufite inkomoko muri roma yakera yabapagane bizihizagaho ikigiramana k'izuba arinayo mpamvu mucyongereza ba wita"Sunday"bisobanura umunsi wizuba"sun"izuba"day"umunsi. izi. ningero nkeya muzindi nyinshi tutavuze byinjijwe mwitorero abakristo benshi babisamira hejuru nkibyera kd ari ibyagipagane
Kanda hano umusubize

Tharcisse Musavyimana - 16/04/2017 saa 12:57

Muze mureka kurusha abantu twebwe nkaba kristu baba Katorika twizihiza Pasika dukurikije muri Bibliya Ivuga Izuka ry'Umucunguzi wacu Yazu Kristu Ivyo bindi bitabu ntavyo tuzi Twebwe twemera Ibitabu 2 ArivyoBiblia Ntakatifu Bible de Jerusalem] na Corowan ntabindi bitabu Vyahumetswe na Mpwemu tuzi.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X