Monaco cosmetics
Ahabanza  >>  Amateka n’umuco >> 

Wari uziko ku isi habayeho Jenoside zikomeye zikayijegeza ? Dore izavuzwe cyane

Mu gihe u Rwanda rwibuka ku nshuro ya 23 jenoside yakorewe abatutsi mu 1994 ibihugu byinshi byo ku isi byifatanyije n’ u Rwanda kwibuka ,ariko mu myaka irenga isaga 103 ishize, isi yibasiwe na Jenoside zitandukanye, umubare w’ ubwoko runaka ukaba warahatikiriye, izi Jenoside zikaba zirimo n’ iyakorewe Abatutsi mu Rwanda mu mwaka wa 1994, yahitanye abarenga miliyoni imwe.

Uretse iyabaye mu Rwanda dore izindi zabaye ku isi zagize ubukana zikanayijegeza cyane

1.Jenoside y’Abarmenia

Iyi Jenoside yabaye mu mwaka wa 1915, aho ubwoko bw’Abarumeneniya bari batuye muri Ottoman baragoswe baricwa bitegetswe na Leta ya Ottoman.

JPEG - 65.3 kb
Hirya no hino muri Armenia hagiye hatahurwa ibyobo birunzemo imibiri yabazize Jenoside

Kwicwa kw’ aba baturage byatumye abandi bahunga, ariko abahunze bishwe n’indwara kuko bagiye bashyirwa mu nkambi, kugeza ubu imibare itangazwa, ivuga ko abanya -Rumenia barenga miliyoni imwe bishwe hagati y’umwaka wa 1915 na 1923

2.Jenoside yakorewe Abayahudi

JPEG - 86 kb
Abayahudi benshi barundanywagwa mu byumba birimo ikabica bakabarundanya

Nyuma yo kujya ku butegetsi mu mwaka wa 1933, ishyaka ry’aba NAZI ryayoboraga u Budage, ibyariranze byari ukwica gusa.

Aba-NAZI bakomeje kwita Abayahudi abantu bivanga muri Politike, bakaba baranavugaga ko ari abantu baje gusahura ubukungu bw’u Budage n’ ibindi bihugu babagamo.

Mu mwaka wa 1938, aba NAZI batangiye kujya bafata Abayahudi bakabarundanyiriza mu nkambi zitandukanye mu gihugu cy’u Budage.

Ubusanzwe aba NAZI bari abantu bakunda intambara, uko bagendaga bigarurira uduce dutanduknye tw’u Burayi, aho bageraga hose bafataga Abayahudu bakabarundanyiriza mu nkambi, ariko umugambi wabo wari utaramenyekana.

Ubwo ingabo z’ Abadage zagabaga igitero mu bihugu bitandukanye, ibi byatumye Abayahudu barenga milinyoni imwe bicwa.

Ibyo ntibyahagarariye aho, aba NAZI bakomeje kujya bubaka inkambi zo kwiciramo Abayahudi mu duce twa Auschwitz – Birkanau, Treblinka, Belzec, Chelmno na Sobibor, Abayahudi barenga miliyoni 2 barishwe hakoreshwe imyuka y’ uburozi, cyangwa bakabashyira aho babakoreraho igeregeza mu mamashini.

Kubera ko izo nkambi Abayahudi babagamo zari zimeze nabi cyane, ibi byatumye abenshi bapfa. Amakuru atangwa avuga ko Abayahudi barenga miliyoni 6 bishwe ku mugabane w’u Burayi, mu mwaka wa 1945, ibi byose byakozwe na Adolfe Hitler wayoboraga aba NAZI.

3.Jenoside yakorewe abanya-Cambodia

Mu mwaka wa 1975, uwitwa Khmer Rouge yatorewe kuyobora Cambodia, akijyaho yavuze ko hagiye kubaho impinduka ku bantu bari bafite ubushobozi buke.

Nyamara Khmer Rouge akijyaho yahise avanaho icyitwa uburezi mu gihugu, amadini arayaca, amavuriro n’ ibijyanye n’ ikoranabuhanga arabihagarika. Khmer Rouge yategetse ko abatuye mu mijyi ya Cambodia bahimuka ku ngufu ndetse anategeka abaturage ko bagomba kujya bakora akazi nta biryo bahawe cyangwa ngo baruhuke.

Bamwe mu baturage cyane abakuze bananiwe kujya bakora badahemwa cyangwa kubera ubushobozi buke, abenshi batangiye kujya bicwa, akajya anica abo yavugaga ko batavugaga rumwe na Leta ye.

Khmer Rouge yakomeje kujya yibasira abaganga, abarimu n’abandi bari barize, ubwo batangiye kujya batotezwa bakanicwa, ibi byarakorerwaga muri gereza yitwa Tuol Sleng.

Mu myaka ine Khmer Rouge yamaze ku butegetsi, abaturage bari hagati ya miliyoni imwe n’ebyiri barishwe.

4 Jenoside yakorewe muri Bosiniya

Iyi Jenoside yatangiye mu mwaka wa 1991, muri uwo mwaka Yugoslavia yatangiye kujya icikamo ibice bitewe n’ amoko bikozwe n’abayobozi bamwe nka Slobodan Milosevic.

Muri icyo gihe, Slovenia yatangiye gusaba ubwigenge ariko bikamena amaraso, icyo gihe na Croatia yavuze ko ishaka ubwigenge, ibi rero byatumye havuka intambara hagati y’amoko muri Yugoslavia.

Guhera ubwo, ingabo za Yugoslavia zinjiye mu gace ka Croatia, abaturage batari bake barishwe, cyane mu gace ka Vukovar na Dubrovnik, aha habaye ukwica abantu bigizwemo uruhare n’abasirikare b’aba Selibiya.

Mu mwaka wa 1992, izindi ntara zatangiye kuvuga ko zishaka kwigenga, Bosnia na Herzegovina, ibi yatumye haba imirwano ikomeye hagati y’abaturage n’ingabo ziturutse muri Serbia.

Muri izi ntambara, abarwanaga bishe abasivili batagira ingano. Abasirikare n’abandi barwanaga bakoze ibyaha birimo gufata abagore ku ngufu, gutegeka abantu kuva mu byabo no kwica.

Mu gace ka Srebrenica, ingabo za Bosnia zari ziyobowe na General Radko Mladic, icyo gihe izi ngabo zishe abasivile, barimo abagabo n’abahungu barenga ibihumbi 75.
Kubera iyo ntambara, umuryango mpuzamahanga washyizeho urukiko mpuzamahanga mpanabyaha rwashyiriweho Yugoslavia mu mwaka wa 1993.

Uru rukiko rwashyiriweho guhana abagize uruhare mu gutera inkunga abishe abasivile ibihumbi 96.

Nkindi Alpha

Kanda hano udukurikire kuri Facebook na Twitter

Ibitekerezo

Bavugirije - 17/04/2017 saa 22:31

Mbega umunyamakuru!!!! Ubu se koko abanya- Cambodia niba ibyo wanditse ariko byagenze ni genocide cg ni ubwicanyi????? be professional please
Kanda hano umusubize

KOM - 16/04/2017 saa 22:08

ariko Mana yanjye,nta Jenocide ibaho ngo irangire idahagaritswe cg ngo imare abo yar'igendereye.iyo muri DRC uvuga yahagaritswe na nde kugirango itabamara cg iy'iBurundi ni nde wayihagaritse?iby'uvuga ntekereza ko biva ku ngengas
Kanda hano umusubize

guido - 15/04/2017 saa 22:59

Ko utavuga Genocide yakorewe Congo DRC ? Kuberako ari kure wahibagiwe ?
Kanda hano umusubize

- 16/04/2017 saa 10:26

Ko atavuga iyakorewe abarundi b'abahutu muri 72.
Kanda hano umusubize

Valence - 15/04/2017 saa 12:35

Nonese genocide yakorewe abatutsi1994 mu Rwanda ko utayishyizemo?
Kanda hano umusubize

wavenzwe richard - 15/04/2017 saa 11:44

Mu 1972 abahutu bomu Burundi.
Kanda hano umusubize

Gautier - 15/04/2017 saa 09:01

Khmer Rouge si izina ry umuntu ahubwo ni agatsiko kakoze Genocide. bari bayobowe na Paul Pit.
Kanda hano umusubize

- 15/04/2017 saa 05:58

Nihatari KBS
Kanda hano umusubize

- 15/04/2017 saa 05:45

Nihatari KBS
Kanda hano umusubize

Aimable - 14/04/2017 saa 22:00

wakoze kuri icyo kegeranyo gusa wibagiwe iyitwa Namahere ro aho.abadage bishe Namaqua na Herero bo muri Namibia. Isi yarakubititse kabsa hari abantu bumva ko isi yaba iyabo bagashaka kwikiza abandi gusa iherezo rya twese ni rimwe !!
Kanda hano umusubize

Nsekanabanga Celestin - 14/04/2017 saa 17:05

Kugeza ubu genocide zemewe na UN ni iyakorewe abayahudi n'iyakorewe abatutsi, izindi ziracyafatwa nk'ubwicanyi bukabije bwakozwe.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X