Monaco cosmetics
Ahabanza  >>  Amakuru yose >> Amakuru mashya >> 

Mu mafoto meza,Charly na Nina bashimishije abanyarwanda muri Uganda

Charly na Nina bakunzwe mu muziki w’u Rwanda muri iki gihe, bataramiye mu Mujyi wa Kampala mu gitaramo cyahurije hamwe benshi mu banyarwanda bahatuye.

Igitaramo cya Charly na Nina kiri mu ruhererekane rw’ibitaramo ngarukamwaka bya ‘Rwanda Connect’, cyabaye mu ijoror ryo kuwa Gatandatu tariki ya 14 Mata 2018 mu kabari ka Atmosphere Lounge gaherereye muri Kololo.

Aba bakobwa baririmbye nyinshi mu ndirimbo zabo zikunzwe mu Rwanda muri iki gihe, izishimiwe ku buryo bukomeye ni izisanzwe zicurangwa mu ku maradiyo yo muri Uganda nka ‘Owooma’, ‘Indoro’ na ‘Zahabu’.

Mbere y’uko Charly na Nina baririmba, igitaramo cyabanje gususurutswa na Dj Spinny, Umunyarwanda uhagaze neza mu bavanga imiziki muri Uganda. Spinny yacurangaga yakuranwa na Dj Mpenzi usanzwe akorera mu Rwanda.

Charly na Nina bataramiye muri Uganda mbere y’iminsi mike ngo berekeze i Burayi
Muri iki gitaramo abanyarwenya Nkusi Arthur na Alex Muhangi wo muri Uganda bakigaragayemo; mu bahanzi bakomeye muri Uganda abakigaragayemo ni Ray Signature na Toniks basanzwe bafitanye indirimbo na Dj Pius[na we waririmbye muri Rwanda Connect].

Charly na Nina bataramiye muri Uganda mbere y’urugendo rw’ibitaramo bagiye kujya gukorera i Burayi. Igikomeye mu byo bazavayo bakoze ni ikizabera i Bruxelles kuri Birmingham Palace tariki ya 5 Gicurasi 2018.

Nibamara gutaramira mu Bubiligi bazakomereza mu Busuwisi, u Bufaransa, Suede n’u Buholandi.
REBA AMAFOTO

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X