Monaco cosmetics

Byarangiye Pallaso ariwe usimbujwe Radio witabye Imana muri Good Life

Bitewe n’urupfu rutunguranye rwa Mowzey Radio waririmbanaga na Weasel muri Good Life, ejo hashize tariki ya 06 Gashyantare 2018, abajyanama ba Good Life bakoze inama bemeza ko umuvandimwe wa Weasel, Pallaso ariwe ugiye kuba asimbuye Radio mu itsinda.

Mu byagombagwa kwigwaho mu nama yabaye ejo hashize, harimo kwanzura niba itsinda Good Life riri buhagarare, kuba hakongerwamo undi muririmbyi ndetse no kuba Weasel ashobora gukomeza muzika ku giti cye, bakanigira hamwe uburyo imishinga iritsinda ryari rifite mu nzu zitunganya umuziki izashyirwa hanze ndetse n’uburyo ibitaramo bari baratumiwemo bizakorwa.

N’ubwo imyanzuro yafatiwe mu nama y’ejo itashyizwe hanze kuburyo bweruye, amakuru atangazwa na bigeye.ug yo mu gihugu cya Uganda aremeza ko murumuna wa Weasel ariwe Pallaso agiye kujya afasha uyu muhanzi kurubyiniro mu rwego rwo kuziba icyuho cya Radio witabye Imana.

Aya makuru kandi arashimangirwa n’amashusho Pallaso yashyize kurukuta rwe rwa facebook, amugaragaza kurubyiniro rumwe na Weasel, mu gitaramo bakoreye i Soma Concert, biravugwa ko Pallaso yerekanaga uburyo agiye kuba umusimbura wa Radio mu itsinda Good Life.

Ibijyanye n’indi myanzuro yafatiwe muri iyi nama, tuzakomeza kubikurikiranira hafi.

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X