Monaco cosmetics

Hamisa Mobeto yavuze k’ubukwe bwe na Diamond

Hamisa Mobeto na Diamond Platnumz bamaze igihe bubuye umubano, ibyabo byatangiye kunugwanugwa ko biganisha ku gushyingiranwa uyu mukobwa agasimbura Zari uherutse kwahukana.

Hamisa Mobeto na Diamond Platnumz bamaze igihe bubuye umubano, ibyabo byatangiye kunugwanugwa ko biganisha ku gushyingiranwa uyu mukobwa agasimbura Zari uherutse kwahukana.

Muri Nzeri 2017 nibwo Diamond yemeye umwana w’uyu munyamideli nyuma y’igihe cyari gishize yaramwihakanye. Yabyemeye ari uko Mobeto asohoye amafoto y’uyu muhanzi baryamanye ndetse haciyemo iminsi mike amujyana mu nkiko avuga ko adatanga indezo.

Nyuma y’ibyo Hamisa yakunze kugenda ashyira ku mbuga nkoranyambaga amafoto ye na Diamond ndetse rimwe na rimwe akayaherekeza yisanisha no kwerekana ko ibyabo birimo urukundo rukomeye.

Mu itangazamakuru rya Tanzania bimaze iminsi bivugwa ko Diamond yasubiye kwa Hamisa Mobeto nyuma y’uko Zari amutaye amushinja kujarajara mu bagore. Uyu muhanzi aherutse gutangaza ko umwaka wa 2018 uzamusiga ashinze urugo mu buryo bweruye; ibi byakurikiwe n’inkuru zishimangira ko agiye kurongora Mobeto.

Mu kiganiro Hamisa Mobeto yagiranye n’abanyamakuru mu mpera z’iki cyumweru ubwo yari yitabiriye ibirori byo kwerekana filime nshya ya Aunt Ezekiel, yakomoje ku mubano udasanzwe uvugwa hagati ye na Diamond abyita “ubumwe busanzwe”.

Yabajijwe niba ari we mugore ugiye kurushingana na Diamond nk’uko bimaze iminsi bivugwa asubiza agira ati “Ntabwo nshaka kugira igisubizo ntanga kuri icyo kibazo.” Abanyamakuru bahatirije bamubaza niba koko agiye kurushingana na Diamond yanga kuvuga ahubwo azunguza umutwe.

Hamisa Mobeto yongeyeho ko adakwiye kwitwa ‘umugore wimenyera buri kintu’ kuko ngo abagabo yabyaranye na bo bamufasha kurera abana be babiri.

Yagize ati “Ntabwo wavuga ko uri wenyine mu gihe ufashwa kurera abana wabyaye. Ikimenyetso ni iki, abagabo twabyaranye bose bamfasha kurera abana banjye neza, ku bw’iyo mpamvu ntabwo navuga ko ndi njyenyine, ndafashwa kurera abana banjye.”

Uyu munyamideli amaze kubyara abana babiri ku bagabo batandukanye, imfura yayibyaranye na Dj Majay[wakundanye igihe kinini na Lulu] mu gihe umuto aheruka kumubyarana na Diamond Platnumz.
Umurerwa Solange

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X