Uyu mukobwa ukunze kuvugwaho akajagari mu rukundo, mu minsi ishize ni bwo yumvikanye yigamba ko akubutse muri Leta Zunze Ubumwe za Amerika mu gikorwa cyo kongeresha amabere ye.

Ikinyamakuru nairobinews kivuga ko nyuma yo kuyabagisha yatangiye kwicuza icyo yabikoreye, ariko ku rundi ruhande agatunga agatoki umusore bakundanaga ko ari we wamushutse.

Aganira n’itangazamakuru mu minsi ishize, Huddah yatangaje ko ubusanzwe mu muryango wabo batagira amabere manini, ariko ngo bitewe n’uko umusore bakundanaga yakundaga amanini yamusabye kuyongeresha maze ku bwo kwanga kumubabaza arabikora.

Yagize ati ”Ubusanzwe mu muryango wacu ntitugira amabere manini kuko bose usanga bagira mato, gusa njyewe maze kwiyakira uko ndi kose kuko nta kindi nakora.”

Yakomeje agira ati ”Kugira amabere manini nabitewe n’umusore twakundanaga kuko yarayakundaga, nanjye kuko namwemeraga nanzuye ko ngomba gukora ibishoboka byose nkamushimisha. Sinatekerezaga ko nagira icyo mpindura ku mubiri wanjye ariko yatumye mbikora.”

Yunzemo ati ”Nyuma yaho twaje gutandukana kuko numvaga ntangiye kumusarira ndetse sinzongera, ahubwo icyo ngiye kwitaho ni ibikorwa byanjye by’ubucuruzi.”

Uyu munyamideli akunze kuvugwaho ubusambanyi no guhinduranya abasore bakundana, akunze no gushishikariza abakobwa bagenzi be kudaheranwa n’ubukene kandi bafite igitsina.

Muri Werurwe uyu mwaka mbere ho gato yo kwibagisha amabere, ni na bwo yavuze ko akunda igitsina cye kurusha ibindi bice by’umubiri we.

Mu mwaka wa 2014 ni bwo Huddah Monroe yahagarariye igihugu cya Kenya mu irushanwa rya Big Brother Africa, icyo gihe yanenzwe kuba ashishikariza abandi bakobwa ngo bakoreshe igitsina cyabo mu gushaka indonke aho kwirirwa basabiriza.


Ndacyayisenga Fred