Monaco cosmetics

Nyuma y’imyaka 2 gusa,Usher Raymond yaciye ukubiri n’umugore we

Umuririmbyi Usher Terry Raymond IV [Usher] yemeje ko yamaze gutandukana mu bwumvikane n’umugore bari bamaze imyaka ibiri barushinze.

Usher Raymond na Grace Miguel barushinze muri Nzeri 2015, ubukwe bwabo bwabereye muri Atlanta, bahita berekeza muri Cuba ahitwa Havanna mu kwezi kwa buki. Bari bamaze imyaka icumi mu buryohe bw’urukundo nubwo biyemeje gusezerana mu myaka ibiri ishize.

Uyu muririmbyi yabwiye US Weekly ko we n’umugore we bamaze gutandukana nyuma yo kubitekerezaho byimbitse nubwo bagifitanye umubano w’ubushuti utari urukundo.

Yagize ati “Turacyahuza cyane, turi inshuti zizakomeza gufatanya mu bindi bihe bije by’ubuzima bwacu. Urukundo rwinshi rukomeye no kubahana dufite hagati yacu bizarushaho gukura uko twemera gukomeza mu bundi buzima.”

Iki kinyamakuru cyatangaje ko umwe mu bafite amakuru y’aba bombi barushinze mu ibanga mu 2015, yatangaje ko bamaze amezi baratandukanye bucece.

Usher Raymond yashakanye na Grace Miguel nyuma yo gutandukana na Tameka Foster babanye kuva mu 2007 kugeza 2009. Uyu banabyaranye abana babiri barimo imfura yitwa Usher Raymond V w’imyaka icumi na Naviyd Ely w’imyaka icyenda.

Mu mwaka ushize hacicikanye inkuru z’urudaca kuri Usher warezwe kwanduza abagore benshi indwara ya ’Herpes’ mu kirego kigaragaza ko yaryamanye n’abagore batandukanye adakoresheje agakingirizo akabanduza. Yigeze kwivuza iyo ndwara hagati mu mwaka wa 2009 na 2010.

Uyu muhanzi yanaciwe indishyi ihwanye n’amadolari miliyoni 1.1 nyuma y’uko yatsinzwe urubanza yarezwemo n’umwe mu bagore bagiranye ibihe byiza bakaryamana badakoresheje agakingirizo bikamuviramo kwandura virusi ya ‘herpes’ iri mu za mbere zizahaza cyane mu zandurira mu busambanyi.

JPEG - 194.1 kb
Aba bombi ngo bamaze amezi baratandukanye bucece nubwo ari bwo Usher yabihishuye mu itangazamaku
JPEG - 109.5 kb
Usher afite abana babiri yabyaranye n’umugore we wa mbere
JPEG - 155.8 kb
Usher na Miguel barushinze mu 2015
JPEG - 165.7 kb
Usher yabanje kubana na Tameka Foster
Kanda hano udukurikire kuri Facebook na Twitter

Ibitekerezo

ivubi - 9/03/2018 saa 11:19

Aba ba star baba ari IBIRARA, INDAYA,... kandi bakize. Gutandukana ni ubuzima kuri bo.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X