Monaco cosmetics

Rick Ross yaba agiye gukorana indirimbo na Sauti Sol

Rick Ross [William Leonard Roberts II] yataramiye mu Mujyi wa Nairobi mu ijoro ryo kuwa Gatandatu tariki ya 28 Mata 2018, igitaramo cye cyabereye ahitwa Carnivore Grounds cyahuruje imbaga.

Rick Ross [William Leonard Roberts II] yataramiye mu Mujyi wa Nairobi mu ijoro ryo kuwa Gatandatu tariki ya 28 Mata 2018, igitaramo cye cyabereye ahitwa Carnivore Grounds cyahuruje imbaga.

Uyu muraperi yagiriye ibihe byiza mu Mujyi wa Nairobi ndetse yabigarutseho kenshi mu gitaramo hagati kugeza ubwo yashimangiye ko ‘Kenya ari urugo rwe rwa kabiri’ anasaba ko yakwitwa umunyagihugu.

JPEG - 90.4 kb
Rick ross

Mbere gato yo kujya gutaramira kuri Carnivore Grounds, Rick Ross yagiranye ikiganiro na Radio NRG iri mu zicuranga cyane umuziki i Nairobi; aha niho yavugiye ko yakozwe ku mutima n’ibihangano bya Sauti Sol.

Yavuze ko mu gihe cyose yamaze muri Kenya yumvise indirimbo ‘idasanzwe’ yitwa ‘Live and Die In Afrika’ ndetse asaba ko abayiririmbye bashaka uburyo bahura na Dj we bakamuha umushinga w’indirimbo maze akazashyiramo igitero cye ikarushaho kwamamara ku Isi.

Yagize ati “Ubwo twari mu modoka tuza hano narimo numva indirimbo, iyo yitwa Live and Die In Afrika. Ndashaka ko Sauti Sol bakora ibishoboka bagaha iyo ndirimbo Dj wanjye ku buryo nzashyiramo imirongo.”

JPEG - 65.3 kb
Rick Ross mu gitaramo aherutse gukorera i Nairobi

Sauti Sol bamaze kumva iyo nkuru barishimye cyane ndetse bandika ku mbuga nkoranyambaga bamenyesha Rick Ross ko bamwumvise ndetse ko bidatinze bazamugezaho iyo ndirimbo bakayivugurura.

Indirimbo zose Rick Ross yakoranye n’abahanzi bo muri Afurika zarakunzwe cyane ku Isi. Mu bahanzi yakoranye na bo harimo P Square mu yitwa ’Beautiful Onyinye’ ndetse na Diamond mu yitwa ’Waka’.

Rick Ross wasubiragamo kenshi ko yitwa ‘Boss’ bya nyabyo kuko ari umunyamafaranga, yabwiye abafana be muri Kenya ko yamaze kubona izina rishya rya ‘Tajiri’ [Umukire], iri rijya gusa n’iryo asanganywe rya ‘Rich Forever’ [Umukire Iteka] gusa ryo riri mu Giswahili.

Izina ‘Tajiri’, Rick Ross yatangiye kurikwirakwiza ku mbuga nkoranyambaga ze asobanurira abafana ko ‘Boss yabonye indi nyito’.
Christian N.

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X