Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Iserukiramuco ’Ubumuntu’ rizagira impinduka ikomeye

Mu Mujyi wa Kigali hagiye kongera kubera iserukiramuco mpuzamahanga ‘Ubumuntu Festival’ rizahuriza hamwe ibihugu 17 byo mu bice bitandukanye by’Isi muri Nyakanga 2018.

Abahanzi bo mu bihugu byatoranyijwe bazerekanira imikino yabo ku rwibutso rwa Gisozi ari naho iri serukiramuco risanzwe ribera mu gusoza iminsi ijana yo kwibuka Jenoside yahitanye ubuzima bw’Abatutsi barenga miliyoni guhera muri Mata 1994.

Iri serukiramuco ‘Ubumuntu Arts Festival’, rigiye kuba ku nshuro ya kane, ryatangijwe mu mwaka wa 2015 n’Itorero Mashirika risanzwe ritegura imikino ya gihanzi yigisha abantu kubana neza mu rukundo n’ubworoherane, gufashanya no kwiga kwikemurira ibibazo.

Ubuyobozi butegura ‘Ubumuntu Arts Festival’ bwasohoye urutonde rw’imikino yatoranyijwe kuzerekanwa muri uyu mwaka mu gihe u Rwanda rwamaze kwinjira mu cyumweru cya mbere cya Mata gitangiza ibikorwa byo Kwibuka ku nshuro ya 24 Jenoside yakorewe Abatutsi.

Itorero Mashirika riri mu bahanzi bazerekana imikino mu iserukiramuco ‘Ubumuntu Arts Festival’, rizafatanya n’amatsinda ndetse n’abahanzi ku giti cyabo bazaturuka mu bihugu 18 birimo n’u Rwanda.

Itariki n’iminsi iri serukiramuco rizamara ntibirangazwa gusa ubuyobozi bwa Mashirika bwavuze ko rizaba mu gusoza iminsi ijana yo kwibuka.

JPEG - 99.3 kb
Itorero Mashirika riri mu bahanzi bazerekana imikino uyu mwaka

Ibihugu bizitabira iri serukiramuco ni Sri Lanka, Kenya, Bwongereza, USA, Iraq, u Bubiligi, Nigeria, Afurika y’Epfo, Sweden, DRC, Zimbabwe, Burundi, Poland, Uganda, Egypt, Canada n’u Rwanda.

Imikino izerekanwa ndetse n’abazayikina muri ‘Ubumuntu Arts Festival’ 2018:

- Thought Curfew - Sri Lanka n’u Bwongereza
- Can You Hear Me Now - Rwanda n’u Bwongereza
- Too Early for Birds - Kenya
- Soul Seekers - Iraq n’u Bubiligi
- La Négrophile - USA
- Punctuation - Nigeria
- Love in the Time of Revolution – Afurika y’Epfo n’u Bwongereza
- The Can: A Story About Friendship - Sweden
- My Life Matters - Rwanda
- The Voice of the Voiceless - DRC
- Arts Revolution - Rwanda
- The Key - Zimbabwe
- Do Money Buy Happiness? - Rwanda
- Iragi - Burundi
- Re_wolta - Poland
- The Wet Umbrella - Rwanda
- Strings - Uganda
- If I Were - Egypt
- Century Song - Canada

Kanda hano udukurikire kuri Facebook na Twitter

Ibitekerezo

KABANDANA.GALICAN. BABIKOZE.NEZA - 6/04/2018 saa 20:38

BIFITE.AKAMARO
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X