Monaco cosmetics
Ahabanza  >>  Amakuru yose >> Imikino >> Mu Rwanda >> 

Nshuti Savio ngo intandaro yo kujya muri APR FC, ni inzu atahawe na AS Kigali

Ikipe ya APR Fc yaguze umukinnyi Savio Nshuti.Uyu musore yaguzwe n’iyi kipe nyuma y’uko ngo ibyo yasezeranyijwe na AS Kigali birimo n’inzu batabimuhaye maze bituma basesa amasezerano.


Nyuma yo kwakirwa neza n’abafana ba APR FC, Savio Nshuti Dominique yaganiriye n’abanyamakuru asobanura impamvu yatandukanye na AS Kigali akerekeza muri APR FC aho gusubira muri Rayon Sports yahozemo kandi nayo yaramushakaga.

Savio wakoze imyitozo ya mbere muri APR FC yasubije abanyamakuru ibisubizo bigufi cyane.

Wakiriye gute uko abafana ba APR FC bakwakiriye baguterura ?

Icya mbere ni ukubanza kubashimira uburyo banyakiriye. Ni ibintu binzaniye icyizere no kunyereka ko bamfitiye urukundo …Muri APR FC hari abakinnyi benshi b’inshuti zanjye…ntabwo byangoye cyane kuko harimo n’abavandimwe duturuka muri Quartier zimwe …ba Migi, ba Abouba, ndumva ari ibintu byashimishije cyane.

Ni iki cyatumye uva muri AS Kigali ?

AS Kigali hari ibyo itubahirije biba ngombwa ko nasesa amaserano, ntangira kumvikana n’amakipe yo mu Rwanda , ninaho naje kumvikana na APR FC , ndayisinyira.

Amasezerano AS Kigali itubahirije ni ayahe ?

Bari baranyemereye inzu ariko biza kuzamo kutumvikana neza . Ntabwo byubahirijwe ko bayitanga igihe twari twavuganye biba ngombwa ko mbona ko nahindura ikipe.

Miliyoni 16 bari bakwemereye zo bari baziguhaye ?

Urumva muri miliyoni 16 FRW twari twavuganye ko mbonamo inzu.

Ni iki cyatumye uhitamo APR FC ko byavugwagwa ko na Rayon Sports ikwifuza ngo uyisubiremo ?

Ikipe ya APR FC yacishije ibintu mu mucyo, ibanza kuvugana n’ikipe ya AS Kigali. Niyo mpamvu byatumye mbona ko ikipe inshaka.

Hagize ikipe yo hanze igushaka byagenda gute ?

Muby’ukuri hagize ikipe inshaka , icya mbere ni ukubanza ikumvikana n’ikipe ndi gukinamo , bakaza bakamvugisha nyuma.

Waguzwe angahe ? Wahawe amafaranga angahe ? Uzajya uhembwa angahe ?

Nasinye imyaka 2 . Ndumva umushahara atari njye ushinzwe kuwutangaza, hari manager wanjye n’umuvugizi wa APR FC.

Ushobora gutangirira ku mukino wa Rayon Sports , urabyumva gute kuri wowe nk’ikipe yaguhaye izina ?

Ni umukino ukomeye, ni nkaho nsubiye muri Derby. Mbere nakiniraga Rayon , ubu nzaba ndi gukinira APR FC, urumva ni umukino uzaba ukomeye kuri njye …ni umupira, mu buzima ugomba guhura nabyo , ndumva nzagerageza kwitwara neza.

Wigeze ugira inzozi zo kuzakira APR FC ?

Urebye nturuka muri Quartier yo ku Mumena. Nabonaga ibyo bagenzi banjye bari kugeraho nka ba Migi , nkumva natera ikirenge mu cyabo. Migi yagiye muri APR FC nanjye kubera numvaga ariwe ndi kugenderaho numva nayikinira.

Urutugu rwawe rwakunze gukuka uri mu Isonga, Rayon Sports na AS Kigali rwamaze gukira ?

Ndumva mwese mwarakurikiranye CHAN 2018….(muri CHAN) nta kibazo nigeze ngira , ndi muzima nta kibazo…Nabagiwe muri Faisal.

APR FC na Rayon Sports bazakina mu irushanwa ry’Igikombe cy’Intwali mu mukino uzaba saa 15H30 kuri Stade Amahoro. Uzabanzirizwa n’uwa AS Kigali na Police FC saa 13H00.

Savio yasinyiye APR FC kuyikinira imyaka 2. Yahawe miliyoni 30 FRW harimo miliyoni 26 zahawe ikipe ya AS Kigali. Savio Nshuti we yafashe miliyoni 4 z’amafaranga y’u Rwanda.

AS Kigali yasinyishije Nshuti Savio imukuye muri Rayon Sports tariki 26 Kamena 2017. Icyo gihe yari yemerewe miliyoni 16 z’amafaranga y’u Rwanda.

Savio yakoze imyitozo ye ya mbere muri APR FC kuri uyu wa mbere tariki 29 Mutarama 2018.

Editor

Kanda hano udukurikire kuri Facebook na Twitter

Ibitekerezo

kay - 31/01/2018 saa 15:39

mu minsi mike uzaba uri kugatebe
Kanda hano umusubize

BONIFACE UWIRAGIYE - 22/03/2018 saa 07:49

ntazatinda kubibona bitarenze saison imwe
Kanda hano umusubize

niyonkuru gervais - 31/01/2018 saa 13:35

yataye ibaba
Kanda hano umusubize

Bosco Nyamagabe - 31/01/2018 saa 04:18

Savio We Uzi Guhitamo Neza Pe
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X