Monaco cosmetics
Ahabanza  >>  Amakuru yose >> Iyobokamana >> 

RMC yasabye ko Radio Ubuntu butangaje ifungwa by’agateganyo

Mu minsi ishize humvikanye umuvugabutumwa kuri Radio yibasira abagore.Ibi byacishije benshi ururondogoro maze batangira kwikoma uyu mugabo, kugeza ubwo kuri ubu iyi radio yasabiwe gufunga by’agateganyo.

JPEG - 54.3 kb
Amazing Grace yasabiwe gufungwa by’agateganyo

Kuri uyu wa mbere, Urwego rw’Abanyamakuru bigenzura (RMC) rusabye Ikigo k’Igihugu gishinzwe kugenzura imirimo imwe n’imwe ifitiye igihugu akamaro (RURA) gufunga by’agateganyo Radio Amazing Grace mu gihe cy’amezi atatu, ndetse yo na Pasiteri Nicholas Niyibikora bagasaba imbabazi Abanyarwanda mu nyandiko. Pro-Femmes yavuze ko ishimishijwe n’akanyafu gacishishwe kuri iriya radio.

Mu cyumweru gishize, Perezidente w’Ihuriro ry’imiryango y’abagore itegamiye kuri Leta “Pro-Femmes Twese Hamwe”, Jeanne D’Arc Kanakuze yasabye Police gufata Pasiteri Nicholas Niyibikora uherutse kuvugira kuri Radio Amazing Grace amagambo abagore bavuga ko yabatesheje agaciro.

Gusa, iki kirego cyaje kujyanwa Urwego rw’Abanyamakuru bigenzura (RMC) nk’urwego rushinzwe kugenzura imikorere y’itangazamakuru mu Rwanda.

Ku gicamunsi cyo kuri uyu wa mbere, RMC yumvise “Pro-Femmes Twese Hamwe” irega, ndetse n’abaregwaga, ni ukuvuga Radio Amazing Grace na Pasiteri Nicholas Niyibikora utagaragaye ngo yisobanure.

Nyuma yo kumva impande zose, Abakomiseri ba RMC banzuye ko Radio Amazing Grace iba ifunzwe by’agateganyo ndetse ikanandika ibaruwa isaba imbabazi Abanyarwanda mu gihe kitarenze amasaha 48.

Naho, Pasiteri Nicholas Niyibikora wari uhagarariwe n’umwe mu bantu bo mu itsinda ry’amasengesho kuko ngo we muri iyi minsi ‘telefone’ ye itariho, yasabwe kwandika ibaruwa isaba imbabazi abanyarwanda bose ngo kuko ibyo yavuze byagize ingaruka mbi ku muryango nyarwanda muri rusange.

Iyi baruwa agomba kuzayishyikiriza RMC ikaba ariyo iyisomera Abanyarwanda. Ibi kandi ngo bigomba gukorwa mu gihe kitarenze amasaha 48.

Kanda hano udukurikire kuri Facebook na Twitter

Ibitekerezo

gataza - 13/02/2018 saa 12:26

Radio ni nziza kandi ni mbi.Uyu Pastor yanyibukije RTLM muli 1994.Numva bavuga ko iyi Radio ari iya Gitwaza.Nubwo Gitwaza agira abayoboke benshi,hari ibintu byinshi yigisha by'ibinyoma.Urugero,muli 2003,igihe mu Rwanda hari amatora ya President,Gitwaza yabeshye abantu ko Yozefu na Maliya bagiye I Bethlehem GUTORA.Nyamara bari bagiye KWIBARUZA (Census).Mu myaka mike ishize,Gitwaza yabeshye abantu buzuye Stade Amahoro ko imana itajya yica abantu.Nyamara Bible yerekana neza ko imana yica abantu banze kuyumvira.Urugero,ku gihe cya NOWA,imana yicishije Umwuzure abantu bose bali batuye ISI,harokoka abantu 8 gusa bayumviraga.Mulibuka ko yicishije Umuriro abantu bose bari batuye Sodoma na Gomora,igasiga gusa LOTI n'abakobwa be kuko bumviraga imana.Muli Yeremiya 25:33,havuga ko imana izica abantu bose bakora ibyo itubuza ku Munsi w'imperuka,ku buryo Intumbi zizaba zuzuye isi yose.Hazarokoka abantu bake bayumvira kandi batibera mu byisi gusa.
Kanda hano umusubize

- 21/03/2018 saa 20:23

Ariko, Gitwaza we yagaragazagako Imana itica abantu ahubwo abantubicwa ningaruka zicyaha rwose dutandukanye ibintu Kko muri process baravugango - irari rirakura ribyar'icyaha cyamara Gukomera kikabyara urupfu... rero mwumvenezako Imana atariyo yicana ahubwo ningaruka zicyaha, thx
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X