Monaco cosmetics
Ahabanza  >>  Amakuru yose >> Iyobokamana >> 

Ubuhamya: Amateka y’umukobwa waririmbye indirimbo yitwa “Njye Ndi umukristo”

NJYE NDI UMUKRISTO : Iyi ndirimbo yaririmbwe n’umukobwa wo muri Suede. Ubwo yari mu kigeragezo cy’uko bashakaga ko aharikwa n’umwami nk’umugore wa gatatu. Uyu mukobwa yari afite uburanga bihebuje kandi yari arangije amasomo bigaga icyo gihe. Umwami rero yaje kubwirwa ko hari umukobwa w’uburanga kandi ufite
imico n’uburere nta wundi umukwiye atari umwami nyir’Igihugu.

Amutumaho ibisonga bye ngo umwami yarakubengutse none arifuza ko umubera umugore w’inkundwakazi. Inkuru yamugezeho yicaranye n’ababyeyi bahise bavuza impundu barishima cyane. Ababaye cyane imbere y’ababyeyi be nibwo yateruye amagambo y’igitero cya mbere abwira kandi atuma k’umwami ati :

1.Njye nd’umukrsto: nzahora ndiwe mu bintu byose,ngeze ku gupfa. Njye nd’umukrsto, Mpora mbihamya nahw’ igihugu cyose cyanseka. Njye nd’umukrsto wo mu mutima kuko ubu nsigaye nkunda kristo, Icyatumye apfa, yazize njyewe, Nabuzwa n’iki kujya mukunda?

Ababyeyi be bamuguye nabi cyane batumiza imiryango n’inshuti zabo ndetse n’ize bamukubitira muri urwo ruhame. Ndetse bamufatira ibihano bikaze ko atazongera kujya.

mw’iteraniro ry’abera na rimwe bifuza kumukura muri ubwo bukrsto. Nibwo bagiye gutandukana bamusabye kugira icyo avuga imbere y’iyo mbaga aterura amagambo y’igitero cyakabili ati:

2.Njye nd’umukrsto umv’ubwo buntu narakijijwe nkurwa mubyaha. Njye nd’umukrsto naho naterwa n’ibyago nkaba no kurugamba. Njye nd’umukrsto nd’umutabazi mu ntambara ndasana n’ibyaha. Mfite umugaba n’umwami Yesu nituba hamwe nzahora nesha.

Ababyeyi n’izo nshuti n’imiryango bahise bazabiranywa n’uburakari babonye ko inkoni nibindi byose bitamuhinduye bamuca murugo ngo ajye kwangara azagwe iyo mubukrsto bwe. Uwo mukobwa yahise asohoka mu nzu n’igitabo cya bibiliya gusa mu ntoki yateruye amagambo y’igitero cya gatatu ati:

3.Njye nd’umukrsto nd’umwimukira ndakomeje murugendo rwanjye Ibyino mwisi ndabihinyuye nsigaye nifuz’ ibyo mw’ijuru. Njye nd’umukrsto gakondo yacu iri mwijuru kumana yacu. Ntanzara ibayo nta n’imiruho abaho bose baguwe neza.

Ageze mw’ ijoro mu mbeho n’inzara byo hanze aho yari abundabunze. Nibwo yaririmbye igitero cya kane Ati:

4.Njye nd’umukrsto icyo n’ikintu gihumuriz’ umutima wanjye. Kinyibagiza ibyago byose nkumva nduhuwe n’umwami yesu. Njye nd’umukristo uko ndi kose maze
nintumirwa ngiye gupfa Nzagir’ibyishimo bitavugwa nzabona ihirwe, ngeze mw’ijuru. AMEN.

Gusa amateka avuga ko atahise apfa ubwo, Kuko yaririmbye n’ibindi bice byinshi uko yakomezaga kugeragezwa ariko byubakiye kuri iryo jambo ” NDI UMUKRISTO “. Hari rero uwamwumvise aririmba wamugiriye impuhwe amujyana kumuha icumbi. Nyuma yaje kwicwa n’uburwayi. Kandi ababyeyi be baje kuba abakristo bakomeye nyuma y’uko babuze irengero rye.

Kanda hano udukurikire kuri Facebook na Twitter

Ibitekerezo

romeo - 19/02/2018 saa 05:13

tubwire amazina ye utubwire ahari muhe mwaka?
Kanda hano umusubize

HABIYAREMYE THEONESITE - 15/02/2018 saa 18:42

DUKENEYE KUMENYA AMAZINAYE NIGIHE YAPFI RIE
Kanda hano umusubize

innocent - 12/02/2018 saa 06:24

Urakoze cyane wowe wadukoreye ikicyegeranyo kumateka yiyi ndirimbo twaririmbaga tutazi amavu namavuko yayo
Kanda hano umusubize

Emmanuel Ndayishimiye - 10/02/2018 saa 10:54

Uwo mukobwa n,intare mukwizera.yitwand?yamaze imyaka ingahe arih?
Kanda hano umusubize

PHOCAS - 18/02/2018 saa 02:28

TUMARAMAZE MUGUKIZWA
Kanda hano umusubize

Ndayiragije Narcisse - 10/02/2018 saa 09:28

Uwo umukobwa atubere twese urugero
Kanda hano umusubize

- 7/02/2018 saa 17:32

aragahezagirwa mbena ntiwamfasha najye ngombucristo nkuyu mwigeme.
Kanda hano umusubize

theophile - 10/02/2018 saa 01:35

uyumukobwa yarababajwe cyane arko imana izabane nawe arko nabandi bakobwa bumvireho ntibazemere guharikwa hejuru yababyeyi kdi nabakunda kuyiririmba batazi amateka yayo babyumviraho
Kanda hano umusubize

Monica - 7/02/2018 saa 09:31

@Kagabo ntabwo ushobora gutanga inyigisho zawe cg ibitekerezo udashyizemo guhinyura ukwemera kwabandi?? Ngo abiyita abarokore ubwose wowe wiyita iki? Kd umenye ko nta dini narimwe ritigisha rishingiye muri bible kugeza no kubavuga ko barwana intambara ntagatifu, mbere yo kubwiriza ubanze wige discipline no kubahana urakoze
Kanda hano umusubize

kagabo - 6/02/2018 saa 14:53

Ku bantu batazi iyi ndirimbo,iri mu bitabo by'indirimbo z'amadini y'aba Protestants.Nanjye nahoze nyiririmba nkiri muli Anglican Church.Ariko ubu sinemera ibyo ivuga bimwe.Urugero aho ivuga ngo "gakondo yacu ni mu ijuru".Abantu benshi bibeshya ko "twaremewe kuzajya mu ijuru".Ntabwo aribyo na gato.Bible yigisha ahantu henshi ko "dutegereje isi nshya n'ijuru rishya" (2 Petero 3:13).Na YESU yigishaga ko abantu beza bamwe bazaba mu isi nshya izaba paradizo (Matayo 5:5).Pastors na padiri bo bigisha ko abantu beza bose bazajya mu ijuru.Nyamara Bible yigisha ko "intungane zizaguma ku isi".Byisomere muli Imigani 2:21,22.Naho abantu bake bitwa ABERA,bazajya mu ijuru.Nibagerayo,ntabwo bazaba bajyanywe no kuririmba gusa nkuko abiyita Abarokore bavuga.Ahubwo bazimana na Yesu,bategeke ISI NSHYA.Nabyo bisome muli Daniel 7:27 na Ibyahishuwe 5:10.Tujye twiga Bible neza,aho gupfa kwemera ibyo padiri na pastor batubwiye.
Kanda hano umusubize

Ndayiragije Narcisse - 10/02/2018 saa 09:26

Uwo mukobwa utubere twese urugero
Kanda hano umusubize

kk - 6/02/2018 saa 12:04

Ahwiii nsubijwemo imbaraga kubw'aya mateka yiyi ntwari yokw'izera . Icyampa nanjye nkazarangiza neza urugenda.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X