Monaco cosmetics
Ahabanza  >>  Amakuru yose >> Iyobokamana >> 

Ubuhamya bw’umugabo wagiye mu ijuru akagaruka

Umugabo umwe yarapfuye ajya mu ijuru muburyo bw’iyerekwa. Yahawe uburenganzira bwo kuzenguruka ijuru akareba ibihakorerwa aherekejwe na Malayika Gaburiyeli.

Binjiye mu cyumba (department) cya mbere . Cyari icyumba kinini kirimo abamalayika benshi cyane babarirwa mu mamiliyoni bahuze, bari gutoranya no gushyira amabaruwa mu byiciro. Wa mugabo aratangara, arabaza ati “ ese bariya barakora iki?”. Malayika Gaburiyeli aramusubiza ati “ Bari gutoranya no gushyira amabaruwa y’amasengesho mu byiciro : Abarwayi, abasaba akazi, abakeneye gukizwa ibyaha, abakeneye imbaraga z’Imana n’ibindi binyuranye”

Barakomeza bajya no mukindi cyumba. Muri icyo cyumba naho harimo abamalayika benshi. Gusa abo bo bari bari gushyira amabaruwa mu dusanduku ndetse bakadufunga . Wa mugabo arongera abaza icyo abo bari gukora. Malayika amubwira ko bari gufunga amabaruwa y’ibisubizo by’Imana bitewe n’ibyo bagiye basaba.

Bwa nyuma binjira mu kindi cyumba, bahabona umugabo umwe wicaye ari guhondobera, bigaragara ko ntakazi kenshi afite. Wa mugabo mu ijwi rituje abaza malayika ati “ Ese kuki uyu mugabo yicaye ahangaha?”. Gaburiyeli arahindukira aramureba aramubwira ati “ Iki cyumba cyo ntakazi kenshi gikunda kugita nk’ibindi twabonye. Umumalayika wo muri iki cyumba aba ashinzwe kwakira amabaruwa y’ishimwe aturutse ku bantu basubijwe amasengesho yabo bitewe n’ibyo bagiye basaba bakabona umugisha, bakabona akazi, bagakira indwara n’ibindi ariko ikigaragara ni uko ntanumwe ujya wibuka aho uwo mugisha waturutse. Ninayo mpamvu iki cyumba kibamo umumalayika umwe ushinzwe kwita kuri aka kazi ariko nubundi ntakazi kenshi agira ninayo mpamvu ubona ari guhondobera. ” Wa mugabo agira agahinda , amarira atangira gushoka ku maso ye atangira kwifuza kuba yabasha gusubira ku isi akabwira bagenzi be ibyo yeretswe.

Nshuti musomyi, Ujya wibuka ibyo Imana yagukoreye? Amasengesho yawe yasubijwe inshuro zingana iki? Ni ahantu hangana iki Imana yakunyujije? Uribuka ibigeragezo byose byari bikuri imbere Imana ikabasha kubigucishamo amahoro? Ujya wibuka gushima Imana? Muri iki gihe uri muzima, hari benshi bapfuye urasigara, ufite ubuzima bwiza, akazi keza, umuryango, wigeze ubishimira Imana?

Jya ugira umwanya wo gushimira Imana ibyiza igukorera kuko niyo byose, ntanakimwe wakwishoboza atari kubwayo.

Kanda hano udukurikire kuri Facebook na Twitter

Ibitekerezo

snuggie xzucker - 23/01/2018 saa 11:32

ibyo ntago bibaho iyo wageze mwijuru uba wagezeyo NTIWAKWIFUZA KUGARUKA cyangwa nibangahe bagiyeyo bakagaruka? ICYO NI ICYINYOMA PEE!! cyokora murakoze kubwuwo mugani mwiza werekeye kuMANA!
Kanda hano umusubize

nsengiy clemnt - 20/01/2018 saa 11:35

icyinyoma kiragwira
Kanda hano umusubize

providence - 22/01/2018 saa 11:43

Ahaaa nzaba ndeba ago isi iri kitujyana NGO kujya mu ijuru ukagaruka birasekeje ikuzimu havuyeho none hagezeho mu ijuru
Kanda hano umusubize

christian - 18/01/2018 saa 15:16

erega nibyiza gushima ibyo IMANA idahwema kudukorera, MANA tugufite ntitwifuza undi murengezi, warakoze.
Kanda hano umusubize

- 18/01/2018 saa 06:13

Umugani ha-ha!
Kanda hano umusubize

Ntivuguruzwa nikodem - 17/01/2018 saa 13:35

ubundi icyogisambo ibyo nibyocyabonye gusa? kandi mwijuru habayobyinshi byiza? bahindure tekinike twarabavumbuye enenkaba basaba bitwaje ijambo ry,Imana
Kanda hano umusubize

KARAKE - 17/01/2018 saa 09:14

Bene ibi ntimukabyemere.Baba bishakira Fame gusa (bashaka kuvugwa gusa).Ni nka byabindi pastors basigaye babwira abayoboke babo yuko "imana yaberetse".Bene aba Bible ibita "abahanuzi b'ibinyoma" (Bogus prophets).Uzababwirwa nuko bagusha ku ifaranga. Babyita Prosperity Gospel.Nta nubwo bagira isoni z'uko kubeshya ari icyaha kizatuma imana itabaha ubuzima bw'iteka,kandi ikabarimbura ku munsi w'imperuka.
Kanda hano umusubize

- 17/01/2018 saa 12:22

Uzabikore cyangwa ntubikore harabazabikora.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X