Monaco cosmetics
Ahabanza  >>  Amakuru yose >> Iyobokamana >> 

Ubusambanyi ku mwanya wa mbere mu byaha biranga abahanzi b’indirimbo zihimbaza Imana-Urutonde

Abahanzi b’indirimbo zo kuramya no guhimbaza Imana ni bamwe mu bantu baba bakagombye kwitwararika no kwera imbuto bikomeye kuko baba bazwi n’abantu benshi ,nyamara iyo urebye ubona imyitwarire ya bamwe idahesha Imana icyubahiro ari nayo mpamvu tugiye kubagezaho urutonde rw’ibyaha 10 bakunze kurangwaho bikaba na bimwe mu bibadindiza mw’iterambere nkuko byagarutsweho na bamwe mu bantu b’inararibonye mw’iyobokamana twaganiriye.

Nkuko ijambo ry’Imana ribivugako umuntu ukorera Imana aba akwiye kuba ikitegerezo cy’abizera kandi akihesha agaciro nk’umukozi w’Imana ugabura ibyayo ikibabaje nuko bamwe mu baririmbyi b’indirimbo z’Imana aho kugirango bere imbuto ahubwo bitwara nabi ku buryo unakurikije imyitwarire yabo ntaho bakuvana ngo bagire aho bakugeza.

Nyuma yo kugenzura no kuganira n’abantu batandukanye harimo abakristo n’aba Pasiteri ndetse n’abandi bantu b’inararibonye mu by’iyobokamana na muzika ihimbaza Imana benshi bahurije kuri ibi byaha uko ari 10 ko bikunda kuranga bamwe mu bahanzi baririmba indirimbo z’Imana.

Gusa muri iyi nkuru nta muntu numwe mu bahanzi utungwa agatoki kuko ibi ntabwo bigaragara ku bahanzi bose kuko harimo abakozi b’Imana biyubaha kandi bakorera Imana mu kuri no mu mwuka ndetse bafite icyerekezo cyiza mu murimo w’Imana mbese bazi iyo bava n’iyo bajya,bazi icyo bashaka n’icyo bakeneye.

Dore urutonde rw’ibyaha bikunda kurangwa kuri bamwe mu bahanzi b’indirimbo z’Imana bakabikoreraho umurimo :

1.Ubusambanyi

Nubwo ubusambanyi ari kimwe mu byaha bikomeye kandi n’Imana yanga urunuka nyamara ku ruhande rw’abahanzi baririmba indirimbo zo guhimbaza Imana usanga bamwe muribo baramunzwe n’iki cyaha aho usanga hari abashinjwa n’abakobwa kubatera amada, abandi bagashinjwa ubuhehesi bukabije ku buryo bamwe ngo banatinyuka kubikora bagisohoka mu nsengero aho usanga nk’indamukanyo zabo ndetse n’imivugire benshi baba bafite idashimwa na benshi .

Aha kuri iyi ngingo umupasiteri w’umudamu utashatse ko amazina ye agaragara yatubwiyeko aherutse gutumira umuhanzi aziko afite ubuhamya bwiza ndetse n’ubukristo ariko atungurwa nuko nyuma yaragiye kumuteranya n’umugabo kubera kumuhamagara amutereta amutesha umutwe. Ibi yabivuze atangara cyane kuko ngo uwo muhanzi uko agaragara ndetse n’uburyo azwi mu bantu byamutangaje cyane maze yiha ingamba zo kuzajya asengera abakora uyu murimo w’uburirimbyi.

Undi mu kristo w’umukobwa ukunda kuba mu bitaramo by’abahanzi yatubwiyeko byamutangaje cyane mu minsi yashize ubwo yabonaga umwe mu bahanzi bafatwa nk’abakomeye hano mu Rwanda (amazina yagizwe ibanga), yarafite igitaramo gikomeye maze ngo atungurwa no kumubona avuye kuri Stage kuririmba ahitira gusomagurana no guheheta bikomeye umwe mu bakobwa bari bakoze Protocole. Uyu mu kobwa yavuzeko ibyo yabonye byatumye atangara bikomeye akurikije uko abona bitari bikwiye k’umuhanzi uririmba indirimbo zo guhimbaza Imana.

Kuri iyi ngingo iyo ugenzuye neza usanga bamwe mu bahanzi bafite abana mu gasozi, abandi ugasanga bafitanye ibibazo bikomeye n’abakobwa baba baragiye babeshya urukundo bakabagira uko bashaka barangiza bakabajugunya, ibi umuntu abivuga kuruhande rw’abahanzi b’igitsina gabo ariko ukomye imbehe aba akomye n’ingasire n’abigitsinagore bose si shyashya.

2.Ubwibone bukabije

Umuhanzi w’indirimbo zihimbaza Imana iyo agitangira kuririmba rwose aba aciye bugufi mu byo akora byose yabona Imana imuteje intambwe igaragara ugasanga afashwe n’ubwibone bwo mu mutima ndetse n’ubwinyuma ku mubiri, iki ni kimwe mu bituma ushobora kubona uyu munsi umuhanzi akunzwe na benshi ,ashakishwa na benshi nyamara nyuma gato ukabona arazimye burundu kubera kwizamura no kwishyira hejuru.

Umukozi w’Imana watubwiye kuri iyi ngingo yasoje avugako bidasobanuyeko abahanzi bose iyo bamaze gukomera bafatwa n’ubwibone kuko harimo n’abakozi b’Imana bayikorera bayitinya ndetse banayubaha.

3.Ububeshyi bukomeye

Ikinyoma ni kimwe mu bintu bigaragara ku bahanzi b’indirimbo zo guhimbaza Imana, aho usanga kwizerwa kwa benshi kugerwa ku mashyi nk’aho usanga benshi bagirana ibibazo n’aba pasiteri babatumira nko mu biterane n’ibitaramo ugasanga k’umunota wa nyuma ntibabyitabiriye batanatanze impamvu .

Umupasiteri umwe yagize ati:“Ububeshyi bw’indengakamere bugaragara mu bahanzi b’indirimbo z’Imana aho usanga benshi basigaye bagenda basa n’abihishe bitewe n’ibinyoma baba baragiye babeshya abantu yewe hakaba hari na bamwe wagirango ukuri barakugurishije kuko imivugire n’imikorere yabo ari ikinyoma gusa ku buryo njyewe narahiriye kutazongera gutumira umuhanzi ntabanje kwiga neza imikorere ye n’ubuhamya bwe”.

4.Ubwambuzi bukomeye: Bamwe mu bahanzi baririmba indirimbo z’Imana bakunze kuba bazwi nk’abambuzi, nk’aho usanga bakira amafaranga y’abandi babatumiye mu biterane yamara kuyarya igihe cyagera ababatumiye bagategereza ko baza bagaheba.

Ikindi kigaragara nk’ubwambuzi ku bahanzi ba Gospel ni nka bamwe usanga batira nk’imyambaro mu gihe cyo gukora amashusho cyangwa ibitaramo nyuma kugira ngo basubize imyambaro y’abandi bikaba ikibazo gikomeye. Muri icyo gihe usanga abantu benshi ntakizere babagirira.

Ikindi kigaragaza ubwambuzi bw’abahanzi ni nk’uburyo bibana indirimbo (Piratage) aho usanga nk’umuhanzi umaze kubaka izina ajya nko mu cyaro yakumva umuririmbyi aririmbye indirimbo nziza agahita aza akayihinduramo utuntu ducyeya maze akayiyitirira. Izi ngero zose hari benshi bahamyako bahuye n’abahanzi bameze gutya.

5.Gukunda indamu z’isi kurusha umurimo w’Imana: Bamwe mu bahanzi b’indirimbo zo kuramya no guhimbaza Imana wumva icyo basize imbere ari indamu z’iby’isi kurusha umurimo w’Imana. Hari nk’aho batumirwa mu bitaramo cyangwa ibiterane ukumva babanje gushyiraho ibiciro bihanitse by’amafaranga ugomba kubishyura bityo ukibaza niba bakorera Imana cyangwa niba ari abacancuro nk’abandi.

Kuri iyi ngingo umwe muba pasiteri twaganiriye yavuzeko nabo baba bazi ko umuziki urushya ku buryo batatumira umuririmbyi nta kintu bamuteganirije nk’amafaranga y’amatike ndetse nayinsimbura munsi no gutegera abacuranzi kubariirimba mu buryo bwa live , bityo akavuga ko bitari bikwiye ko abahanzi babigira nk’itegeko ngusange barimo banasaba kubanza kwishyurwa kugirango bazaze kuririmba.

6.Ishyari rikomeye hagati yabo: Nkuko ari ugukorera Imana ntibyari bikwiye ko abahanzi b’indirimbo z’Imana bagirana ishyari ariko iyo urebye usanga hagati mu bahanzi habamo ishyari rikomeye ,ibyo bigaragarira nk’igihe umwe agize ikibazo gituma avugwa nabi usanga ababa abambere mu gukwirakwiza no gusebya ari bamwe mu bahanzi bagenzi be, aha ukibaza niba ari abakozi b’Imana bikayoberana.

7.Kunywa ibiyobyabwenge no kugendera mu bigare by’isi:
Hari bamwe mu bahanzi badatinya ko baririmbira Imana ugasanga n’abasinzi kandi bakabikora bihishe kugeza nubwo hari bamwe bashyiraho amatsinda yabo bahuriramo banywa inzoga ndetse muri ibyo bigare ukabasangana n’abantu badahuje ukwemera mbese b’abapagani rwimbi kuburyo nabo ubwabo usanga bavuga nabi abahanzi benshi kubera kubona ko ingeso nyinshi bazisangiye kandi biyita abakozi b’Imana.

8.Kurangwa no kutubahiriza igihe:Kutubahiriza igihe no kwica gahunda ni kimwe mu byaha bikomeye bituma umuhanzi ashobora guta agaciro atabizi. Nyamara wareba ukabona abahanzi bamwe batabyitaho nkaho usanga yagombye kwitabira igitaramo kw’isaha ya saakenda wajya kureba ukabona aje saa kumi n’ebyiri bari kuvuga amatangazo.

9.Kutemera gukosorwa : Hari bamwe mu bahanzi babwirwa amakosa yabo byaba binyuze mu buryo bw’itangazamakuru cyangwa ababarebera hafi bakaba babagira inama zuko bakagombye kwitwara kugira ngo bakomeze bakore ivugabutumwa riramye. Nyamara wajya kureba ugasanga kumukebura ari nko gucurangira abahetsi kuko aho guhinduka ahubwo barushaho kugira imyitwarire idahwitse no kwishyiramo uwashatse kubacyaha.

10.Kutagira ibihe bihagije byo kuragiza Imana ibyo bakora: Abahanzi baririmba indirimbo z’Imana bagombye kugira ibihe bihagije byo gusenga kuko n’ijambo ry’Imana rivugako dushobozwa byose na Kristo Yesu uduha imbaraga ariko iyo urebye hari abahanzi bamwe bajyanwa mu rusengero nuko bagiye kuririmba ariko mu buzima busanzwe utababona mu masengesho ari nayo mpamvu satani umwanzi w’ibyiza ahera kuntege nke zabo akabakoresha uko ashaka.

Uru ni urutonde rw’ibyaha 10 abahanzi baririmba indirimbo zo guhimbaza Imana bakunda gukora kandi bikabadindiza mw’iterambere, gutyo rero birakwiye nk’abakozi b’Imana ko bihesha agaciro ndetse bakabera abandi urugero rwiza maze umurimo bakora ugakomeza gutera imbere bishimwa n’Imana ndetse n’abantu.

By’umwihariko ariko kuvuga ibi byaha ntibishatse kuvuga ko abahanzi bose b’indirimbo z’Imana ariko bameze kuko hari n’abihesha agaciro bakicisha bugufi kandi bagakorera Imana n’umutima ukunze yewe bakanera imbuto zikwiriye abihannye doreko muri iyi nkuru nta muntu ku giti cye watunzwe agatoki .

Christian N

Kanda hano udukurikire kuri Facebook na Twitter

Ibitekerezo

christian - 20/01/2018 saa 06:59

njye ndumva nta kibi yakoze kuko nurukundo nti rugira umupaka : njye mfite imyaka 27 ndifuza umukunzi ukuze kuva ku myaka 30 kugeza kumyaka 45 aho yaba atuye hose ndi tayari uwankenera yampamagara kuri 0786498562 njye ndi serious kumuha ibyishimo ashaka byose
Kanda hano umusubize

Toto - 24/01/2018 saa 12:51

Gira uti uri indaya y'umupfubuzi urashaka abagore bakuze bafite cash zo gususura. Ubuserious bwawe bwo ntabwo, kuko iyo ub serieux ntuba warabuze umukunzi ukubereye. Kuba watanga ibyishimo ashaka byose byo ni ikinyoma cyambaye ubusa kuko nawe nta byishimo ufite, kandi ndakumenyesha ko umuntu atanga icyo afite. Muri make nakugira inama yo kureka kwiha rubanda ahubwo ube serious ukorere cash ushake uwo muzabana munagana kandi mwubahana. Thks
Kanda hano umusubize

Toto - 24/01/2018 saa 12:56

Gira uti uri indaya y'umupfubuzi urashaka abagore bakuze bafite cash zo gususura. Ubuserious bwawe bwo ntabwo, kuko iyo ub serieux ntuba warabuze umukunzi ukubereye. Kuba watanga ibyishimo ashaka byose byo ni ikinyoma cyambaye ubusa kuko nawe nta byishimo ufite, kandi ndakumenyesha ko umuntu atanga icyo afite. Muri make nakugira inama yo kureka kwiha rubanda ahubwo ube serious ukorere cash ushake uwo muzabana munagana kandi mwubahana. Thks
Kanda hano umusubize

xaviermunyazikwiye - 18/01/2018 saa 15:10

Amakuru? kubijyanye nicyahacy'ubusambanyi biratugoye , Imana idutabare.
Kanda hano umusubize

Rwubaka - 18/01/2018 saa 10:18

@senyamwishywa uri ikibwa gusa abarinze ubusugi basa nuwo wambaye ukuri koko?
Kanda hano umusubize

Senyamwishywa - 16/01/2018 saa 13:35

Uyu wambaye ijipo itukura biragaragara ko yarinze ubusugi bwe turamushimiye tubikuye ku mutima!
Kanda hano umusubize

James - 16/01/2018 saa 08:06

Ngo Abiyita Abaririmbyi B'imana Bakunda Guheheta ? Kubera Babona Abarokore B'ubuntu Bo Kwirongorera
Kanda hano umusubize

Eric Mberingabo - 15/01/2018 saa 17:44

Ese kuki mutabona ko mumadini menshi ariho habera ubukozi bw'ibibi bukomeye? Umuntu arabivuga benshi bakarakara mumenye ko Yesu azababwira ngo mumve imbere mwankozi zibibi mwe sinigeze mbamenya? Amadini menshi abaye indii zinkozi zibibi birababaje kuko birirwa babeshya abantu kandi bikorerera businness nkabacururiza mumaduka
Kanda hano umusubize

Gatete - 15/01/2018 saa 13:18

Urababwira nuko abenshi banga kumva.Bimeze nko ku gihe cya NOWA.Yesu yavuze ko ab'icyo gihe biberaga mu byisi gusa.NOWA akababwiriza ariko bose banga kumva,kugeza igihe UMWUZURE (deluge) waje bose ukabica kubera kwanga kumva NOWA.YESU yavuze ko no ku Munsi w'Imperuka wegereje ariko bizagenda (Matayo 24:37-39).Imana ivuga ko "intumbi z'abantu zizaba zuzuye ku isi yose" (Yeremiya 25:33).Kwibera mu byisi gusa,bituma uba umwanzi w'imana (Yakobo 4:4).Dukore kugirango tubeho,ariko dushake n'imana dushyizeho umwete.Mwikishinga bariya bababwira ko iyo dupfuye tuba twitabye imana.Ni ikinyoma.Ntabwo ariko Bible ivuga.Abantu bakora ibyo imana ishaka,bazazuka ku munsi w'imperuka,babeho iteka muli Paradizo (Yohana 6:40).Abibera mu byisi gusa,ntabwo bazazuka.
Kanda hano umusubize

nshimyp - 15/01/2018 saa 12:46

ikindi kibitera nuko i dirimbo zabo zitava kumutima bigatumaImana ibarekana ko batayihimbaza.
Kanda hano umusubize

Fulgence irambona - 15/01/2018 saa 10:02

Turabakunda mukomereze aho.
Kanda hano umusubize

Fulgence irambona - 15/01/2018 saa 10:01

Ukonukuri bavandi jew ahontumbereye mpora ndabireba kd ikibirenge nubwishime kd n'Imana ntuba ukiyubaha murakoze muduhigire nibindi.
Kanda hano umusubize

munyemana - 15/01/2018 saa 05:48

Murakoze cyane imirasire.com.Abantu bibeshya yuko abantu baririmba bavuga imana,ziba ari "indirimbo z'imana".Nyamara baba bashaka kumenyekana gusa,umutima wabo utari ku mana.Iyo bamaze kuba aba STARS,hafi ya bose baba abasambanyi.Ibyo bita ko baririmbira imana,birayibabaza cyane,kuko imana itajya yumva abanyabyaha banga kwihana nkuko dusoma muli Yohana 9:31.Muli Matayo 15:8,imana ivuga ko "bayubahisha iminwa yabo gusa,nyamara imitima yabo iri kure yayo".Urugero,nubwo Abafarisayo basengaga imana cyane,YESU yavuze ko imana yabo ari SATANI (Yohana 8:44),kubera ko bakoraga ibyo imana itubuza.Nubwo iyo baririmba baba bavuga imana,indirimbo zabo ntabwo ari iz'imana.
Kanda hano umusubize

charles - 15/01/2018 saa 13:55

Imana niyo mucamanza w'ukuri kdi n'umutima wawe,niba umutima ugucira urubanza n'Imana iba yamaze kurugucira ariko muri hari abakora umurimo kdi mwiza pe!
Kanda hano umusubize

jojo - 15/01/2018 saa 16:36

Ibyo uvuga nibyo rwose, arko ikibazo burigihe ukoresha inyuguti ngufi iyo ugiye kwandika Imana
Kanda hano umusubize

Jacky - 17/01/2018 saa 18:52

MUNYEMANA, ibyo uvuze nibyo umu kristuWABAYE STAR yakorera Kristu gute? Hari uwo duherutse kuvugana, mbimubyiye umwana wumu kobwa arangaya, ariko narimu bwiye. Kuko iyo batangiye kwiyambika nkaba STAR bagasha ngo kumenyekana....Aho kureka ngo Kristu abarimwo abe ariwe aboneka muri bo...igikurikira nibyo byose mwavuze...gutaha utubare ..ngo ntibagiye kunywa....ba bandi barirwa baririmba na za video zurukoza soni nibo bajyanama babo(iyo baririmbye ngo Yesu ndagukunda ntabwo ngisinzira cameraman ahita yishyiriraho umwe mu bakobwa ba baririmbyi, ugasanga za MK-up nizo ziri muri zoom, ukibaza ukuntu umuziki ukiri Gospel bikagusiga. none izabantu babona ko atari Gospel ubwo mu matwi y´imana si induru gusa...cyane cyane mu rwanda abakobwa BARIRIMBA GOSPEL NABAYIJYAMWO BATARAMENYEKANA barebe ko muri ibyo 10 bo batarabirangiza nibasanga bafitemwo 3- 4 bigire muri SECULAR kuko niba batabashije kubeshya abantu tubona inyuma gusa ibaze Imana ibona no mu mutima-
Kanda hano umusubize

yagurute - 18/01/2018 saa 13:21

Imana itangizwa ninyuguti kuru, wambwira gute wandika satani ninyugute nkuru aliko Imana ukayandika incuro nyinshi ni indome ntoya??? Nawe si gusa ahali si Imana isumba vyose uliko uvuga.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X