Monaco cosmetics
Ahabanza  >>  Amakuru yose >> Urukundo >> 

inkuru mpamo itanga inama kubantu bafuhira abakunzi babo.

Abantu benshi mu buzima bwa buri munsi, cyane cyane abashakanye, bagira ibyo bumva kimwe n’ibyo batemeranywa na gato, hakaba kandi n’ubwo umwe yifuza kugerageza undi cyangwa kumuhima nyuma akabihomberamo. Iyi ni inkuru ushobora gufata nk’inkuru y’urwenya rwo kuruhura umutwe ariko ikaba yanatuma umuntu arushaho gutekereza kandi akagira icyo yunguka mu bitekerezo bye...

Umunsi umwe umugore yagiye guhaha, ageze aho agomba kwishyurira afunguye isakoshi umukozi w’iduka abonamo telekomande, ananirwa kwifata aramubaza ati: “Buri gihe se witwaza telekomande?” Umugore aramusubiza ati:
“Oya si buri gihe, ariko umugabo wanjye yanze kumperekeza guhaha ashaka kwirebera imipira y’I Burayi, mpitamo kuyimutwara”
Isomo: Ntukirengagize guherekeza no gushyigikira umugore wawe mu bimushimisha atazaguhima
Inkuru irakomeza... Umukozi w’iduka yarasetse, nyuma afata bya bindi umugore yari aguze byose arabisubirana. Umugore yarumiwe amubaza icyo abikoreye. Umukozi ati: “Umugabo wawe yafunze ikarita yawe ya banki wari ugiye kwishyuriraho none ntikora….”
Isomo : Ntukigere usuzugura ibishimisha umugabo wawe
Inkuru irakomeza... Umugore yahise asohora ikarita ya banki y’umugabo we kuko yari yayitwaje, aba ari yo yifashisha, asanga yo umugabo atibutse kuyifunga.
Isomo: Ntugasuzugure ubushobozi n’ubushishozi by’umugore wawe
Inkuru irakomeza... Umugore amaze gushyira ikarita mu mashini, hahita hiyandikamo ngo ‘SHYIRAMO UMUBARE W’IBANGA TWOHEREJE KURI TELEFONI YAWE’…..

isomo: Iyo umugabo ageze aho yenda gutsindwa, ntihabura aho hafi ikimutabarira

inkuru irakomeza... Umugore yamwenyuye gato yikoza hanze nk’ugiye kwitaba telefoni ihamagaye mu isakoshi ye. Ni iy’umugabo we yari yakiriye ubutumwa bugufi yohererejwe. Na yo umugore yari yayitwaranye na telekomande kugirango umugabo ataza kumuhamagara yibereye mu isoko. Yaragiye yishyura ayo yahashye, yitahira anezerewe.
Isomo: Ntuzigere ukerensa ubushobozi bw’umugore wageze mu kaga!

Umugore ageze mu rugo, yasanze imodoka ye idahari. Ku meza hari agapapuro kanditseho ngo “Nabuze telekomande. Nasohokanye n’abahungu banjye kureba aho turebera umupira. Dushobora gutaha dutinze, nugira icyo ukenera umpamagare kuri telefoni.”
Isomo: Ntukagerageze kugenzura uwo mwashakanye. Nta cyo bizakugezaho!

yanditswe na Niyirora Christian.

Kanda hano udukurikire kuri Facebook na Twitter

Ibitekerezo

Twin Yeah - 31/12/2017 saa 14:23

Iyi mibanire ku bashakanye babishaka yabageza kuki kweli! Abantu nk,aba tujye tubibuka mu masengesho Imana ibakoreremo bahinduke! Niba nkurikiye neza nsanze uyu mudamu agoye migenzi we!! Dusabe inema yo koroherana no guca bugufi birubaka!
Kanda hano umusubize

- 30/12/2017 saa 12:54

NDUMVA IBINTU ARI DANGER, UBWO AKO SI AGAHIMANO? HAH
Kanda hano umusubize

Kubwimana Donasiye - 20/01/2018 saa 16:28

Nanjyebyambayeho Nhbh
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X