Monaco cosmetics
Ahabanza  >>  Amakuru Yose >> Hirya no Hino >> Mu Rwanda >> 

Bane mu gihome bashinjwa kugerageza guha ruswa abashinzwe umutekano

Abagabo bane batawe mu ri yombi mu bihe bitandukanye bakekwaho kugerageza gutanga ruswa ku bashinzwe umutekano nyuma yo gufatirwa mu binyuranyije n’amategeko.

Abitwa Abdullah Mohamed , Biyondo George William na Rukundo Thierry , bose b’abashoferi bafashwe mu ijoro ryo ku wa 6 Kanama ku muhanda wa Gicumbi-Gatuna.

Polisi ihakorera ivuga ko batanze amafaranga ari hagati ya 1000 na 2000 mu igenzura ry’ibyangombwa by’imodoka bari batwaye buri wese, ryaberaga mu murenge wa Cyumba, mu karere ka Gicumbi.

Ubu bose bakaba bafungiye kuri sitasiyo ya Polisi ya Byumba mu gihe hagikorwa iperereza.

Mu karere ka Kicukiro kandi, Polisi ihakorera yataye muri yombi uwitwa Bugingo Jean Paul w’imyaka 36, kuri uyu wa gatandatu ku manywa, agerageza guha ruswa y’amafaranga 200,000 frw , umukozi w’urwego rwa DASSO mu murenge wa Kigarama, mu kagari ka Nyarurama.

Kuri iki gikorwa, umuvugizi wa Polisi y’u Rwanda mu Mujyi wa Kigali, Superintendent Emmanuel Hitayezu yavuze ko uyu mugabo yafashwe mu gihe hakorwaga umukwabu wo kureba abafite inyubako nshya niba bafite ibyangombwa bibemerera kubaka.

SP Hitayezu yagize ati:”Umudasso wari uri mu kazi yasanganye ibyangombwa Bugingo avuga ko yakuye ku karere ka Kicukiro, ariko basanze ari ibihimbano , nibwo yahise ashaka gutanga 200,000 ya ruswa ngo bamureke yikomereze, ahita afatwa ubu akaba afungiye kuri sitasiyo ya Polisi ya Gikondo.”

SP Hitayezu asobanura iyi mikorere ku bashinzwe umutekano ari iya kinyamwuga maze akangurira abaturage muri rusange kwirinda gutanga no kwakira ruswa, anabasaba kujya batanga amakuru ku gihe ku kintu cyose kiganisha kuri ruswa n’ibindi binyuranyije n’amategeko.

Yagize na none ati:" Aho gukora ikintu nawe uzi ko kitemewe n’amategeko wizeye ko uri butange ruswa bakakureka, ibyiza wareka gukora icyo kintu kuko nawe bikugiraho ingaruka, ruswa imaze kuba umuziro kandi nta mwanya ifite mu Rwanda no muri Polisi by’umwihariko”; akaba yarangije asaba ko kuyirwanya ari ibya buri wese.

Pierre

Kanda hano udukurikire kuri Facebook na Twitter

Ibitekerezo

Ibiniki - 9/08/2016 saa 00:57

Dasso Palice Yaje Ryari
Kanda hano umusubize

arakaza israel - 8/08/2016 saa 13:22

tugomba kwanga ruswa!
Kanda hano umusubize

arakaza israel - 8/08/2016 saa 13:20

tugomba kwirinda ruswa
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X