Monaco cosmetics
Ahabanza  >>  Amakuru Yose >> Imikino >> Mu Rwanda >> 

Police FC yasinyishije Mico wakiniraga AS Kigali

Mu rwego rwo kongera imbaraga mu gutaha izamu, Police Football Club yasinyishije Justin Mico wakiniraga AS Kigali, ibi bikaba bibaye mbere y’uko Shampiyona itangira.

Mico ufite imyaka 21 y’amavuko yatangiriye ruhago mu Ikipe y’Isonga. Abaye umukinnyi wa munani Police FC iguze muri iyi Shampiyona . Ku wa gatandatu tariki 20 Kanama ni bwo yasinye kuyikinira imyaka ibiri.

Aje asanga mugenzi we waguzwe mu minsi ishize bakinanye muri AS Kigali witwa Amini Mwizerwa.

Abandi baheruka kugurwa harimo Hussein Habimana, abanyezamu babiri baturutse muri Etincelles ari bo; Danny Nduwayo na Milafa Nizeyimana, Celestin Ndayishimiye wavuye muri Mukura Victory, Jean Bosco Akayezu wakiniraga Muhanga FC na Dominique Ndayishimiye waturutse muri Gicumbi FC.

Ku rundi ruhande, Christophe Biramahire na Olivier Usabimana batijwe Marine FC nyuma yo kuzamurwa dore ko bakiniraga Interfoce.

Umuvugizi wa Police FC, Chief Inspector of Police (CIP) Jean de Dieu Mayira yavuze ko Mico yaje kuziba icyuho cya Idesbard Nshuti wasezeye.

Yagize ati:" Amasezerano Nshuti yasinyanye na Police FC yabaga atararangira; ariko tumaze gusuzuma ubusabe bwe bwo gusezera kubera impamvu zishingiye ku bibazo bye bwite twarabimwemereye."
CIP Mayira yakomeje agira ati:"Dushingiye ku buhanga bwa Mico, turahamya tudashidikanya ko azaziba icyuho cya Nshuti. Turi kuziba ibyuho byose kugira ngo turusheho kubaka Ikipe."

Ubu, Police FC ifite Umutoza Mukuru, Innocent Seninga, akaba yungirijwe na Justin Bisengimana. Ifite kandi Umutoza w’Abazamu witwa Claude Maniraho.

JPEG - 152.3 kb
Justin Mico

Jean Pierre

Kanda hano udukurikire kuri Facebook na Twitter

Ibitekerezo

Nkurikiyumuremyi eric - 29/08/2016 saa 19:00

Ngewe ndabyishimiye kuko Apr fc niyange
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X