Monaco cosmetics
Ahabanza  >>  Amakuru Yose >> Imikino >> Mu Rwanda >> 

Rayon Sports igiye guhatana n’amakipe y’ibigugu mu irushanwa rya Star Times Cup Tanzania

Muri Tanzania hagiye kubera Star Times cup, aho Rayon sports yatumiwe kandi izahahurira n’amakipe akomeye muri Africa arimo TP Mazembe, Gor Mahia na Yanga, ngo ibi bikaba
bizayifasha kwitegura CAF Confederations Cup 2017.

Rayon Sports yatumiwe mu irushanwa aho uzaryegukana azatwara arenga miliyoni 40 y’u Rwanda.

Hagati ya tariki 6-23 Ukuboza 2016, i Dar es Salam hazabera irushanwa mpuzamahanga ry’umupira w’amaguru w’ama-club, ryateguwe na Star Times Tanzania. U Rwanda ruzahagararirwa na Rayon sports.

Muri iri rushanwa ngarukamwaka Rayon izahahurira n’amakipe nka KCCA yo muri Uganda, TP Mazembe yo muri DR Congo, Liga Desportiva yo muri Mozambique, Gor Mahia yo muri Kenya, Vital’O y’i Burundi, n’amakipe yo muri Tanzania arimo Yanga Africans ya Haruna Niyonzima.

Uzegukana iri rushanwa azahembwa amadorali ya America 50 000 (40 414 000 Frw), ikipe ya kabiri ihabwe ibihumbi 30$, naho umukinnyi witwaye neza ahembwe 2 000 $.

Umunyamabanga wa Rayon sports Gakwaya Olivier yavuze ko babonye ubutumire kandi biteguye irushanwa.

Gakwaya yavuze ati: "Badutumiye muri Star Times Cup uyu mwaka izabera muri Tanzania. Tuzunguka mu buryo bubiri. Icya mbere, tuzabona imyiteguro myiza y’irushanwa mpuzamahanga kuko tuzahagararira u Rwanda muri CAF Confederations Cup izatangira muri Mutarama 2017. Tuzabona umwanya wo kwipima n’amakipe akomeye arimo n’ayo dushobora gutombora. Icya kabiri, tuzanunguka mu buryo bw’amikoro kuko abateguye irushanwa bazatwitaho muri byose, kandi uzaryegukana azahembwa bishimishije. Ndumva rero twitwaye neza hari n’icyo twakurayo mu buryo bw’amafaranga."

Uyu muyobozi yakomeje avuga ko ubutumire babubonye bunyuze mu ishyirahamwe ry’umupira w’amaguru mu Rwanda, bityo imikino ya shampiyona bagombaga gukina hagati muri ayo matariki (Mukura atariki 16 na Musanze tariki 24 Ukuboza), imikino igomba gusubikwa, ikazakinwa Rayon sports yagarutse.

Star Times Cup yabereye mu Rwanda mu Ukuboza 2015, yegukanwa na AS Kigali itsinze Mukura VS ku mukino wa nyuma.

Kanda hano udukurikire kuri Facebook na Twitter

Ibitekerezo

sinzababanza - 6/12/2016 saa 07:48

Reyosports Abakinyi Nitivumbura Igikombe Cy'ashapiyona Nayikipe Izakiyitwara!Murakoze umufanawanyu
Kanda hano umusubize

Ndayisenga - 9/12/2016 saa 05:28

Rayon Sport Izatwara Championa
Kanda hano umusubize

meshake - 2/12/2016 saa 06:43

tuzabikora mwamiwurwanda tukurinyuma reyoooooo, amahingwa masa ikabuga turakwemera
Kanda hano umusubize

Daniel muhawenimans - 29/11/2016 saa 21:08

nizeyeko,tuzitwaraneza
Kanda hano umusubize

iradukunda chance - 1/12/2016 saa 10:55

gusuhuza aba RAYON bose.
Kanda hano umusubize

Haneste - 3/12/2016 saa 13:30

Muraho bantu duhuje umwuga turikumweeeee
Kanda hano umusubize

Bahat - 29/11/2016 saa 15:41

Igikombe,nicha Tp Mazembe Naho Izindininyatsipe
Kanda hano umusubize

ema - 29/11/2016 saa 14:17

Aya mafoto nkubu nayaryari kweri?
Kanda hano umusubize

Daniel muhawenimans - 29/11/2016 saa 21:05

nareke,kudusebereza,songambere yacu,kuko turayemera!
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X