Monaco cosmetics
Ahabanza  >>  Amakuru Yose >> Iyobokamana >> 

Ibintu bi 5 abakristo binubira ku bashumba babo

Iyo uganiriye na bamwe mu bakristo basengera mu matorero atandukanye hano mu Rwanda, usanga bashimira abashumba babo kuri byinshi baba gezaho by’umwihariko kubagezaho ubutumwa bw’ijambo ry’Imana. Ariko nubwo bishimira uburyo abo bashumba babafasha mu by’umwuka ndetse hakaba nabamwe bemerako babasengera bagakira zimwe mundwara baba barwaye, hari n’abandi bavugako hari bamwe mu bashumba babangamira abakristo babo muri gahunda zimwe ziba zibagenewe abakristo.

Imirasire.com igiye kubagezaho ibintu bi 5 bamwe mu bakristo binubira abashumba babo mu kutubahiriza ibyufuzo byabo.

Twa bashije kuvugana na bamwe mu bakristo b’amatorero atandukanye baduhamiriza ko hari bimwe mu byo abashumba babo bababangamiraho.

1: Kutubahiriza amasaha y’amateraniro

Iki kibazo cy’uko hari bamwe mu bashumba batubahiriza amasaha yagenwe y’amateraniro ni ukuvuga igihe cyo gutangira kw’amateraniro ndetse n’igihe cyo ku guhumuza, biri mu byo abakristo binubira aho bavuga ko basabwa gutangira amateraniro saa 09h za mugitondo bagomba guhumuza amateraniro saa 12h z’amanywa.

Kuri iyi ngingo usanga bamwe mu bakristo bahagera mu masaa 08h bazindutse ariko bakababazwa n’uko usanga umushumba wabwirije “w’igishije” abatinza mu materaniro ugasanga hari aho bifata mu masaa 13h 45 hakaba na bamwe bageza mu masaa 14h bityo abakristo bakibaza uburyo baba bubahirije isaha yo gutangira ariko umushumba akananirwa kubahiriza igihe cyo guhumuza amateraniro, bityo bigafatwa nko kutubahiriza gahunda kwa bamwe mu bashumba.

2: Ubwoko bw’amaturo basabwa gutanga amwe batamenya n’icyo akoreshwa.

Bamwe mu bakristo bavuganye n’umunyamakuru w’imirasire bemeza ubwinshi bw’amaturo basabwa gutanga buri cyumweru baje mu materaniro biri muri bimwe abakristo binubira ku bashumba babo, aha bavugako bimaze gukabya ku mafaranga atangwa nk’amaturo kuko usanga hari n’atangwa batazi icyo akora; urugero bavuga ko ubusanzwe baziko hari amaturo y’ubwoko 2 aho bavuzeko bemera amaturo asanzwe ndetse ba kemera n’ituro ry’akimwe mu icumi rizwi nk,icya cumi.

Ariko abakristo bemezako hari aho usanga bazanye uduseke two guturiramo tugera kuri 5. Agaseke kambere ba kavugako ari akamaturo asanzwe, agaseke ka kabiri bakavuga ko ari akamaturo y’ishimwe, agaseke kagatatu kakaba ari amaturo y’icyacumi, agaseke ka kane n’amaturo yo gufasha abakene, agaseke kagatanu bakavuga ko ari ituro ry’abashyitsi.

Aha ni ho abakristo bahera bavuga ko ari ubucuruzi bwadutse mu matorero ari nayo ntandaro ahanini usanga bamwe mu bakristo bagirana n’abashumba babo bigatuma bamwe bafata icyemezo cyo gusohoka mu itorero bakajya ahandi cyangwa bagashinga iryabo torero.

3:Amazina y’ibyubahiro abashumba b’amatorero biyita.

Ku kibazo cy’ayo mazina bamwe mu bashumba biyita twavuga nk’abitwa ba Bishop, Apostle, Umuhanuzi n’ayandi, abakristo bamwe twaganiriye batubwiye ko mu byukuri binubira uburyo abashumba babo biyita amazina y’ibyubahiro ku nyungu zabo bwite, umwe yagize ati: "Mu byukuri ujya kumva mugitondo ukumva ngo Pasteur runaka yabaye Bishop cyangwa yabaye Apostle n’andi mazina, ibi bakabikora mu rwego rwo ku gundira ubuyobozi mw’itorero dore ko iyo wamaze kuba Bishop cyangwa Apostle uba umushumba by’iteka ryose (Burundu) ntawe ushobora kugusimbura kuri uwo mwanya mu itorero"

4:Uburyo bamwe mu bayobozi b’itorero bajyaho(uburyo ba torwa)

Bamwe mu bakristo bavuga ko batajya bishimira uburyo comite nyobozi y’itorero ujyaho dore ko nta bisabwa bihambaye umuntu aba yujuje ngo atorwe, igisabwa ni ukuba uri inyangamugayo kandi wubahiriza gahunda z’itorero ariko ibyo byose ntabwo birebwa kuko bavuga ko iyo udafite amafaranga menshi yo gutanga mu gihe habayeho gahunda yo kwitanga.

Ngo n’iyo waba uzi bibiliya mu mutwe nk’uko umuntu afata isengesho ibyo ntacyo byakumarira, kuko ntabwo waba umudiyakoni cyangwa undi mwanya mu itorero kuko bareba umuntu witanga amafaranga menshi, mu gihe hari igikorwa cy’itorero giteganyijwe cyangwa niba utanga ka kayabo twavuze haruguru kajyanye n’ubwoko bw’amaturo atangwa, bityo ibi abakristo bakabifata nko kuzitira impano umuntu aba afie muri we.

5 Ingendo za hato nahato zikorwa n’abashumba bajya hanze y’igiuhugu.

Ikindi abakristo binubira gikorwa n’abashumba babo ni uko bamwe bahora mu ngendo zo hanze y’igihugu bavuga ko bagiye kuvuga ubutumwa, aha abakritso bakibaza niba abanyarwanda baramaze kwakira ubutumwa kuburyo baba basagurira n’amahanga.

Abakristo bavuga ko abashumba bahora mungendo hanze y’igihugu kandi baba bakoresha umutungo w’itorero ugasanga umushumba amaze n’amazi 3 cyangwa anarenga ngo yagiye mu butumwa hanze, yaba akigera mu gihugu ukumva ku cyumweru baratubwira ngo ni mwitange umushumba w’itorero agiye kujya kuvuga ubutumwa mu mahanga.

Ibi abakristo bakabifata nko kutamenya aho ayomafaranga abakristo batanga aba yaturutse, dore ko hari aho usanga mu kwezi kumwe umukristo ashobora gutanga amafaranga atarimunsi y’ibihumbi 20 kandi rimwe narimwe usanga ari nta mikoro baba bafite. Ibi nabyo bikaba biri mu byo abakristo binubira ku bashumba babo.

Ngibi ibintu bi 5 abakristo binubira abashumba babo bifuza ko bagiye bajya inama mbere y’uko babagezaho imyanzuro iba rimwe narimwe baba batazi aho yateguriwe.

Ese Wowe ubibona ute?

John Bagabo

Kanda hano udukurikire kuri Facebook na Twitter

Ibitekerezo

kalinda - 7/12/2016 saa 14:30

Abantu bishakira business bagacuruza phsychologies cg amarangamutima yabantu abantu barangiza bakikuraho utwabo bakaduha abigize abakozi b'Imana. Kuki badafata urugero kuri Christ. Ko ubona muri bose ntawicisha bugufi ko baba bizamuye bigize ibitangaza ngo abantu babafate nk'Imana. Sinzi ikinyamakuru cyabise ibiryabarezi nabakristo bemera gushukwa nabo bakitwa abarezi. Mwabantu mwe muve kubantu bakorera inda zabo biyita abakozi b'Imana. Tumenye ubwenge twigire kuri Yesu tureke gukurikira abantu bakurikira inyungu zabo ngo batumareho utwacu.
Kanda hano umusubize

HATUNGIMANA Christiane. - 30/11/2016 saa 16:39

Ahubwo rero buriya ntimusarare kurivyo.Barabizi niba bakora barondera inyungu zabo.Bareke Imana izabibabaza bidatevye.Kimwe gusa ntimubacire imanza.Kuko ngo ntagutosora igitotsi kiri mu jisho ry'uwundi nawe oryawe harimo ikigiga.Murakoze.
Kanda hano umusubize

jean paul - 29/11/2016 saa 17:11

Muri Anglican i Remera Umushumba yubahiriza igihe,kandi biradushimisha.keep it up Rev Can Antoine Rutayisire.
Kanda hano umusubize

- 3/12/2016 saa 18:07

ibyo ni ukuri.
Kanda hano umusubize

jean paul - 29/11/2016 saa 17:11

Muri Anglican i Remera Umushumba yubahiriza igihe,kandi biradushimisha.keep it up Rev Can Antoine Rutayisire.
Kanda hano umusubize

Twagirayezu Theogene - 1/12/2016 saa 13:50

ikibazo,n'inzu ya gisozi-ADEPR igiye gutuma tutazaronka ijuru pee!ibihumbi 20000bagiye baca buri muntu nimenshi cyane!!!!
Kanda hano umusubize

- 3/12/2016 saa 18:10

mubura ijuru kubera iki ? hari uwabashyizemo umugozi ? ldini n'ijuru bihuriye he ?
Kanda hano umusubize

jean paul - 29/11/2016 saa 17:11

Muri Anglican i Remera Umushumba yubahiriza igihe,kandi biradushimisha.keep it up Rev Can Antoine Rutayisire.
Kanda hano umusubize

Mayobera - 28/11/2016 saa 18:57

Mwibagiwe kuvugako basambanya abayoboke babo.Haruwabasambanyaga avugako arikuvana satani mugitsinacyabo.
Kanda hano umusubize

kubwimana - 28/11/2016 saa 17:56

Muri Bethel ntitubipa Imana soma ibyakozwe n, Intumwa 20:7-10
Kanda hano umusubize

jean paul - 29/11/2016 saa 17:08

Muri Anglican i Remera Umushumba wacu ndamushimira yubahiriza igihe.keep it up Rev.can Antoine Rutayisire
Kanda hano umusubize

janvier - 21/11/2016 saa 19:30

urakoze rwose natwe abasengera bethel remera dukunda urusengero rwacu ariko umushumba twamusaba ko yazagya a gerageza ukubahiriza igihe kuko turarambirwa ibyo avuze bigashyikaho tutagifashwa azagye a gerageza agire finishing murakoze
Kanda hano umusubize

you - 28/11/2016 saa 17:50

Mbega mbega no munzu y, Imana habamo ababiper koko usoma ibyakozwe nintumwa 20:7-10 muri Bethel ntitubipa Imana wowe ntago uruwa Bethel warihitiraga
Kanda hano umusubize

ERIAS - 2/12/2016 saa 01:24

AHAAJYEWENDUMIWE GUSA IMANA NIDUTABARE
Kanda hano umusubize

Ben - 21/11/2016 saa 14:16

ko mutavuze kugoreka ijambo ry'Imana ku bushake cg kurobanura ku butoni mu mategeko ya biblia kubera inyungu runaka bagendereye. Ex: kwitanga bakaguha Microphone ngo uvuze impanda bose bamenye ko watanze byinshi
Kanda hano umusubize

iganze - 21/11/2016 saa 14:06

Icyo mbonyemo ni uko bidakwiye ko ituro ryo gufasha abakene ari ryo rigenerwa agaseke gato cyane kuriya, kuko umurimo w'itorero wa mbere ni ukwakira Kristu buri munsi cyangwa buri mwanya, no gufasha abayoboke kumwakira ku buryo buhoraho, nta kumwimura. Kristu rero tumwakira muri bagenzi bacu baciye bugufi mu buryo bunyuranye: Abakene, abarwayi, imbohe, abacoceye ni ukuvuga abambaye ubusa,imfubyi, abapfakazi...............
Kanda hano umusubize

jotani - 28/11/2016 saa 12:34

None se abakenebafasha nabo murusengero cg nabo hanze.
Kanda hano umusubize

KIGOYI Emmanuel - 20/11/2016 saa 18:39

Urakoze John Bagabo.Tugomba kureba ibintu nkuko Bible ibibona.Niyo mpamvu tugomba kwiga Bible neza,kugirango Pastors batatubeshya.Kubera ko abantu batazi Bible,niyo mpamvu Pastors n'abapadiri bababwira ibintu byose bakabyemera.Reka ngende ngusubiza ku ngingo wagiye uvuga.Icya mbere,Pastor cyangw Padiri,twese tuzi uko bajyaho.Bamwe bajyaho kubera ko bize amashuri runaka,abandi bakishyiraho.Ntabwo ari imana ibashyiraho.Ariya ma Titles biha,ushatse wese arayiha.Umugabo aba Apotre,umugore we akaba Pastor cyangwa Bishop.Reba ingero za Apotres Gitwaza,Masasu,Francois Nkurunziza,etc...Abagore babo ni ba Pastors cyangwa Bishop.Ibi byose nibo babyigira kugirango bakire vuba.Bible ibuza abagore kuyobora amadini.Byisomere muli 1 Abakorinto 11:3,Abefeso 5:22 na 1 Abakorinto 14:35.Naho kubyerekeye AMATURO (icyacumi),Pastors bagoreka Bible kugirango babona uko barya amafranga y'abantu.Ntabwo bereka abayoboke babo ko Icyacumi cyari kigenewe gusa ABALEWI kubera impamvu yumvikana dusoma muli Kubara 18:21-24.Ntabwo babigisha ko YESU yatubujije kwigisha dusaba umushahara n'icyacumi (Matayo 10:8).Intumwa za YESU zose,zabwirizaga ku buntu.Ahubwo zigakora zikitunga (Ibyakozwe 20:33).Bible ivuga ko abiyita abakozi b'imana,ahubwo ari abakozi b'inda zabo (Romans 16:18).YESU n'abigishwa be,birirwaga mu mihanda babwiriza.Nta na rimwe mwabona Padiri cyangwa Pastor bari mu mihanda babwiriza.Baba bibereye muli Shuguri nk'abandi bose.Uwabima icyacumi,nta numwe wakongera kubona.Ubabona isaha imwe ku cyumweru cyangwa kuwa 6,baje gutwara icyacumi.Ntabwo ari abakozi b'imana kuko batigana YESU n'abigishwa be.Umukristu nyakuri bivuga umuntu ukora ibyo YESU yadusabye.Ababirengaho nkana,baba ari abakozi ba Satani kuko baba bishakira inyungu zabo (anafranga),babanje kugoreka Bible (Bible twisting).
Kanda hano umusubize

Alicia k - 23/11/2016 saa 06:50

Ahubwo se wowe ubu usobanukiwe n'ibyo uvuga?ikindi gutunga urutoki padiri cg pastor siko gusobanukirwa kuko nta burenganzira bwo kubashinja ufite. Ubatunga rumwe enye zigasigara zitunze kuri wowe. Bwira abantu ibibafasha wikwibasira abakozi b'Imana kuko si wowe wabahamagaye
Kanda hano umusubize

Uwimana Modeste - 20/11/2016 saa 17:08

Mbona abinuba, bajya bakora icyabajyanye kdi mugutura ntibarebere kumaso yabandi, bagakora icyo bamanya numutima nyuma ibyabashumba, Mu Ijuru Hari Imana Izaca imanza kdi zitabogamye. Nyuma yibyo uzanagera aho abantu batagihimbaza Imana ahubwo, banezezwa numushumba, abandi bizera Imana cyangwa bagira icyifuzo cyo gisengera biganye abashumba babo. Urugero: Nkumushumba akikora azindutse ati tugomba gusenga tukiyiriza iminsi 10 urugero, ako kanya nabadafite gahunda muribo bati yego, bakaza biganye aribyo bituma ntabisubizo biza kuko Bose badahuje umutima. Murakoze!
Kanda hano umusubize

kazarama - 20/11/2016 saa 15:07

Ibibintu birababaje cyane kandi aba babikora bazabibazwa n ' Imana ihoraho kuko siyo ubwayo iba yabatumye izo ndonke zose gusa abasengera mukuri no mumwuka batishushanya bagiye guhembwa!
Kanda hano umusubize

JOSIAS.GIKERI - 20/11/2016 saa 11:30

ntimubeshere abizera,bimwe mubyo musakaza muba mubesha peee!
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X