Monaco cosmetics
Ahabanza  >>  Amakuru Yose >> Iyobokamana >> 

Kuki abantu bapfa?

Yaba uwemera Imana ndetse yaba n’utayemera, bose hari ikibazo bahurizaho bakibaza impamvu hari igihe kigera umuntu agashiramo umwuka akajyanwa ahacecekerwa, aho atazongera kugira icyo akora.

Ibi byibazwa cyane cyane iyo umuntu wakundaga ashizemo umwuka: inshuti, umuvandimwe, umuturanyi aho biba bigaragaye ko ubuzima bwe ku isi bushyizwe akadomo.

Abantu bapfa kubera icyo twakwita igicumuro cy’inkomoko cyo kutumvira kwa Adamu na Eva mu ngobyi ya Edeni. Imana yabūriye umuryango wa mbere ko nibica itegeko bagakora icyo yari yarababujije ibihembo byabo azaba ari urupfu nkuko tubisoma ngo “ariko igiti cy’ubwenge bumenyesha icyiza n’ikibi ntukakiryeho, kuko umunsi wakiriyeho no gupfa uzapfa.” (Itangiriro 2:17)

Iyo ukomeje ukareba, usanga mu byukuri uku ari na ko byagenze, kuko dusoma ngo “kuko ibihembo by’ibyaha ari urupfu…” (Abaroma 6: 23)

Adamu na Eva bari bararemewe kubana n’Imana by’iteka, ntabwo bari bazi icyo urupfu ari cyo n’icyo rusobanura. Satani yoheje Eva agwa mu cyaha asoroma kuri cya giti Uwiteka yari yarababujije maze aha n’umugabo ku rubuto yasoromye, nawe aba amugushije mu cyaha. Icyo cyaha ni cyo cyazaniye isi urupfu na bugingo n’ubu.

Kuva icyo gihe buri muntu wese wabyawe n’umugore afatanije n’umugabo bazana urubyaro ruvukana kamere yo gukora ibyaha, iyi kamere y’icyaha ituganisha ku rupfu.
Ibyaha byazanywe mu isi n’umuntu umwe, urupfu na rwo rukazanwa n’ibyaha nuko urupfu rugera ku bantu bose nkuko tubisoma muri ngo “kuko bose bakoze ibyaha ntibashyikira ubwiza bw’Imana” - Abaroma 5: 12

Iyo dusomye mu itangiriro 3, hagaragaza umuvumo waziye isi. Uyu muvumo wari ukubiyemo aya magambo kuri Adamu agira ati: “gututubikana kwo mu maso hawe ni kwo kuzaguhesha umutsima, urinde ugeze ubwo uzasubira mu butaka kuko ari mo wakuwe: uri umukungugu mu mukungugu ni mo uzasubira.” (Itangiriro 3:19). Mu bigaragara ni urupfu rw’umubiri yari imubwiye.

Gupfa ntabwo byaje muri ako kanya kuri Adamu na Eva, ariko kubera icyaha cyabo inyamaswa yo muri iyo ngobyi nayo irapfa (kugira ngo haboneke uruhu bambara bakingira isoni z’ubwambure bwabo), icyo gihe gupfa byahise bigera no ku rubyaro rwabo bihereye kuri Aberi wishwe na mukuru we Kahini. (Itangiriro 3: 21)

Urundi rupfu icyaha cya Adamu na Eva cyazanye, ni urupfu rwo mu Mwuka. Umwuka wabo watandukanye n’Umwuka w’Imana, ubusabane bwabo burangirika. Uru rupfu rwo mu mwuka rwabaye nyuma yo kurya urubuto Imana yari yababujije bagira ubwoba ndetse bagira n’isoni kubera ibyo bari bakoze.

Dusoma ngo “Arayisubiza ati ‘numvise imirindi yawe muri iyi ngobyi, ntinyishwa n’uko nambaye ubusa, ndihisha.’” (Itangiriro 3: 10). Ibi byatumye urupfu rwo mu mwuka n’urupfu rusanzwe bigera no ku babakurikiye bose kugeza n’uyu munsi.

Kuva ku gihe cya Adamu na Eva, ikiremwamuntu cyaciriweho iteka kidafite umurengezi

Mu gitabo cy’Abaroma dusoma ngo, “Imana kubera urukundo n’ubuntu butangaje igira, yohereje umwana wayo Yesu Kristo Yesu kugira ngo akureho itegeko ry’icyaha n’urupfu twari twarazaniwe n’abatubanjirije, kugira ngo noneho atange itegeko ry’Umwuka utanga ubugingo. (Abaroma 8: 2)

Mu byukuri rero gupfa ntibyari byararemewe ibiremwa byose by’Imana, ahubwo kutumvira kw’ikiremwa-muntu kubwo kwica itegeko yari yarahawe n’Imana agakora icyaha, iki cyaha ni cyo cyamukururiye gupfa bituma uru rupfu rukurikirana n’abazamukomokaho bose ndetse n’ibindi biremwa birimo n’inyamaswa na byo bibigenderamo kubera icyaha cya muntu.

kuba Satani yarabarishije umuntu nabi agatuma akora icyaha, ntibyabujije Imana muri kamere yayo yuje urukundo gukomeza gushakisha icyari cyo cyose cyakorwa kugira ngo ubu busabane bwangiritse hagati yayo n’umuntu bwongere busanwe hanyuma bugaruke. Ibi byakozwe mu buryo bwa burundu Imana ibinyujije mu mwana wayo ikunda Yesu Kristo.

“Ariko noneho Kristo Yesu yarazutse, ni we muganura w’abasinziriye, kuko ubwo urupfu rwazanywe n’umuntu kubwo kwica itegeko agakora icyaha, ni nako no kuzuka kw’abapfuye kwazanywe n’umuntu nkuko bazaniwe gupfa na Adamu, ni ko bose bazahindurwa bazima na Kristo Yesu… Umwanzi uzaheruka gukurwaho ni urupfu.” (1 Abakorinto 15:20-26)

Nubwo uru rupfu rutubabaza kenshi rukadutwara abacu dukunda ariko abizera Imana twizera yuko hari umunsi rutazongera kutugiraho ububasha, ni umunsi imbaraga zarwo zizashyirwaho iherezo umuntu yongere kubaho mu mudendezo w’iteka yari yararemewe nkuko byahoze. Amen

Ijambo ry’Imana muritegurirwa na Rejoice Africa Ministries

Hari icyo wifuza kutubwira kuri iri jambo ry’Imana usomye twandikire kuri Email: rejoiceafricam@gmail.com

Kanda hano udukurikire kuri Facebook na Twitter

Ibitekerezo

jeany - 6/11/2016 saa 16:29

amen,nizeye ko tuzongera kubonana nabacu twabuze
Kanda hano umusubize

GAEL - 2/11/2016 saa 10:59

UH!!!! NONESE KO MBONA UMWE ASOBANURA KO ADAMU ATARIWE WAZANYE URUPFU AKORESHEJE UMURONGO WA BIBILIYA, NUNDI NAWE AGASOBANURA KO ARI ADAMU WAZANYE URUPFU AKORESHEJE UMURONGO WO MURI BIBILIYA!!! IBYO NIBIKI???? ARIKO MBABAZE IMANA NIZINGAHE?, NONESE KO MUVUGA KO IBYO BIBLE IVUGA BYAHUMETSWE NIMANA, ESE NTAGO ABA ISLAM BASENGA IMANA KUKO BO BAKORESHA KOROAN( NTAGO IMANA YAHUMEKA IBITABO BIBIRI BITANDUKANYE MWIJAMBO RYAYO) KOROAN YABA ARIJAMBO RYANDE? IKINDI NIBAZA, ESE KO ISI IBAYEHO HASHIZE IMYAKA ZA MILION NA ZA MILLION UMUNTU WAPFUYE BWAMBERE AKABA ATARAZUKA NGO TUMUBONE TWEBWE BUYUMUNSI TUKABA TWIZEYE KUZA ZUKA UMUNSI TWAPFUYE, UZAVUKA MU MWAKA WA 10000 NAWE AKABA AZATEGEREZA KUZAZUKA MWUMVA IBYO BIZABA RYARI? UKO NIZERA JYEWE NEMERA KO HABAHO IMBARAGA ZISUMBA IZINDI ZOSE HANO KWISI NDETSE NO MWISANZURE REKA TUZITE (IMANA)100%, ARIKO SINEMERA KUZUKA KWA MUNTU,SINEMERA KO BIBLE ARIJAMBO RYIMANA IMPAMVU NAYIVUZE HEJURU NDAYISUBIRAMO HASI, TWEBWE ABANTU TURIKUNDA NDETSE CYANE NIYO MPAMVU TWUMVA KO TUTAGOMBA KUZIMIRA BURUNDU(GUPFA BYITEKA) KUBERA KO NTAMUNTU UDAPFA KANDI TWIKUNDA CYANE NIYO MPAMVU MUVUGA KO MUZAZUKA!!!! BIBILIYA NIKUSANYIRIZO RYIBITABO BYINSHI BYANDITSWE NABANYABWENGE BAKERA(PHILOSOPHERS) NDABIZI WOWE USOMA IBI NTUZA KWEMERA KO ABANTU BARI MURI BIBLE BOSE ARI ABA PHILOSOPHY, BITEWE NUKO BATEKEREZAGA UKUNTU IBINTU BYABA BYARABAYEHO CG BYAGIYE BIHINDUKA. NONESE NIBA MUVUGAKO NTARUPFU RWAGOMBAGA KUBAHO IYO HATABAHO ICYAHA? ESE KUVUKA BYO BYARIKUBAHO CG NTAKUBYARA BYARI KUBAHO( BIBLE IVUGAKO TUGOMBA KUBYARA TUKOROROKA) NONESE TWARI GUKWIRWAHE IYO HATABAHO GUPFA? NONESE KUKI TWUMVAKO ARITWE TUGOMBA KUBAHO BYITEKA TWENYINE NTABANDI BAGOMBA KUVUKA NGO NABO BABEHO? IBIVUGWA MURI BIBLE NINKUKO NATWE DUFITE IBIVUGWA NUKO BITANDITSWE URUGERO NKO KUVUGA NGO IJAMBO RUNAKA RYATURUTSE KUMUNTU RUNAKA WO MUKINYEJANA RUNAKA NGO BYAGENZE UKU NAKURIYA KA NONGERE MBAZE MURI BIBILIYA HAGARUKAMO IJAMBO NGO MANA YA ISLAEL, MANA YA ISSAC NA YAKOBO, MANA YA ABRAHAM IBYO BINTU BYAVUGWA NIMANA KWELI? TWIBUKE KO NABANYARWANDA BARI BAFITE IMANA(RYANGOMBE) AHA NAWE WUMVE IZO MANA ZITANDUKANYE ZABANTU BATANDUKANYE KANDI ZIVUGWA MURI BIBILIYA IKINDI KIBAZO KUKI HARI ABANTU BUMVAKO BAGOMBA KWIGISHA IMANA ABANDI NKAHO ARIBO YAREMEWE BONYINE ABANDI BATAYIZI NDETSE ITABAREMEWE NDETSE BAKABYISHYURIZWA? NONESE NIBA TWARAREMWE NIMANA TWESE,KUKI HARI ABATAYIZI NABAZI KO BAYIZI KURUSHA ABANDI( ESE UMUNTU YAHABWA UBUGINGO NTAMENYE UWABUMUHAYE? ESE KUKI HARIHO AMADINI ATANDUKANYE KANDI MENSHI CYANE?( BURI IMWE IFITE IGITABO CYAYO KANDI IVUGAKOARIKIMANA) UWAMFASHA GUSOBANUKIRWA NO KUMENYA IMANA KURUSHA UKO NYIZI YABA AKOZE MURAKOZE
Kanda hano umusubize

fred - 6/11/2016 saa 10:59

reka ngusubizemuvandi mwe ibyouvuze byose n`ukuri nkukonange byumva ariko nangembaze imperuka izabaho nk`uko wamupadiri agira ati`iri n`iyoberaritagatifu.
Kanda hano umusubize

Kubana - 31/10/2016 saa 16:04

Impamvu abantu bapfa ni uko nta Jambo Imana ivuga ngo rihere, Imana yabwiye adamu ko igiti kiri hagati mu ngobyi ya Eden atagomba kukirya kandi ko umunsi yakiriye no gupfa azapfa, ubwo rero nyuma y'icyaha gupfa ni inkurikizi.
Kanda hano umusubize

SABASAJYA COSMA - 28/10/2016 saa 19:22

Iyo muvuga ngo KANAKA yitabye imana cyangwa ngo yavuye mu mubiri,mugwa mu mutego w'aba Philosophers bo muli GREECE batemeraga imana yacu Yehova.Basengaga ibigirwamana byabo.Nibo bahimbye ko mu mubiri wacu harimo ikintu bise ROHO idapfa (immortal Soul).Ntabwo Bible yigisha ko iyo dupfuye hari ikintu gisigara gikora.Ahubwo yigisha ko upfuye atongera kumva cyangwa ngo abe conscious. Soma Umubwiriza/Ecclesiastes 9:10.Dore ingero nyinshi dusoma muli Bible z'abantu bapfuye.ADAMU amaze gukora icyaha,imana yamubwiye ko "azasubira mu gitaka,aho yaturutse" (Genesis 3:19).Ntabwo yamubwiye ngo azava mu mubiri cyangwa ngo azayitaba nkuko amadini abyigisha.Igihe LAZARO yapfaga,YESU yavuze ko "LAZARO YAPFUYE".Ntabwo yavuze ko yitabye imana.Ba Yakobo,ba Daniel,etc...mbere yo gupfa,bavugaga ko bazasanga benewabo "mu gitaka".Ntabwo bavugaga ngo bazabasanga mu ijuru.YESU yavuze ko nta muntu wigeze ajya mu ijuru,aho imana iba (Yohana 3:13).Rwose ntimukigishe ibinyoma.Upfuye yakoreraga imana,atiberaga mu byisi gusa,azazuka ku Munsi wa nyuma (Yohana 6:40).Tujye twigisha ibyo Bible ivuga,aho guhimba tubeshyera imana.Bibabaza imana yacu cyane.
Kanda hano umusubize

kwizera - 28/10/2016 saa 13:51

KOSORA HONO NTAGO INYAMASWA YAPFUYE NGO BAKENYERE URUHU RWAYO.BIBILIYA IVUGA YUKO BAMAZE KURYA URUBUTO AMASO YABO ARAHUMUKA BABONA BAMBAYE UBUSA. NUKO BATERATERANYA IBIBABI BYIMITINI BARABYAMBARA. itangiriro 3 : 7
Kanda hano umusubize

NDIKUBWIMANA Anaclet - 28/10/2016 saa 11:31

Amen, Nanjye nemera ko Umuntu wese wavuye mu mubiri hari ikindi gihe tuzongera kubonana kandi harahirwa uwapfuye afite IBYIRINGIRO, UKWIZERA N'URUKUNDO. Muri Kiliziya Gatolika; Muri Rozari tugira tuti "Dusabe ingabire yo gupfaneza" Ninayo mpamvu nifuriza uwariwewese Kureka icyatuma agira aho ahurira n'icyaha cyose kitazamutera kurimbuka burundu. DUFATANE URUNANA TWESE TUVUGE TUTI:" NYAGASANI UTWITEHO KANDI UTURWANIRIRE KUKO TWE NTI TWABYISHOBOZA KUBW'INTEGE NKE ZA MUNTU" AMEN.
Kanda hano umusubize

NDIKUBWIMANA Anaclet - 28/10/2016 saa 11:28

Amen, Nanjye nemera ko Umuntu wese wavuye mu mubiri hari ikindi gihe tuzongera kubonana kandi harahirwa uwapfuye afite IBYIRINGIRO, UKWIZERA N'URUKUNDO. Muri Kiliziya Gatolika; Muri Rozari tugira tuti "Dusabe ingabire yo gupfaneza" Ninayo mpamvu nifuriza uwariwewese Kureka icyatuma agira aho ahurira n'icyaha cyose kitazamutera kurimbuka burundu. DUFATANE URUNANA TWESE TUVUGE TUTI:" NYAGASANI UTWITEHO KANDI UTURWANIRIRE KUKO TWE NTI TWABYISHOBOZA KUBW'INTEGE NKE ZA MUNTU" AMEN.
Kanda hano umusubize

NDIKUBWIMANA Anaclet - 28/10/2016 saa 11:25

Amen, Nanjye nemera ko Umuntu wese wavuye mu mubiri hari ikindi gihe tuzongera kubonana kandi harahirwa uwapfuye afite IBYIRINGIRO, UKWIZERA N'URUKUNDO. Muri Kiliziya Gatolika; Muri Rozari tugira tuti "Dusabe ingabire yo gupfaneza" Ninayo mpamvu nifuriza uwariwewese Kureka icyatuma agira aho ahurira n'icyaha cyose kitazamutera kurimbuka burundu. DUFATANE URUNANA TWESE TUVUGE TUTI:" NYAGASANI UTWITEHO KANDI UTURWANIRIRE KUKO TWE NTI TWABYISHOBOZA KUBW'INTEGE NKE ZA MUNTU" AMEN.
Kanda hano umusubize

HABIMANA - 28/10/2016 saa 10:51

Ariko ntimukabeshye abantu. ntabwo Adam ariwe wazanye urupfu kuko siwe waruremye. nta n' ubwo umuntu apfa kubera ko yacumuye. upfa kubera ko igihe cyawe cyo kubaho cyarangiye. Aha kugira ngo byumvikane neza, nuko n' abakora neza, nabo bapfa. aribyo bajya babaho ubuziraherezo. Imana niyo nyirubuzima, niyo itanga urupfu. Gutegekwa kwa kabiri 32:39 "Nuko mumenye yuko jyewe, jye ubwanjye ari jye Mana, kandi yuko nta yindi mana ifatanya nanjye. Ni jye wica, ni jye utanga ubugingo. Nakomerekeje nijye ukiza, Ntawabasha gukiza uwo mfashe mu kuboko kwanjye." bityo rero,dupfa kubera ko Imana ariyo yabigennye.
Kanda hano umusubize

Mugambi Ignace - 29/10/2016 saa 06:17

Ibyo uvugisha uwo murongo ntibihuje n'ibyo Bibiliya yigisha kuko Imana itishimira ko abantu bapfa,soma muri Ezekiel18:32 wumve uko havuga, uriya murongo urashaka kuvuga ko Imana igororera abayikorera ubugingo,nabayigomekaho batihana ikabarimbura,soma muri 2Pet :9 wumve uriya murongo wo mu Guteg.32:39 ushaka kuvuga,tujye dusobanura Ibyanditwe twifashije ibindi Byanditwe ago gukoresha philosophia.
Kanda hano umusubize

Ephraim IYAKAREMYE - 28/10/2016 saa 05:28

Amen.najye nizerako tuzongera kubona abacu twabuze tubakundaooh maman mana icyo gihe ko gitinze?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X