Monaco cosmetics
Ahabanza  >>  Amakuru Yose >> Ubukungu >> 

Kuki ubushomeri mu rubyiruko buhora mu mbwirwaruhame z’abayobozi ariko ntibugabanuke?

Benshi mu bagize urubyiruko rurangiza amashuri mu Rwanda bavuga ko baheze mu bushomeri, nyamara ngo iri jambo (Ubushomeri) rihora mu bwirwaruhame za benshi mu bayobozi mu gihugu nyamara ntizikemure iki kibazo.

Ku wa gatatu ku itariki ya 3 Kamena abaminisitiri bane bahuriye mu nteko inshingamategeko gusobanura imvano y’idindira ry’imyanzuro ishobora gukemura ikibazo cy’ubushomeri mu rubyiruko gusa bavuyeyo banenzwe gutseta ibirenge mu guhangana n’ubushomeri.

Abaminisitiri bitabye inteko ishingamategeko ni Jean Philbert Nseingimana (w’urubyiruko n’ikoranabuhanga); Francois Kanimba (w’Ubucuruzi n’inganda), Judith Uwizeye (abakozi ba Leta n’Umurimo) na Dr Papias Musafiri Malimba (w’Uburezi).

JPEG - 130.2 kb
Jean Philbert Nseingimana (w’urubyiruko n’ikoranabuhanga); Francois Kanimba (w’Ubucuruzi n’inganda), Judith Uwizeye (abakozi ba Leta n’Umurimo)

Aba baminisitiri banenzwe kuba baratabye ingamba bari baratanze mu mbwirwaruhame zabo mu minsi yashize ariko zitigeze zigira icyo zigezaho urubyiruko. Abashingamategeko bavuze ko aba baminisitri bagakwiye kuba baramenyesheje inteko inzitizi zatumye batagera ku byo bari bariyemeje.

Minisitiri w’Uwurubyiruko n’ikoranabuhanga Jean Philbert Nsengimana yavuze ko urubyiruko rw’u Rwanda rwagize amahirwe yo kuba rwaravukiye mu gihugu kiza cyuzuyemo amahirwe yo kubona akazi no kukiha.

Gusa yavuze ko hagiye haba imbogamizi zagiye zituma habaho kutuzuza gahunda zari zarashyizweho kugira ngo hakemuke ikibazo cy’abasore n’inkumi baheze mu bushomeri.

Kuba Jean Philbert yaravuze ko u Rwanda rwuzuye amahirwe, byatumye Depite Jeanne d’Arc Nyinawase yibaza umubare w’ayo mahirwe ahari ndetse n’umubare w’urubyiruko rumaze kugera kuri ayo mahirwe.

Yagize ati “ ntitwigeze tubona imibare itwereka urubyiruko ruri mu bushomeri kandi rushoboye, ntitwigeze tubona ngo ni abantu bangahe bafashijwe na BDF, ndabona ibyo uvuze ntaho bitaniye n’ibyo wajyaga uvuga”

Minisitri Uwizeye we avuga ko ikibazo cy’Uburyo urubyiruko rugera ku mafaranga n’ubushobozi bwo gutangira imishinga yabo bikiri ikibazo gikomeye.Yavuze ko ibyo BDF ivuga ifashamo urubyiruko, bigoye ko ibisigaye rwabasha kubyikorera.

Depite Nyirabirwa yibajije impamvu abayobozi bakomeza kuvuga kuri iki kibazo ariko nyamara ntibigire icyo bikemura.

Francois Kanimba yavuze ko Ikigega BDF cyakomeje gukorana bya hafi n’urubyiruko rwazanaga imishinga, ndetse ngo imishinga 6000 yose hamwe ikaba yarahawe inguzanyo.

JPEG - 267.6 kb
Hari abajya gusaba akazi bagerayo bakahahurira barenga 400 kandi hakenewe umuntu umwe

Depite Mporanyi Theobal wo muri Komisiyo y’ingengo y’Imari n’umutungo wa Leta mu nteko ishingamategeko yanenze abaminisitiri bose avuga ko baje batiteguye neza.

Ikibazo cy’ubushomeri mu rubyiruko cyakomeje kuvugwa ahubwo aho kugabanuka kikarushaho kwiyongera, ndetse bamwe mu rubyiruko nkuko babyivugira bagaragaza imbogamizi zirimo umusoro bacibwa iyo batangira udushinga twabo ubaca intege.

Jean Pierre TUYISENGE

Kanda hano udukurikire kuri Facebook na Twitter

Ibitekerezo

cyane - 5/08/2016 saa 18:37

Amaherezo Abanyarwanda bazakanguka. Hari ubwo wagira ngo igihugu hafi ya cyose (nka 90%) gituwe n'abana gusa, haba mu mibare, mu mikorere no mu bitekerezo! Nonese ibi bintu ni bishya ko numva wagira ngo ni bwo bikimenyekana? Iyi ni imwe mu ngaruka za Zero Plan Principle rero, kandi abenshi birirwa bayikomera amashyi! Tulieni sasa muonje asali ya umaskini ndugu wapigadebe!
Kanda hano umusubize

Kabonero - 5/08/2016 saa 15:42

Minisitiri w'umurimo nategeke ibigo byigenga byubahirize amategeko y'abakozi. Abakozi bakora amasaha 80/week baba barya imyanya y'abandi, abakozi badahabwa ibiruhuko barya imyanya y'abashomeri. Naho izindi ngamba ni iza gvt yose, ntibireba gusa abo baminister 4. Abo bashinzwe gushyira mubikorwa programme ya President. Niwe ugombakugaragaza uko azarwanya ubushomeri.
Kanda hano umusubize

gigi - 5/08/2016 saa 10:31

wowe uvuze ngo abanyarwanda bakwiriye ugabanya kubyara ndi kumwe nawe kuko ibibazo byose biri mu Rwanda bishingiye ku muvuduko ukabije w'abaturage bavukira ku butaka buto no mu gihugu kidafite ubukungu buhagije.
Kanda hano umusubize

FELIX - 4/08/2016 saa 23:06

kuki muhora mu ijambo rimwe ngo ubushomeri ,mwashatse umuti ko mbona ejo hazaza h'urubyiruko rw'u Rwanda hateye inkeke!!ariko minisitiri w'uburezi yabafashije gutanga umuti ko abo bashomeri ariwe uri kubabatiza!
Kanda hano umusubize

Ngagi Bihehe - 4/08/2016 saa 22:43

ntawamenya amaherezo.
Kanda hano umusubize

Manzi - 4/08/2016 saa 20:28

Barabarenganya. Abaminisitiri bashyira mubikorwa gahunda ya President, kandi nyirubwite sindunva avuga ati muri iyi mandat nzahanga imirimo runaka...
Kanda hano umusubize

Buganwa - 4/08/2016 saa 19:13

Iri niryo terambere batubwira se?
Kanda hano umusubize

- 4/08/2016 saa 18:29

Ibi bintu bikwiye correction. Hakabayeho uburyo buzwi bworohereza byibuze urubyiruko rwabonye aho ruhera taxes ngo bazamuke. Ikindi hakwiye kujyaho uburyo bufasha urubyiruko rutangira kwikorera kugira offices byibura bakiriramo aba clients. Ikindi nukugira amasoko bahabwa byumwihariko badahuriramo na companies zimaze imyaka myinshi.bityo bakazamuka. Naho ubundi hanze aha nti twizerwa nkabahanga. Leta igire ingamba ifata. Barahari benshi bafite company muri bags kandi bafite ideas.
Kanda hano umusubize

- 4/08/2016 saa 18:29

Ibi bintu bikwiye correction. Hakabayeho uburyo buzwi bworohereza byibuze urubyiruko rwabonye aho ruhera taxes ngo bazamuke. Ikindi hakwiye kujyaho uburyo bufasha urubyiruko rutangira kwikorera kugira offices byibura bakiriramo aba clients. Ikindi nukugira amasoko bahabwa byumwihariko badahuriramo na companies zimaze imyaka myinshi.bityo bakazamuka. Naho ubundi hanze aha nti twizerwa nkabahanga. Leta igire ingamba ifata. Barahari benshi bafite company muri bags kandi bafite ideas.
Kanda hano umusubize

Kk - 4/08/2016 saa 17:20

MIFOTRA IKWIRIYE GUSHYIRAHO AMANANIZA KU BIGO BYIGENGA BIRIMO KWIRUKANA ABAKOZI MURI IYI MINSI KUKO NABYO BYONGERA ABASHOMERI (BAREBERE KU MATEGEKO ASHYIRWAHO NA MIFOTRA ZO MU BINDI BIHUGU)
Kanda hano umusubize

ayisha - 4/08/2016 saa 17:14

abo ba ministres bararengana,abanyarwanda bagomba kugabanya kubyara nta yindi solution
Kanda hano umusubize

cyane - 4/08/2016 saa 13:29

Hanyuma ngo byose ni IMANA?
Kanda hano umusubize

cyane - 4/08/2016 saa 13:27

Abaminisitiri baza batiteye se ubwo umuntu yabategerezaho ayahe makiriro bavandi?
Kanda hano umusubize

cyane - 4/08/2016 saa 13:24

Biterwa n'uko umushonji abakomera amashyi ngo yenda bagira icyo bamunagiramo. Umunsi bamenye ko umuntu ari we witeza imbere—atari Leta cg imana—bazava mu byo kuyakoma no kuyatega. Ibipindi ntibizahoraho!
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X