Monaco cosmetics
Ahabanza  >>  Amakuru Yose >> Ubukungu >> 

Rwanda: Ibicuruzwa biva i Burundi biragura umugabo bigasiba undi

Ibiciro by’imbuto ndetse na bimwe mu biribwa nk’indagara byavaga mu giguhu cy’u Burundi bikomeje kwiyongera ku masoko yo mu Rwanda ndetse hamwe na hamwe ntibikinaboneka.

JPEG - 30.9 kb
Indagara ziva i Burundi zahora zigurwa amafaranga y’Urwanda 6000 mu kwezi kwa munani ariko ubu zigurwa 9000

Mu minsi ishize Leta y’u Rwanda yari yatangaje ko ihangayikishijwe n’igihombo cy’ibyo yoherezaga mu Burundi, ariko ko ibyavaga mu Burundi izajya ibikura ahandi.

Abacuruzi mu masoko atandatukanye ndetse n’abaguzi bashoboye kuvugana n’itangazamakuru baravuga ko bahangayikishijwe no kubura kw’imbuto cyane cyane izaturukaga mu gihugu cy’I Burundi.

Imbuto nyinshi zavaga I Burundi zirimo indimu,imyembe,mandalene n’izindi ubu n’aho ziboneka ntizigurwa n’ubonetse uwariwe wese.Ibiciro byazo n’aho zibonetse bimaze kwikuba hafi kabiri mu masoko yo mu Rwanda.

JPEG - 42.1 kb
Zimwe mu mbuto zaturukaga i Burundi zirahenze cyane, hari n’izitakiboneka

Nk’ikilo kimwe cy’indimu ubu kiragura amafaranga y’u Rwanda 800 mbere cyaraguraga 500.

Si imbuto gusa ariko,mu rundi ruhande, abacuruzi b’ indagara mu isoko rya Kimironko babwiye BBC ko izo bari gucuruza arizo bari baranguye mbere y’icyemezo cya Reta y’u Burundi cyo guhagarika ubucuruzi n’u Rwanda.

Umwe mu bacuruzi avuga ko indagara zituruka I Burundi ubu zigura amafaranga y’u Rwanda ibihumbi 9 kandi ngo mu kwezi kwa munani ubusanzwe zagabanukaga cyane zikagera ku bihumbi 6 ku kilo kimwe.

“Ubu umuntu yavuga ko zihenze cyane kuko ubusanzwe mu kwezi kwa munani, indaga z’I Burundi ziba zatangiye kuboneka ari nyinshi bityo igiciro cyazo kikagabanuka. Ariko ubu ntibizashoboka kubera iki kibazo cyabaye I Burundi. Nibaza ko ibintu nibikomeza gutya bizarushaho kuba bibi cyane tukazibura burundu”

“Abaguzi benshi baza bishakira indagara z’I Burundi. Izi ndagara ni zo zituma n’izituruka ahandi zigurishwa. Iyo iz’I Burundi zidahari usanga kugurisha iz’ahandi bitugora cyane”

JPEG - 44.1 kb
Urujya n’uruza hagati y’u Rwanda n’Uburundi rwaragabanutse cyane kuva Uburundi bufatiyeicyemezo cyo kudashora ibintu mu Rwanda

Minisiteri y’ubucuruzi n’inganda y’u Rwanda yari iherutse gutangaza ko ubucuruzi u Rwanda rwakoreraga mu Burundi bwari bumaze gutera imbere cyane ariko bukaba ngo bwarashegeshwe n’icyemezo cya Reta y’u Burundi gusa u Rwanda rwari rwavuze ko ibyavaga I Burundi ruzajya rubikura ahandi.

Jean Pierre

Kanda hano udukurikire kuri Facebook na Twitter

Ibitekerezo

ayisha - 20/08/2016 saa 14:31

sinarinziko uburundi bukomeye uku buturusha byinshi rero
Kanda hano umusubize

jean - 19/08/2016 saa 06:35

Ese buriya ibihugu bitagemurirwa imbuto n'indagara n'uburundi abaturage baho ntibabaho? Ubwo se kutarya indagara z'i Burundi nabyo biri mu bya kwica abanyarwanda ra?
Kanda hano umusubize

Mulisa - 18/08/2016 saa 22:12

Uretse ko impinduka zigora kuri bamwe ariko uwabura indagara akarya isambaza, wabura umuhembe cg pome ugakomeresha ibindi biboneka iwacu birimo amatunda, ibinyomoro cg imineke ndumva ntakibazo ariko ikigora nimyumvire byose birashoboka
Kanda hano umusubize

OK - 18/08/2016 saa 14:34

Eeeeh voila le secret de la politique.Eee abaturage nimwakire impano abayobozi banyu babarungikiye.natwe twamenyeye guko mwaroheje Tanzanie ngo iduhane none bizodukoraho twese
Kanda hano umusubize

Mugenzi Dannis - 18/08/2016 saa 13:57

gufunga imyaka yabo nta gitangaza kilimo kuko nabo ubwabo barafunze kuva.batangira kwica inzirakarengane wumvise hali aho bajya naho ibyo kuvuga ngo turabakeneye ntacyo tubakeneyeho niba batabishaka nta kibazo na goto byadutera kuko niba baduha ku myaka yabo natwe tubaha amafaranga yacu,kdi ibyo bahinga. natwe turabihinga ndetse twabigura n'ahandi Tz,Ug,Cong n'ahandi,ariko MBA nasomye coment's z'abantu bamwe nkabaseka kdi nkabagaya muba muvuga nabi igihugu cyanyu mugisebya niba mutanakibamo mufitemo imiryango byanze bikunze ibyago bibaye cyangwa habayemo iterambere ribagerahp,uretse nta nicyo abameze gutyo bakwigeza tubarusha imbaraga ubwenge n'umutungo,ok.
Kanda hano umusubize

joél nzubahimana - 13/09/2016 saa 18:47

sumabuke! kuk ntakar murugo kabur icokamara kwisi nihe wumvise bikwije? ahobikwije nimwijur gusa hakwishima woshimwa nabandi.
Kanda hano umusubize

kajyunguri - 18/08/2016 saa 13:54

Ntimugakabye nta gikiba cyacitse. Biriya abantu biha byo kurya indagara cg imbuto zivuye I Burundi ni umurengwe nk'indi yose ni nka kumwe muri abakire baho bashimishwa no kurya imigati ivuye mu Bufaransa bakumva aro prestige kuri bo. Natwe indagara n'imbuto birahari kandi birahagije abashaka izivuye I Burundi nyine nibahendwe nyine barayafite nababwira iki.
Kanda hano umusubize

kajyunguri - 18/08/2016 saa 13:54

Ntimugakabye nta gikiba cyacitse. Biriya abantu biha byo kurya indagara cg imbuto zivuye I Burundi ni umurengwe nk'indi yose ni nka kumwe muri abakire baho bashimishwa no kurya imigati ivuye mu Bufaransa bakumva aro prestige kuri bo. Natwe indagara n'imbuto birahari kandi birahagije abashaka izivuye I Burundi nyine nibahendwe nyine barayafite nababwira iki.
Kanda hano umusubize

kankindi - 18/08/2016 saa 11:53

None mu Rwanda ntimurima ivyamwa? Canke sinumva ngo mufise lac Kivu? Ubu ino iwacu natwe dutambira kw'ikoma kuko indagara twari twarahevye none ubu ikilo ni 3000fbu gusa.
Kanda hano umusubize

kankindi - 18/08/2016 saa 11:50

None mu Rwanda ntimurima ivyamwa? Canke sinumva ngo mufise lac Kivu? Ubu ino iwacu natwe dutambira kw'ikoma kuko indagara twari twarahevye none ubu ikilo ni 3000fbu gusa.
Kanda hano umusubize

Oto von Eichimenn - 18/08/2016 saa 09:30

none ko ntangarukambi urwanda ruzagerwaho niki giteye kwandika inkuru nkiyi? uburundi kumvo zumutekano wigihugu cyabo ndabumva abanyarwanda nabo bamenyeko baca umugani ngo. USURANA UMUJINYA UKINERA ntabwo urwanda rwari kuvuga ko ntacyo birutwaye
Kanda hano umusubize

Hakizimana - 18/08/2016 saa 16:45

Iki gitekerezo nicyo rwose nanjye nakunze kubona abanyamakuru nabo bandika bashyigikira ko ntacyo abanyarwanda bazatakaza mu ihahirana ryahagaze. Uburundi bufata ingamba z'umutekano wabwo tukabuseka ngo nta bwenge burimo nk'aho tubayo buri munsi mu buzima bwabo cyangwa dufite amakuru y'uko umutekano waho uhagaze. Ariko mwibuke ko mu gihe cy'abacengezi imyaka mu mirima yaranduwe, intoki zigatemwa kimwe n'amashyamba, ko nta muturanyi wavugije induru nk'uko twe tubikorera abarundi. Ubundi umutekano niwo wa mbere ibindi biza nyuma. Rero nk'uko Yezu yabitwihanangirije, icyo utifuza ko bakugirira nawe ntukakigirira abandi. Urubyiruko cyane rw'ubu usanga rwandika russhyushye kandi arirwo Rwanda rw'ejo; byaba bibabaje ari uko rushaje.
Kanda hano umusubize

Hakizimana - 18/08/2016 saa 16:49

Iki gitekerezo nicyo rwose nanjye nakunze kubona abanyamakuru nabo bandika bashyigikira ko ntacyo abanyarwanda bazatakaza mu ihahirana ryahagaze. Uburundi bufata ingamba z'umutekano wabwo tukabuseka ngo nta bwenge burimo nk'aho tubayo buri munsi mu buzima bwabo cyangwa dufite amakuru y'uko umutekano waho uhagaze. Ariko mwibuke ko mu gihe cy'abacengezi imyaka mu mirima yaranduwe, intoki zigatemwa kimwe n'amashyamba, ko nta muturanyi wavugije induru nk'uko twe tubikorera abarundi. Ubundi umutekano niwo wa mbere ibindi biza nyuma. Rero nk'uko Yezu yabitwihanangirije, icyo utifuza ko bakugirira nawe ntukakigirira abandi. Urubyiruko cyane rw'ubu usanga rwandika russhyushye kandi arirwo Rwanda rw'ejo; byaba bibabaje ari uko rushaje.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X