Ahabanza  >>  Amakuru Yose >> Urukundo >> 

Dore inkingi zagufasha gukomeza urukundo rwa kure y’ amaso

Kugira umukunzi wa kure y’ amaso biravuna cyane, ariko kuko urukundo ntawe uruyobora kandi n’ uwo rushatse rumusanga, niyo mpamvu igihe umukunzi wawe ari kure ugomba gukomeza kumva ko muri kumwe ku mutima nk’ uko bavuga ngo "kure y’ amaso si kure y’ umutima.

Ibi ngiye kukubwira bizagufasha gukomera ku rukundo ufitanye n’ uwo mutegeranye n’ ubwo wabonaga bisa n’ ibikugoye cyane.



Kuba kure y’ umukunzi ntibivuze kutaba inyangamgayo mu rukundo

Kugirira umukunzi wawe icyizere gihagije, iyo wizeye umukunzi wawe by’ ukuri, nta cyababuza mwembi gukomeza kuryoherwa n’ urukundo n’ ubwo muba mutabasha kubonana amaso ku maso, ariko imitima yanyu iba iri kumwe. Umuntu rero aba agomba kugerageza akizera ko umukunzi we amutekereza nk’ uko nawe abyiyumvamo kandi nta mukekere ibyo atazi.

Kwihanganira ibigeragezo byatuma uteshuka kuba umukunzi wawe ari kure cyane, birashoboka ko utabura imitego uhura nayo haba abashaka kugutesha umurongo, abasebya umukunzi wawe n’ ibindi byose bishobora gutuma wumva utakimwiyumvamo. Jya ukomera kandi ushikame, ugume ku ntego wihaye nibyo byonyine bizatuma unesha ibigeragezo mu nzira y’ urukundo.

Kuzirikana amasezerano mwagiranye ntuzigere narimwe wibagirwa igihango wagiranye n’ umukunzi wawe cyangwa ngo wumve ko nta gaciro kigifite, ahubwo ugomba gukaza umurego ukibuka ko nta wundi mwigeze kugirana igihango nk’ icyo.

Kwirinda guhubuka mu byo umukorera n’ ibyo muvugana, abakundana bari kure baba bagomba kwitondera amagambo babwirana kugira ngo hatagira ukomeretsa undi kandi bategeranye ngo basabane imbazi kuko hari ubwo wamubwira ikintu bigatuma yumva ko utakimukunda, kimwe n’ ibyo umukorera uba ugomba kubiha agaciro ukabikora nk’ uwikorera.

Gushyira urwibutso yagusigiye ahagaragara, birashoboka ko ajya kugenda yagusigiye impano cyangwa se urwibutso. Ntuzigere ushyira aho utareba urwo rwibutso kuko nicyo kimenyetso gikomeye, iyo urureba biba bisa n’ aho ariwe murebana. Ugomba rero kurushyira ahantu uzajya urubona kenshi gashoboka.

Nyamuneka ntuzahemukire umukunzi wawe ngo ni uko ari kure kuko numubera indahemuka nawe azabikwitura maze urukundo rurusheho gushinga imizi no gusagamba.

Solange Gakuru - imirasire.com

Kanda hano udukurikire kuri Facebook na Twitter

Ibitekerezo

ndeko - 24/12/2013 saa 07:12

uranyemeje gusa urukundo nyarwo rurihangana umva tugomba kugira urukundo rwuzuye iyo rucagase urabyumva
Kanda hano umusubize

Bimenyimana.Jowel - 31/12/2013 saa 06:29

Ikibongoza,nukomubamwabanye,utamubonyese.Urinkanjyaha,wamubuze?nurucangase.Ntiwarureka?
Kanda hano umusubize

bazatoha javier - 7/01/2014 saa 02:39

impamvu wamubuze nuko utamushatse ugire umunsi mwza.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X