Monaco cosmetics

Nyuma yo kurya utw’abandi akinumira Wizkid yishyize umutwaro w’inyabubiri ku mutwe ngo asubizwe icyizere

Umuhanzi Wizkid ubarizwa muri Leta Zunze Ubumwe za Amerika ariko akaba akomoka muri Nigeria,nyuma yo guhabwa amafaranga akangari ngo azataramire abanya Uganda akayirira ntaze,kuri ubu yiyemeje kwikura mu gisebo akaba agiye kuza kubataramira muri uyu mwaka aho azabaha ibitaramo bibiri by’ubuntu.


Wizkid ukomoka muri Nigeria yamaze kwemeza ko agiye gukora ibitaramo by’ Ubuntu (free shows) mu gihugu cya Uganda nyuma y’ igihe kitari gito ashinjwe ko yariye amafaranga yabari barateguye igitaramo cyasubitswe umwaka ushize muri Uganda.

Uyu musore ngo agiye gukora ibi mu rwego rwo kwiyambura ubuhemu yashinjwaga dore ko sosiyete yari yaramutumije yari yamaze kwiyambaza igipolisi mpuzamahanga ngo ibafashe kuzamuta muri yombi.

Mu kwezi ku Ukuboboza 2017 ni bwo urukiko rwo mu mujyi wa Kampala rwandikiye Polisi Mpuzamahanga (Interpol) rusaba ko yata muri yombi Ayodeji Ibrahim Balogun “Wizkid” nyuma y’uko ategerejwe mu gitaramo ku munota wa nyuma kigasubikwa yarariye amafaranga.

Kompanyi Face TV yari yarishyuye Wizkid ku gitutu cy’abafana yatanze ikirego isaba ko Wizkid atabwa muri yombi natishyura amafaranga yariye.

Izo mpapuro zasabaga ko Wizkid yatabwa muri yombi zanasabaga ko na manager we Sunday Are yafungwa kuko ariwe wahawe amadorali y’Amerika $68,000 ngo wizkid akunde ataramire abanya-Kampala kuya 3 Ukuboza 2016.

Mu ibaruwa yari yandikiwe Interpol isabwa guta muri yombi Wizkid igaragazaga ko uyu muhanzi yishyuwe $60,000 naho umujyanama we (Manager) ahabwa ibihumbi $5,000 hamwe n’ ibindi bihumbi bitatu byo kubafasha mu gihe bari kumara mu gihugu cya Uganda.

Face TV yari yateguye iki gitaramo umwaka ushize ivuga ko yahombye amafaranga asaga $300,000 ubariyemo ibikorwa byo kwamamaza, amatike y’indege gukodesha ibyuma n’ibindi byose bakoze mu myiteguro ya Wizkid.

Nyuma y’ibi byose, Wizkid yamaze kwemeza ko uyu mwaka azakora ibitaramo bibiri by’ubuntu muri Uganda mu rwego rwo guhosha uburakari n’igihombo yateje yaba abateguye iki gitaramo ndetse n’abari bamutegereje.

Ndacyayisenga Fred

Kanda hano udukurikire kuri Facebook na Twitter

Ibitekerezo

severin izere - 21/05/2017 saa 05:19

wizkid why??
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X